Tɔ́rilɔ 12:6 - Sénoufo Nyarafolo

⁶ A Yewe 'ki juu pe mɛ́ nɛ́ jo: «Ye- mi siɛnrɛ lúʔu dè cɛngɛ: a siɛnjuuwo je yiri yeli nī wè, mi Yewe wè, mi nɛ̂ nìɛ tìɛ wi nɛ̄ kɛnmɛ páà nɛ̄, kire ga laa mi nɛ̂ juu nɛ́ wi ní ŋɔ́nigɔ nī.

Tɔ́rilɔ 12:6 Iomraidhean Croise

Sélimɛ 15:1

Kele gálì ke mìɛni kàduʔumɛ gè, a Yewe 'juu nɛ́ wìi tìɛ Birama nɛ̄ wè, nɛ́ jo: «Birama, muɔ fǎga de fìʔɛ́ yafiɛn nɛ̄ʔ, mi wī muɔ timɔzigege gè; muɔ tɔ̀ni wi bé ba puu nìʔɛwɛ.»

Sélimɛ 20:7

Píra ŋáà nī wè, sa nàguɔ wi cuɔ kɛn wè wi mɛ́, nɛ́ ki cɛ́n Kulocɛliɛ siɛnjuuwo wī. Wi bé Kulocɛliɛ náari muɔ mɛ́ kire ga buu muɔ fǎga kùuʔ. A muɔ sí cíi wè, ma ki cɛ́n muɔ bé kùu wī, muɔ nɛ́ muɔ siɛnnɛ pe mìɛni ní.»

Sélimɛ 28:12

A ŋɔ́nigɔ 'tuu wi nɛ̄, a wi 'téligiwe wáà nyaa ŋàa wi 'tìgi dàala nɛ̄ lè nɛ́ yɛ̀ baa nyìʔɛnɛ nī lè, nɛ́ Kulocɛliɛ nyìʔɛnɛ tundunminɔ nyaa bèle, pàli nɛ tári, pàli nɛ tíri téligiwe nɛ̄ wè.

Sélimɛ 28:16

Bà Yakuba 'yɛ̀ ŋɔ́nimɔ nɛ̄ bè, a wi 'jo: «ʔá ! Kányiʔɛ nɛ̄, Yewe yē náʔa tiʔɛ gáà nī gè díɛʔ ! Nɛ̀ ki yaʔa mi sì ki cɛ́nʔ !»

Sélimɛ 37:5

A ŋɔ́nigɔ kɛ́nì tuu Yusufu nɛ̄ wè, a wi 'ki juu wi lɔbilɔ mɛ́ bèle, a wi kaala ni nɛ́ pe sɔ́migɔ nɛ̀ biɛn.

Sélimɛ 37:9

A Yusufu wi ń'nɛ̀ ŋɔ́nigɔ káà ŋɔ́ni, nɛ̀ ki juu wi lɔbilɔ mɛ́ bèle nɛ́ jo: «Ye‑ ki wéli, mi ń'nɛ̀ ŋɔ́nigɔ káà ŋɔ́ni, nɛ̀ ki nyaa, cɛngɛ gè, nɛ́ yege ní gè, nɛ́ ŋɔgɔlɔ kiɛ nɛ́ nigbe ní gèle, a ke mìɛni pɛ́nì tuu nɛ̀ cúbulo mi táanni.»

Sélimɛ 46:2

Bà pìlige ki 'wúɔ gè, a Kulocɛliɛ wi 'juu nɛ́ Isirayɛli ní, nɛ́ wi yɛ: «Yakuba yo ! Yakuba yo !» A wi 'suɔ: «Coo‑i !»

Ŋúnuyɔ 105:15

nɛ́ jo: «Ye fǎga cò mi siɛnnyiɛnɛgɔnminɔ nɛ̄ bèleʔ ! Ye fǎga kapiile kpíʔile mi siɛnjuulo nɛ̄ bèleʔ !»

Ŋúnuyɔ 89:19

Weli kùlofɔli wiī Isirayɛliyé Tiɛlɛfun Kulocɛliɛ wi wuu, ʔaan, ŋàa wī weli timɔzigege gè, wiī Yewe wuu.

Yirile 7:1

A Yewe 'ki juu Misa mɛ́ nɛ́ jo: «-Ki wéli, mi 'muɔ tɛ́ngɛ Kulocɛliɛ sìndiʔɛ nī Farawɔn mɛ́. Muɔ luɔ Arawɔn wè, wire bé puu siɛnjuuwo muɔ mɛ́.

Tɔ́rilɔ 24:4

Wire wi nyɛ́ni Kulocɛliɛ siɛnrɛ lúru dè, níɛ ki nyaʔa gàa Ŋɔri Ti Mìɛni Kulocɛliɛ wè, wi 'tìɛ wi nɛ̄ gè. Wi nɛ̂ tuu dàala nɛ̄ lè nyapigele ní gèle múgugolo:

Matiye 1:20

Bà kire sɔ̀ngirɔ dáà tiī wi nī mmɛ gè, a Kàfɔli wi nyìʔɛnɛ tundunwɔ wáà pɛ́nì yiri wi nɛ̄ ŋɔ́nigɔ nɛ̄ nɛ̀ wi yɛ: «Yusufu ŋɛ, Dawuda Jaa, fǎri fìʔɛ́ bè Maari líɛ wè wi- puu muɔ cuɔ wèʔ, nɛ̀ taʔa gíi nɛ̄, pùɔ ŋáà wī baa wi liyɛ nī yè, Kulocɛliɛ Pìle baara dī.

Matiye 2:19

Bà Erodi kɛ́nì kùu wè, a Kàfɔli wi nyìʔɛnɛ tundunwɔ wáà sɛ́nì yiri Yusufu nɛ̄ wè ŋɔ́nigɔ nɛ̄, wi ní baa Ezipiti kùlo nī lè,

Matiye 23:31

Kire tiɛlɛ náà nī lè, yeli nɛ ki tìí yeli tíimɛ bèle dí yeli yē Kulocɛliɛ siɛnjuuliɛlɛ kpúufɔlilɔ pe pìile.

Matiye 23:34

Kire kɛnmɛ nɛ̄, ye- nyaa mi wè, m'bé Kulocɛliɛ siɛnjuulo tórigo yeli mɛ́ nɛ́ siɛnsicilile ní, nɛ́ Fànʔa Siɛnrɛ sɛbɛcɛ́nminɛ ní. Yeli bé pe pàli kpúu, bè pàli kóri tiiparigɛ nɛ̄, bé ní pàli kpúɔn sápinyiʔɛnɛ nɛ̄ yeli tɛnmɛzaaya nī yè, de pe cìrá de mári kàaya nī yè.

Matiye 23:37

A Zezi wi 'jo: «Zerizalɛmi, Zerizalɛmi ! Muɔ wī ma nyɛ́ni Kulocɛliɛ siɛnjuulo kpúu bèle, níɛ tundunminɔ wáari bèle nɛ́ sìndari ní dè, bìli Kulocɛliɛ 'tun muɔ mɛ́ bèle. ʔé, ki 'tɔliyɔ nyuɔ kúɔ bà mi nɛ ki caa bè muɔ pìile yeri bèle bè pe pínɛ bèle, majo mɛni gònuu cî wi gòpiire pínɛ dè wi fíkɛnyɛ láara yè ! Nɛ̀ sí ki taa yeli sì yéri ki nɛ̄ʔ.

Matiye 27:19

Bà sí wi 'puu tɛ́niwɛ wi kàyuʔujuulo kácunʔɔ nī gè, a wi cuɔ wi 'tunduro tórigo wi mɛ́ nɛ́ wi yɛ: «Fǎga tí bé mìɛ le siɛnsinwɛ ŋáà wi wori nī dèʔ ! Ŋɔ́nigɔ káà 'mi fùrɔ nɛ̀ tóri pìlige gáà ki 'kúɔ gè wi koligo nī gè.»

Luku 1:11

Bà Zakarii wi 'puu baa wusuna sórigodiʔɛ nī gè, a Kàfɔli wi nyìʔɛnɛ tundunwɔ wáà sɛ́nì wìi tìɛ wi nɛ̄, nɛ̀ yéri wusuna sórigodiʔɛ ki kàliige mɛ́ gè.

Luku 1:22

Bà wi kɛ́nì yiri wè, wiì puu nɛ̀ gbɛ̀ nɛ nyu nɛ́ pe níʔ. A pe 'ki cɛ́n dí wi bé puu bè kaala láà nyaa baa Kulocɛliɛ Gbùʔɔrɔsaʔa nī gè. A wi 'kò bobogo, nɛ nyu nɛ́ pe ní kabiʔɛlɛ siɛnrɛ nī.

Luku 20:6

A we sí ní nɛ̀ ki juu nɛ́ jo siɛnnɛ mɛ́ wè, siɛnnɛ pe bé we wáa nɛ́ kàdari ní.» Ki 'nyaa siɛnnɛ pe mìɛni cé tɛ́ngɛ ki nɛ̄ Zan wi 'puu Kulocɛliɛ siɛnjuuwo.

Kakpiʔiligele 10:11

a wi 'nyìʔɛnɛ nyaa lè a ni 'múgu, nɛ́ fɛ̀nikpuʔɔ nyaa ki tíri, màʔagɛlɛ ń'nɛ̀ ki cò ki nyuɔyɔ sicɛri nī yè, nɛ̀ pɛ́nì tɛ́ni dàala nɛ̄ lè.

Kakpiʔiligele 10:17

A kaala náà ni 'Piɛri wi fungo wúɔ, a wi 'yɛ̀ nɛ ki sɔ̀ngí gàa Kulocɛliɛ wi 'tìɛ wire nɛ̄ gàa gè, kire kɔri wi 'jo gáa wī ? Kire lɛ̀lɛ nī lè, nàguɔlɔ bálì Kɔrinɛyi cé tun bèle a peli pɛ́nì yiri, nɛ̀ Siimɔ kpáa tiʔɛ yúgo gè, nɛ́ sɛ́nì yéri baa saʔa wìile táanni lè,

Efɛziyé 4:11

Nɛ̀ pínɛ wire wi 'pàli kpíʔile Zezi tundunminɔ, nɛ̀ pàli kpíʔile Kulocɛliɛ siɛnjuulo, nɛ̀ pàli kpíʔile Kataanna Siɛnrɛ jáarifɔlilɔ, nɛ̀ pàli kpíʔile tɛ́ngɛfɔlilɔ gbuʔulo nàʔavɔlilɔ, nɛ̀ pàli kpíʔile tɛnmɛfɔlilɔ.

Fànʔa Kajuʔulo 18:15

«Gìi sí gī baa gè, siɛnjuuwo wáà Yewe muɔ Kulocɛliɛ bága yige bɛ̀ mi tíɛlɛ yeli siɛnnyɛninɛ sunʔɔmɔ nī bè, wire mɛ́ yeli 'yɛli bèri lúru.

Fànʔa Kajuʔulo 18:18

Siɛnjuuwo wáà m'bága yige yeli siɛnnyɛninɛ sunʔɔmɔ nī bè, bé sí mi siɛnrɛ le dè wi nyuɔ nī gè, wi béri ki nyu pe mɛ́ gàa ki mìɛni mi 'juu nɛ̀ gbɛ̀ngɛ gè.

Eburulo 1:1

Faʔa faʔa gè, lɛ̀gɛlɛ sáa nī Kulocɛliɛ wi 'puu nɛ tòrí wi siɛnjuuliɛlɛ mɛ́ bèle nɛ nyu nɛ taʔala kɛnmɛ sáamɛ nɛ̄ weli tobilo mɛ́ bèle.

Tìɛlɛ 11:10

Nɛ̀ pínɛ duniya siɛnnɛ pe béri fundaanra kpínʔini bèri pe tìʔɛ́, bé sí de kpuʔɔrɔ yɛrɛ tórigi pìye mɛ́, nɛ̀ taʔa gíi nɛ̄, siɛnjuulo bálì pe siin pe cé fùrɔgɔ taʔa siɛnnɛ nɛ̄ bèle dàala nɛ̄ lè.

Tìɛlɛ 11:3

Bɛ̀ 'm'bága tí mi wori ti juufɔlilɔ siin pe gari ki nyu gàa ki báan gè bè taa cɛnyɛ sirakɔlini nɛ́ cɛnyɛ togotaanri (1 260), gbànvaʔara bururo ti bé puu pe nɛ̄ lere.»