Tɔ́rilɔ 12:8 - Sénoufo Nyarafolo

⁸ Wire wè, mi nɛ nyu nɛ́ wire ní térire, kɛnmɛ páà nɛ̄ bàa pi 'fílige bè; ki nɛ̌ nyaa kàsiʔile nīʔ. Wiī nɛ mi Yewe kɛnmɛ nyaʔa bè. Gáa sí nɛ̄ yeli sì fíɛʔ nɛ́ fɔ̀li nɛ̀ mi baakuɔwɔ Misa sànʔa wè ?»

Tɔ́rilɔ 12:8 Iomraidhean Croise

Sélimɛ 32:30

A Yakuba wi 'nàguɔ yúgo wè: «A muɔ míʔɛ gè do ?» A nàguɔ wi 'jo: «Gáa nɛ̄ muɔ kpáan nɛ̀ mi míʔɛ yúgo gè ?» Nɛ́ fali nɛ̀ diba taʔa wè Yakuba nɛ̄.

Ŋúnuyɔ 17:15

Gàa ki 'mi kúɔ wè, mi sínmɛ pire kɛnmɛ nɛ̄, mi bé muɔ yiʔɛ nyaa gè. A mi 'yɛ̀ wè, muɔ nyaana lire ni bé mi tín.

Ŋúnuyɔ 49:4

Mi nyuɔ ki bé laaduumɔ siɛnrɛ juu, mi funzɔngirɔ ti bé puu nɛ́ sícilimɛ ní.

Yirile 19:19

Ki 'nyaa sìnbanyɛgɛ yékpoli ni 'puu nɛ gbɛ̀ngí nɛ waa, kàa 'puu nɛ fàri ni nɛ̄ súuri, Misa wire 'puu nɛ nyu, á Yewe Kulocɛliɛ sí nɛ siɛnnugoro kanʔa dè wi mɛ́ nɛ́ yékpogbuɔlɔ ní.

Yirile 20:4

Ma fǎga yatɛngɛ káà kpíʔile bèri ki gbùʔɔrɔ́ʔ, kàa tíɛlɛ gàa gī nyìʔɛnɛ nī lèʔ, nɛ́ kàa tíɛlɛ gàa gī dàala nɛ̄ lèʔ, nɛ́ kàa ní gàa gī luʔɔ nī gè dàala táanmɛ gèʔ.

Yirile 33:11

Yewe puu nɛ nyu nɛ́ Misa ní nyuɔ nɛ́ nyuɔ, majo bɛ̀ siɛn cî nɛ nyu nɛ́ wi nàgori ní kɛnmɛ bíì nɛ̄ wè. Kire kàduʔumɛ Misa nɛ pɛ́ni jíin bùguro nī dè, nɛ̀ ki yaʔa wi baakuɔwɔ Nuni jaa Yesuwe wè, nàgapunwɔ wè, wire sì puu nɛ laʔa baa Kpátaʔa laamɛ nī bèʔ.

Yirile 33:19

A Yewe sí ki juu nɛ́ jo: «M'bé mi funjɛ̀ngɛ ki mìɛni yaʔa ki tóri muɔ yiʔɛ mɛ́, bé sí mi míʔɛ yeri gè muɔ mɛ́, Yewe wè; kire nɛ ki tìí ŋàa mi yē wè. M'bé kpuʔɔrɔ kɛn siɛn ŋáà mɛ́ mi je ti kɛn wè, mi míɛni bé nyinimɛ taa siɛn ŋáà nɛ̄ m'bé nyinimɛ taa wè.

Yirile 33:23

Kire kàduʔumɛ gè, m'bé kɔli láʔa gè dí muɔ sí mi kàduʔu kire yákuɔ nyaa, nɛ́ ki cɛ́n siɛn sǐ gbɛ̀ mi yiʔɛ nyaa gèʔ.»

Yirile 34:30

Bà Arawɔn nɛ́ Isirayɛli siɛnnɛ pe kɛ́nì Misa nyaa wè, a pe 'ki nyaa wi yiʔɛ ki 'puu nɛ nyíʔɛnɛ, pe 'puu nɛ fìʔɛ́ bè sìʔɛrɛ bè kpɔni wi nɛ̄ʔ.

Tɔ́rilɔ 14:14

Pe nyɛ́nì ki juu Kanaa kùlo siɛnnɛ mɛ́ bèle a pe 'ki lúʔu nɛ́ jo muɔ wè, Yewe, muɔ yē pe sunʔɔmɔ nī, nɛ́ míɛni muɔ Yewe wè, muɔ nyɛ́nì mìɛ tìɛ pe nɛ̄ a pe 'muɔ nyaa. Muɔ kàsadibagɛ ki nɛ̂ yéri pe nyùgo nī gè nɛ̀ pe yiʔɛ kíni gè, kàsadibagɛ sìtɔnigɔ nī gàa ki 'cùungu cɛngɛ nī gè, nɛ́ kàsadibagɛ kàsun sìtɔnigɔ ní pìlige nī gè.

Tɔ́rilɔ 7:89

Bà Misa 'puu nɛ jiin Kpàlidiʔɛ Kpátaʔa nī gè bèri nyu nɛ́ Yewe ní wè, wi 'puu nɛ yékpoli lúru lè nàa ni 'puu nɛ nyu nɛ́ wi ní wè; ni 'puu nɛ kɔ́ngi seribɛnnɛ siin sunʔɔmɔ nī bè, kàsulugo suɔdiʔɛ naamɛ gè, gàa ki yé puu nyakungɛngɛ finʔɛgɛ yatɔngɔ gè. Kire kɛnmɛ báà pire nɛ̄ Yewe wi 'puu nɛ nyu nɛ́ Misa ní wè.

Matiye 13:35

A kire ki 'kɛn siɛnrɛ dáà Kulocɛliɛ siɛnjuuwo wi cé juu dè, a ti 'fori; wi cé jo: M'bága mi nyuɔ múgu gè bèri nyu kàsiʔile nī, bèri kalarigɛlɛ jáari gèle, gàli ke tíi nɛ̀ puu baa duniya sélimɛ nɛ̄ bè .

Luku 10:16

«A siɛn ŋíì 'yeli siɛnrɛ lúʔu dè, mi siɛnrɛ wi 'lúʔu; a ŋìi sí yeli wáa wè, mi wi 'wáa. A siɛn ŋíì sí mi wáa wè, Kulocɛliɛ ŋáà wi 'mi tun wè, wire siɛn wi 'wáa nɛ̀ pínɛ.»

Zezi Kirisi Kataanna Siɛnrɛ dè Zan juumɔ nɛ̄ bè 1:18

Siɛn sì fìɛ Kulocɛliɛ nyaa wè nɛ̀ nyaaʔ; Kulocɛliɛ Jaa nigbiiwe ŋáà wī Kulocɛliɛ wè, nɛ́ ní baa nɛ̀ kpɔni Tuufɔli nɛ̄ wè, wire wi pɛ́nì Kulocɛliɛ tìɛ wè siɛnnɛ nɛ̄ bèle.

Zezi Kirisi Kataanna Siɛnrɛ dè Zan juumɔ nɛ̄ bè 15:15

Mi ní wè nɛ yeli yeri mi sùkuloloʔ, nɛ̀ taʔa gíi nɛ̄, sùkulowo wi nɛ̌ ki cɛ́nʔ gàa wire kàfɔli wiī nɛ kúu gèʔ. Mi sí nɛ yeli yeri mi nàgorilo bɛ̀ ki 'nyaa siɛnrɛ ó siɛnrɛ mi 'lúʔu mi Tuu mɛ́ wè, mi nyɛ́nì tí a yeli 'ki cɛ́n.

Zezi Kirisi Kataanna Siɛnrɛ dè Zan juumɔ nɛ̄ bè 15:24

«A ki yē mi sì cé kakuʔɔlɔ kúɔ pe sunʔɔmɔ nī bè gàli siɛn wáà sì gbɛ̀nɛ kpíʔile gèleʔ, kapiʔile sǐ cî puu pe nɛ̄ʔ. Bɛ̀ sí ki yē ŋɔ̀ wè pe nyɛ́nì mi kakuʔɔlɔ nyaa gèle, a mi 'bèli nɛ̀ pe biɛn, a mi Tuu míɛni wi 'pe biɛn nɛ̀ pínɛ.

Korɛntiyé 1 13:12

Bɛ̀ ki yē ŋɔ̀ wè, dibale nī weli nɛ wéli, níɛ ki nyaʔa vúɔnɔvuɔnɔ. Cɛngɛ káà sí nɛ báan baa, we bága de wi nyaʔa yiʔɛ nī wī. Bɛ̀ ki yē ŋɔ̀ wè, mi 'tàa paʔa nɛ̀ cɛ́n wī; cɛngɛ káà sí nɛ báan baa, m'bága kele sɔ́migɔ gèle bè ke cɛ́n majo mɛni Kulocɛliɛ wi 'mi cɛ́n wè.

Korɛntiyé 2 3:18

Kire nɛ̄, weli we mìɛni bálì bīɛlɛ yiɛyɛ ní yè múguyo yè, weli nɛ Kàfɔli wi kpuɔmɔ wéli bè ki ní majo we ki wéli dibale nī wī. Bɛ̀ Kàfɔli wi sí yē Kulocɛliɛ Pìle lè, wiī nɛ weli kàrigí nɛ weli kpínʔini bɛ̀ wìi tíɛlɛ, nɛ kàa taʔala nɛ waa weli kpuɔmɔ nɛ̄ bè.

Fànʔa Kajuʔulo 18:15

«Gìi sí gī baa gè, siɛnjuuwo wáà Yewe muɔ Kulocɛliɛ bága yige bɛ̀ mi tíɛlɛ yeli siɛnnyɛninɛ sunʔɔmɔ nī bè, wire mɛ́ yeli 'yɛli bèri lúru.

Fànʔa Kajuʔulo 34:10

Isirayɛli kùlo nī lè, siɛnjuuwo wáà sì yé ń'nɛ̀ yiri bɛ̀ Misa tíɛlɛ wèʔ, wire ŋàa wi cé puu nɛ Yewe nyaʔa wè nìɛ nyu wi ní wè.

Fànʔa Kajuʔulo 4:15

«Bɛ̀ sí ki yē gè, yeli sì yé Yewe wi yiʔɛ nyaaʔ cɛngɛ gáà wi 'juu nɛ́ yeli ní wè kàsun sunʔɔmɔ nī bèʔ, baa Worɛbi nyagurugo mɛ́ gèʔ. Kire nɛ̄ yeri yìye ciʔige díɛʔ,

Fànʔa Kajuʔulo 5:8

«Ma fǎga yatɛngɛ káà kpíʔile bèri ki gbùʔɔrɔ́ʔ, kàa tíɛlɛ gàa gī nyìʔɛnɛ nī lèʔ, nɛ́ kàa tíɛlɛ gàa gī dàala nɛ̄ lèʔ, nɛ́ kàa ní gàa gī luʔɔ nī gè dàala táanmɛ gèʔ.

Kolɔsiyé 1:15

Kulocɛliɛ wè, we wè wi nyaʔaʔ, nɛ̀ sí ki taa Kirisi wire wi nyɛ́ni wi kɛnmɛ tìí bè; wire wī pìpeliwe wè nɛ́ ní péliwe wè yafaanra ti mìɛni nyùgo nɛ̄ gè.

Tesalonikiyé 1 4:8

Kire nɛ̄, siɛn ó siɛn wi 'siɛnrɛ dáà cíi dè, siɛn bɛ̀ʔ wi 'cíiʔ, ki 'nyaa Kulocɛliɛ wire siɛn wi 'cíi, Kulocɛliɛ ŋáà wi 'wi Tiɛlɛfun Pìle kɛn lè yeli mɛ́ lè.

Timote 1 6:16

Wire nigbe wī sìnguu nī; wiī kòriwo kpìɛnmɛ nī bè bàa nɛ̄ siɛn sǐ gbɛ̀ sìʔɛrɛ kpɔni wèʔ. Siɛn wáà fáala fìɛ wi 'nyaa nɛ̀ nyaaʔ nɛ́ míɛni wàa sǐ gbɛ̀ wi nyaaʔ. Wire nigbe nɛ̄ kpuʔɔrɔ ti 'yɛli nɛ́ fànʔa ki mìɛni ní lɛ̀lɛ ó lɛ̀lɛ nī ! Ki- taa ki puu bɛ̀  !

Eburulo 1:1

Faʔa faʔa gè, lɛ̀gɛlɛ sáa nī Kulocɛliɛ wi 'puu nɛ tòrí wi siɛnjuuliɛlɛ mɛ́ bèle nɛ nyu nɛ taʔala kɛnmɛ sáamɛ nɛ̄ weli tobilo mɛ́ bèle.

Eburulo 1:3

Jaafɔli wiī nɛ nyíʔɛnɛ nɛ Kulocɛliɛ cɛ̀nmɛ nɛ́ wi kpuɔmɔ tìí bè. Wiī nɛ Kulocɛliɛ kɛnmɛ tìí bè kányiʔɛ nɛ̄, nɛ́ yɛrɛ ti mìɛni cò nɛ̀ yérige nɛ́ wi siɛnrɛ ní dè, dàa dī nɛ́ ŋɔri ní dè. Lɛ̀lɛ líì nī wi yé siɛnnɛ cìile bèle nɛ̀ kapiʔile láʔa gèle, a wi 'tɛ́ni Kpuɔmɔ Kulocɛliɛ wi kàliige mɛ́ gè, baa nyìʔɛnɛ nī lè.

Piɛri 2 2:10

Wi bé cɛ pe wuʔɔ wī, bàli pe 'taʔa pe céri núʔɔmɔ nìge kele kúrugu gèle, a piyē nɛ Kulocɛliɛ kàfɔligɔ faʔa gè. Kire siɛnnɛ bálì bèle, piyē nìɛnyiɛnigɛfɔlilɔ nɛ́ ní fungbɛnyɛfɔlilɔ, pe wè nɛ fìʔɛ́ bè nyìʔɛnɛ fànʔafɔlilɔ tiʔɛlɛ bèleʔ.

Zudi 1:8

Bɛ̀ míɛni sí ki yē ki siɛnnɛ bálì bīɛlɛ yeli sunʔɔmɔ nī bè. A pe 'yakaa nyaa ŋɔ́nigɔ káà felige nī gè, pe nɛ̂ ki kpíʔile majo Kulocɛliɛ wi 'juu nɛ́ peli ní. Pe nɛ̂ pe sɔ̀ngirɔ taʔa dè kire ŋɔ́nigɔ nɛ̄ gè níɛ̀ nɛ pe céri kanɛdanʔana kpínʔini gèle gàli ke 'núʔɔ gèle, níɛ̀ Kulocɛliɛ kàfɔligɔ faʔa gè, níɛ̀ nɛ nyìʔɛnɛ fànʔafɔlilɔ teri bèle, bàli bīɛlɛ kpuɔmɔ ní bè.