Tɔ́rilɔ 13:18 - Sénoufo Nyarafolo

¹⁸ Ye- kùlo saanri lè ye wéli kɛnmɛ bíì nɛ̄ ni yē lè. Ye- ki wéli míɛni mɛni siɛnnɛ pe yē, bàli bīɛlɛ baa kùlo nī lè, a ki yē ŋɔri yē pe nī, kire ga laa piyē ŋɔri fùn dè, a ki yē piyē nìʔɛnɛ, kire ga laa a piyē cɛ̀ri wèʔ.

Tɔ́rilɔ 13:18 Iomraidhean Croise

Yirile 3:8

Kire nɛ̄ mi 'tìgi bè pa pe suɔ Ezipiti siɛnnɛ kiyɛ nī yè, bè kɛ́ nɛ́ pe ní kùlo náà mɛ́ lè nàa ni 'nyuɔ nɛ́ kpúʔɔ lè, nɛ́ ní tàanna lè, baa nɛ̀yirimɛ nɛ́ sárigɛ kiī nɛ fúu gè. Lire kùlo lire niī Kanaa siɛnnɛ woli lè, nɛ́ Eti siɛnnɛ, nɛ́ Amɔri siɛnnɛ, nɛ́ Perezi siɛnnɛ, nɛ́ Evi siɛnnɛ nɛ́ Jebusi siɛnnɛ kùlo lè.

Tɔ́rilɔ 13:17

Bà Misa yé pe tun wè pe- sa Kanaa kùlo saanri lè bè wéli lè, a wi 'ki juu pe mɛ́ nɛ́ jo: «Ye- tóri Nɛgɛvi waama kùlo nɛ̄ lè, ye sùuri nyaguruyo nī yè.

Tɔ́rilɔ 13:19

Ye- ki wéli míɛni mɛni kùlo náà ni siɛnnɛ pe yē bèle, a ki yē niī cɛ̀nnɛ kire ga laa niī sìpiile. Ye- ki wéli míɛni kàaya nyáà nī pe yē bèle, a ki yē yiī vòyo, kire ga laa yiī sùluyo yè.