Tɔ́rilɔ 13:16 - Sénoufo Nyarafolo

¹⁶ Nàguɔlɔ bálì peli bīɛlɛ bàli Misa yé nyíɛnɛ nɛ̀ kɔ̀n nɛ́ pe tun pe- sa kùlo saanri lè bè wéli. A Misa 'Nuni jaa Wosuwe míʔɛ yiʔɛ gè, nɛ wi ye Yesuwe.

Tɔ́rilɔ 13:16 Iomraidhean Croise

Yirile 17:9

A Misa 'ki juu Yesuwe mɛ́ nɛ́ jo: «Yɛ̀ ma nàguɔlɔ pálì nyíɛnɛ ma kɔ̀n ma sa kapiɛnnɛ kpúɔn lè nɛ́ Amalɛki ní wè. Mbànʔa gè, m'bé yɛ̀ bè yéri nyagurugo naamɛ gè nɛ́ Kulocɛliɛ kàgbiile ní lè mi kɔli nī gè.»

Tɔ́rilɔ 13:15

Gewiyɛli, Maki jaa wè, wire ŋáà wi 'puu Gadi saʔa tùlugo nī gè.

Tɔ́rilɔ 13:2

«-Nàguɔlɔ pálì tun pe- sa Kanaa kùlo saanri lè bè wéli, nàa m'bé kɛn Isirayɛli siɛnnɛ mɛ́ bèle. Muɔ bé siɛn nigbe nyíɛnɛ gɔ̀n wi- puu saʔa tùlugo ó saʔa tùlugo nī bàli bīɛlɛ yiɛgininɛ bèle, bè pe tun.»

Tɔ́rilɔ 13:8

Wosuwe, Nuni jaa wè, wire ŋáà wi 'puu Ɛfirayimi saʔa tùlugo nī gè;

Tɔ́rilɔ 14:30

Mi nyɛ́nì kɔli yɛ̀gɛ gè nɛ̀ kàli nɛ́ jo yeli sǐ ga tíi bé jíin kùlo náà nī lèʔ, nàa nyuɔ mi yé kún nɛ̀ kɛn yeli mɛ́ lè. Bàli yákuɔ pe bé jíin kùlo náà nī lè, peli bīɛlɛ: Yefunɛ jaa wè, Kalɛbi wè, nɛ́ Nuni jaa wè, Yesuwe wè.

Tɔ́rilɔ 14:6

A Nuni jaa wè, Yesuwe wè, nɛ́ Yefunɛ jaa wè, Kalɛbi wè, peli bálì pe 'puu nɛ́ tundunminɔ ní bèle bàli Misa cé tun bèle a pe sɛ́nì kùlo saanri lè nɛ̀ wéli lè, a peli 'fali nɛ̀ pe burudo píle dè nɛ̀ cɛnminɛ,

Tɔ́rilɔ 27:18

A Yewe 'ki juu Misa mɛ́ nɛ́ jo: «Sa Yesuwe kɔ́ri, Nuni jaa wè, ŋàa nī Kulocɛliɛ Pìle ni yē lè, má sí muɔ kɔli taʔa gè wi nɛ̄.

Kakpiʔiligele 7:45

A ki kpátaʔa gáà ki pɛ́nì kɛn weli tuuliɛyɛ mɛ́ yè Yesuwe lɛ̀lɛ nī lè, bà Kulocɛliɛ wi cé kùlogolo kálì cìra weli wuulo pe yiʔɛ mɛ́ gè. A kpátaʔa gáà ki 'kò baa fúɔ nɛ̀ pɛ́nì taa kùlofɔli Dawuda lɛ̀lɛ nī lè.

Wurɔmiyé 9:25

majo bɛ̀ ki 'juu Oze Sɛbɛ nī wè, á Kulocɛliɛ wi 'jo: Bìli pe wè mi wuulo bèleʔ, m'bága de pe yeri mi kùlo wuulo; nɛ̀ pínɛ bìli piyè cé mi dɛ́ni bèleʔ, m'bága jo pe 'mi dɛ́ni .

Fànʔa Kajuʔulo 32:44

Bɛ̀ ki 'kpíʔile a Misa pɛ́nì ŋúnugo gáà ki siɛnrɛ ti mìɛni juu Isirayɛli siɛnnɛ mɛ́ bèle, wire nɛ́ Yesuwe ní wè, Nuni jaa wè.

Eburulo 4:8

Nɛ́ ki cɛ́n a ki yē Yesuwe yé jáa nɛ̀ pe nyɔ́gɔ ŋɔ́daala nī lè, Kulocɛliɛ sì cî ní cɛngɛ káà wuʔu juuʔ.