Tɔ́rilɔ 13:22 - Sénoufo Nyarafolo

²² A pe 'sùuri Nɛgɛvi waama kùlo nī lè nɛ̀ sɛ́nì nɔ̀ Eburɔn kàʔa nɛ̄ gè. Kire tiʔɛ nī Anaki pìile pe yé puu: Ayima narigɛ gè, nɛ́ Sesayi narigɛ gè, nɛ́ Talimayi narigɛ gè. Ki 'nyaa, pe yé Eburɔn kàʔa tɛ́ngɛ gè ki yiʔɛlɛ kɔlisiinwoli lire ni 'puu á pe nɛ́ Zowan kàʔa tɛ́ngɛ gè, kire gáà ki 'puu Ezipiti kùlo nī lè.

Tɔ́rilɔ 13:22 Iomraidhean Croise

Sélimɛ 13:18

A Birama wi 'fɛ̀ni saaya kɔ́ligi yè, nɛ́ kɛ́ nɛ̀ sɛ́nì nɔ̀ Eburɔn kàʔa nɛ̄ gè. A wi 'tɛ́ni baa tiikpoliyo tiɛliʔɛ káà táanni gàa ki 'puu Mambire wuʔu gè. A wi ń'nɛ̀ Kulocɛliɛ gbùʔɔrɔdiʔɛ káà faan baa nɛ́ yajuʔu káà kɔni nɛ̀ taʔa ki nɛ̄ nɛ̀ Yewe gbùʔɔrɔ wè baa kire tiʔɛ nī gè.

Sélimɛ 23:2

A Sara 'kùu Kiriyati Ariba kàʔa nī. Piyē nɛ ki yeri míɛni Eburɔn kàʔa; kiī baa Kanaa kùlo nī lè. A Birayima cuɔ wi ga kùu wè, a wi pɛ́ni kùugo kpínʔini gè níɛ nyɛni wi nɛ̄.

Ŋúnuyɔ 78:12

Pe tobilo nyaamɛ nɛ̄ bè, a wi 'kakpoliyo kpíʔile yè, Zowan kàʔa tɛ́nimɛ nī bè baa Ezipiti kùlo nī lè.

Ŋúnuyɔ 78:43

A pe 'fìʔɛ nɛ́ fìɛlɛ ní bèle bàli wi 'kpíʔile Ezipiti kùlo nī lè, nɛ́ kakpoliyo ní yè nyàa wi 'kpíʔile Zowan kàʔa tɛ́nimɛ nī bè.

Tɔ́rilɔ 13:17

Bà Misa yé pe tun wè pe- sa Kanaa kùlo saanri lè bè wéli lè, a wi 'ki juu pe mɛ́ nɛ́ jo: «Ye- tóri Nɛgɛvi waama kùlo nɛ̄ lè, ye sùuri nyaguruyo nī yè.

Tɔ́rilɔ 13:28

«Gàa sí gī baa gè, kùlo ni siɛnnɛ pe tɔ̀ni yē nɛ́ ŋɔri ní díɛʔ ! Kàaya yi mìɛni yē kpoliyo nɛ́ ní sùluyo nɛ́ gunliriye ní wī. Weli cɛ́nì Anaki jaala nyaa bèle; pe sí tɔ̀ni yē nàgakpaʔaliyɛ sìtɔnijɛnyɛ !

Tɔ́rilɔ 13:33

Weli cɛ́nì siɛntɔniyɔ yáà nyaa baa, bàli bīɛlɛ Anaki jaala bèle, bàli bīɛlɛ siɛnfelige nàgakpaʔaliyɛ narigɛ gè. A weli 'yéri pe wàa táanni wè, weli nɛ̂ wìye nyaa kàbariyɛ tíɛlɛ wī, bɛ̀ peli míɛni peli nɛ weli nyaʔa.»

Fànʔa Kajuʔulo 9:2

Siɛnfelige káà yē baa pe sunʔɔmɔ nī, Anakiyé bèle, bàli piyē nɛ́ ŋɔri ní dè nɛ́ ní nàgakpaʔaliyɛ yè. Muɔ 'pe cɛ́n, a muɔ 'ki lúʔu míɛni a pe 'jo: ‹Ŋáa wi bé gbɛ̀ wìi suɔ Anaki siimɛ mɛ́ bè ?›