Tɔ́rilɔ 13:2 - Sénoufo Nyarafolo

² «-Nàguɔlɔ pálì tun pe- sa Kanaa kùlo saanri lè bè wéli, nàa m'bé kɛn Isirayɛli siɛnnɛ mɛ́ bèle. Muɔ bé siɛn nigbe nyíɛnɛ gɔ̀n wi- puu saʔa tùlugo ó saʔa tùlugo nī bàli bīɛlɛ yiɛgininɛ bèle, bè pe tun.»

Tɔ́rilɔ 13:2 Iomraidhean Croise

Yirile 18:25

A Misa 'nàguɔlɔ pálì nyíɛnɛ nɛ̀ kɔ̀n Isirayɛli siɛnnɛ nī bèle, bàli bīɛlɛ pe 'puu ŋɔri ní dè nɛ́ kaala cɛ́n wè. A wi 'pe tɛ́ngɛ siɛnnɛ pe mìɛni nyùgo nɛ̄, wàa ní siɛnnɛ sirakogunɔ (1 000) kàfɔli; ŋìi ní wè siɛnnɛ dabataan (100) kàfɔli; wàa sí ní siɛnnɛ togosiin nɛ́ kpɔrigɔ kàfɔli; wàa ní siɛnnɛ kiɛ kàfɔli.

Tɔ́rilɔ 1:4

«Saʔa tùlugo ó saʔa tùlugo nī, yeli bé nàguɔlɔ pálì nyíɛnɛ gɔ̀n bè fàri yìye nɛ̄, nàguɔ ó nàguɔ ŋáà wi yē wi tobilo kpáaya yi kàfɔli wè.

Tɔ́rilɔ 11:16

A Yewe 'ki juu Misa mɛ́ nɛ́ jo: «-Nàguɔlɔ togotaanri nɛ́ kpɔrigɔ nyíɛnɛ ma kɔ̀n Isirayɛli liɛlɛ nī bèle, bàli nɛ̄ muɔ 'tɛ́ngɛ pe bé gbɛ̀ jáa bè siɛnnɛ yiʔɛ kíni gè. Mari báan nɛ́ pe ní Kpàlidiʔɛ Kpátaʔa mɛ́ gè pe- pa yéri baa nɛ́ muɔ ní.

Tɔ́rilɔ 13:16

Nàguɔlɔ bálì peli bīɛlɛ bàli Misa yé nyíɛnɛ nɛ̀ kɔ̀n nɛ́ pe tun pe- sa kùlo saanri lè bè wéli. A Misa 'Nuni jaa Wosuwe míʔɛ yiʔɛ gè, nɛ wi ye Yesuwe.

Tɔ́rilɔ 13:3

A Misa 'pe tun nɛ̀ ki yaʔa pe ní baa Paran waama kùlo tiʔɛ nī gè, bà Yewe cé ki juu gè. Pe mìɛni yé puu Isirayɛli siɛnnɛ kàfɔlilɔ.

Tɔ́rilɔ 32:8

Kanumɔ pire bī bàa yeli tobilo pe yé kpíʔile bèle lɛ̀lɛ líì nī mi cé pe tun a pe 'yiri Kadɛsi Barinɛya tiʔɛ nī gè, nɛ́ jo pe- sa Kanaa kùlo saanri lè pe wéli wè.

Tɔ́rilɔ 34:18

Yeli bé ní yiɛgininɛ pálì nyíɛnɛ gɔ̀n saʔa tùlugo ó saʔa tùlugo nī, bè kùlo liɛlɛ lè.

Fànʔa Kajuʔulo 1:15

«Kire nɛ̄ a mi 'siɛnsicilile bálì líɛ bèle, bàli ní siɛnnɛ pe 'tɔ́ri bèle, a yeli 'pe nyíɛnɛ nɛ̀ kɔ̀n yeli saaya tùluyo nī yè, a mi 'pe tɛ́ngɛ yeli nyùyɔ nɛ̄ yè, siɛnnɛ sirakogunɔ (1 000) kàfɔlilɔ, siɛnnɛ dabataan (100) kàfɔlilɔ, siɛnnɛ togosiin nɛ́ kpɔrigɔ kàfɔlilɔ, nɛ́ siɛnnɛ kiɛ kàfɔlilɔ, nɛ́ míɛni saaya tùluyo yiɛgininɛ pálì piyeyɛ ní.

Fànʔa Kajuʔulo 9:23

Nɛ́ baa Kadɛsi Barinɛya tiʔɛ nī gè, a Yewe 'yeli tun nɛ́ jo: ‹Ye- kɛ́ ye sa kùlo líɛ lè nàa mi 'kɛn yeli mɛ́ lè.› Nɛ̀ ki yaʔa a yeli 'cíi Yewe yeli Kulocɛliɛ siɛnjuuro nɛ̄ dè, dàa wi 'juu nɛ̀ gbɛ̀ngɛ dè. Yeli sì tɛ́ngɛ Yewe nɛ̄ wè nɛ̀ lúʔu wi mɛ́ʔ.