Tɔ́rilɔ 12:3 - Sénoufo Nyarafolo

³ Misa 'puu nàguɔ wáà ŋàa wi 'puu nɛ màama kpínʔini nɛ̀ tóri siɛnnɛ pe mìɛni nɛ̄ dàala nɛ̄ lè.

Tɔ́rilɔ 12:3 Iomraidhean Croise

Ŋúnuyɔ 147:6

Siɛnnɛ bálì ní pe wè tɔ́ri bèleʔ, Yewe wi nɛ̂ pe yɛ̀gɛ, níɛ̀ siɛnpiile máama bèle fúɔ dàala nɛ̄ lè.

Ŋúnuyɔ 149:4

Nɛ́ ki cɛ́n Yewe nɛ tɔ́ri nɛ́ wi siɛnnɛ ní bèle; Siɛnnɛ bálì ní pe wè tɔ́ri bèleʔ, wi nɛ̂ pe suɔ bè pe kpúʔɔ.

Tɔ́rilɔ 12:4

A Yewe 'fali nɛ̀ pɛ́nì juu nɛ́ Misa nɛ́ Arawɔn nɛ́ Miriyami ní, nɛ́ jo: «Yeri mi kpàlí baa, yeli taanri bèle, Kpàlidiʔɛ Kpátaʔa mɛ́ gè.» A pe 'fali nɛ̀ kɛ́.

Matiye 11:29

Ye- mi zuu wire líɛ ye tugo, yéri mi tɛnmɛnɛ lúru lè, nɛ̀ taʔa gíi nɛ̄, mi fungo kiī fáala, nɛ̀ pínɛ mi fungo kiī nyíge. Bà yeli bé ŋɔ́diʔɛ taa.

Matiye 21:5

Ye- ki juu Siyɔn kàʔa siɛnnɛ mɛ́ bèle, ye- pe yɛ: «Nyaa, muɔ kùlofɔli wiī nɛ báan baa, wiī nɛ́ funnyige ní, wi 'tánʔa nɛ̀ tɛ́ni sèfɛnnɛ nɛ̄, sèfɛnbile nɛ̄, sèfɛnjuɔ pùɔ ».

Matiye 5:5

Bìli bīɛlɛ funnyigefɔlilɔ bèle, pe wuʔu kiī tànʔa, nɛ̀ taʔa gíi nɛ̄, peli pe bága dàala ni kɔrigɔ lìi gè.

Korɛntiyé 2 10:1

Mi Pɔli tíimɛ wè, mi nɛ yeli fiɛn wī, Kirisi funnyige nɛ́ wi kacɛ̀ngɛ kire kɛnmɛ nɛ̄ bè, mi ŋáà wī, pàli nìɛ ki nyu níɛ̀ jo dí a mi gbɛ́nɛ yē baa yeli yiʔɛ mɛ́ gè, mi nɛ̂ puu nyíwɛ, nɛ̀ sí ki taa a mi yē liʔi wè, mi nàa nyu gbɛ̀ngɛ.

Korɛntiyé 2 11:5

Kire tundunminɔ míɛkpoliyofɔlilɔ bálì piyè tóri mi nɛ̄ kaala láà fáala nīʔ.

Korɛntiyé 2 12:11

Mi ŋɛ, mi 'kò kàalafɔli. Yeli ye 'mi ŋɔrigɔ fànʔa a mi 'kò bɛ̀ kire kɛnmɛ nɛ̄ bè. Yeli sí ye cé yɛli bèri mi míɛtanʔa yeri gè, nɛ̀ taʔa gíi nɛ̄, a ki nɛ́ cɛ́nì nyaa mi wè yafiɛn wèʔ, yeli tundunminɔ míɛkpoliyofɔlilɔ piyè tóri mi nɛ̄ʔ.

Tesalonikiyé 1 2:7

Nɛ̀ sí ki taa bɛ̀ weli yē Kirisi wi tundunminɔ bèle, weli cî gbɛ̀ jo yeri kire kpínʔini weli mɛ́. Weli yé cɛ́nì puu nɛ́ funyige ní yeli sunʔɔmɔ nī bè majo bɛ̀ pìile yàa cî nɛ wi pìile gbiʔɛlɛ bèle kɛnmɛ bíì nɛ̄ bè.

Zaki 3:13

Ŋáa wī baa yeli nī bèle, ŋàa wi 'kaala yiʔɛ cɛ́n nɛ́ ní síciliwe wè ? Siɛn wi- ki tìɛ nɛ́ wi tánʔagɛnjɛ̀nmɛ ní bè wi kakpiʔiligele nī gèle; wi- ki kpíʔile nɛ́ sícilimɛ ní nɛ́ funnyige ní.

Piɛri 1 3:4

ʔéʔe, yeri fungo cɛ̀nmɛ pire caa, bàa piǐ gbɛ̀ cúʔɔ bèʔ, bàa pi yē funjɛ̀ngɛ nɛ́ funnyige gè. Tire dáà dī lagbɛnrɛ wori dè Kulocɛliɛ yiʔɛ mɛ́ gè.