Tɔ́rilɔ 12:2 - Sénoufo Nyarafolo

² A pe 'ki juu nɛ́ jo: «Ki 'nyaa lé, Yewe wire nɛ Misa yákuɔ líi wī lé kàsuluwo wè ? Wi wè nɛ tóri lé weli míɛni mɛ́, níɛ nyu míɛniʔ ?» A Yewe sí ti lúʔu.

Tɔ́rilɔ 12:2 Iomraidhean Croise

Sélimɛ 29:33

A Leya wi ń'nɛ̀ laala láà taa nɛ̀ nàgabile láà sii cígini. A wi 'jo: «Yewe nyɛ́nì ki nyaa mi sì mi pɔli dɛ́ni wèʔ, a wi ń'nɛ̀ ŋàa kɛn wè m'mɛ́.» A wi 'pùɔ wi míʔɛ le gè nɛ wi yeri Simɛyɔ (ki kɔri wire wī: Yewe wi nyɛ́ni lúru).

Yirile 4:14

A Yewe fungo ki 'yɛ̀ Misa kúrugu wè, a wi 'jo: «Muɔ luɔ Arawɔn, Levii saʔa tùlugo wuu wè, wi wè baa léʔ ? Mi 'ki cɛ́n wire nɛ nyu fáari fáari. Nɛ̀ taʔa ki nɛ̄ wi cɛ yē baa koligo nɛ̄, nɛ báan bè pa muɔ kpàli. A wi pɛ́nì muɔ nyaa wè, ki bé puu wi mɛ́ fundaangbuɔrɔ wi fungo nī gè.

Yirile 4:30

A Arawɔn 'siɛnrɛ ti mìɛni juu nɛ̀ tìɛ pe nɛ̄ dàa Yewe yé juu Misa mɛ́ wè, a wi 'fìɛlɛ kpíʔile bèle siɛnnɛ pe yiʔɛ mɛ́ gè.

Yirile 5:1

Kire kàduʔumɛ gè, a Misa nɛ́ Arawɔn sɛ́nì jíin Farawɔn kúrugu wè, nɛ̀ wi yɛ: «Ti n'dɛ dàa Yewe 'juu dè, Isirayɛli siɛnnɛ Kulocɛliɛ wè, wi jo: ‹-Mi siɛnnɛ yaʔa bèle pe- kɛ́ waama kùlo mɛ́ lè pe- sa Kulocɛliɛ gbùʔɔrɔ wè.› »

Yirile 7:10

A Misa nɛ́ Arawɔn a pe 'jíin Farawɔn kúrugu wè, nɛ̀ ki kpíʔile gàa Yewe yé juu nɛ̀ gbɛ̀ngɛ pe mɛ́ gè. A Arawɔn wi 'kàgbiile cáan lè dàala nɛ̄ lè Farawɔn yiʔɛ mɛ́ gè nɛ́ wi siɛnkpolilo ní bèle, a ni 'yiʔɛ nɛ̀ kò wɔ̀bugɔ.

Tɔ́rilɔ 11:1

A siɛnnɛ pe 'yɛ̀ nɛ kúnʔɔri Yewe nɛ̄ wè, pe wuʔɔgɔ wuʔu nɛ̄ gè. Bà Yewe 'ti lúʔu dè, a wi fungo ki 'yɛ̀ kpuʔɔ pe kúrugu, a Yewe kàsun ki 'cò pe sunʔɔmɔ nī bè. A kire kàsun ki 'bùguro tiɛyɛ yáà sórigo.

Tɔ́rilɔ 11:29

A Misa sí ki juu wi mɛ́ nɛ́ jo: «Muɔ yē nɛ́ yejaʔa ní wī lé, mi wuʔu nɛ̄ gè ? Gàa ki 'mi kúɔ gè, ki bé mi dɛ́ni a Yewe cɛ́nì wi Pìle tìrige lè Isirayɛli siɛnnɛ pe mìɛni nɛ̄ bèle, á pe mìɛni kò wi siɛnjuulo bèle !»

Tɔ́rilɔ 12:3

Misa 'puu nàguɔ wáà ŋàa wi 'puu nɛ màama kpínʔini nɛ̀ tóri siɛnnɛ pe mìɛni nɛ̄ dàala nɛ̄ lè.

Tɔ́rilɔ 16:3

A pe 'pìye gbuʔulo Misa nɛ́ Arawɔn kɛnmɛ nɛ̄ nɛ́ pe yɛ: «Weli kɛ́nì fùrɔ ! Isirayɛli tògo siɛnnɛ pe mìɛni nigbe nigbe yē wàlidɛngɛlɛ Yewe mɛ́; Yewe yē pe sunʔɔmɔ nī. Gáa nɛ̄ yeli nɛ ki sɔ̀ngí yeli nyɛ́nì kpúʔɔ nɛ̀ tóri Yewe siɛnniʔɛmɛ nɛ̄ bè ?»

Wurɔmiyé 12:10

Wìyedɛnigɛ gáà ki 'yɛli bè puu siinyɛninɛ sunʔɔmɔ nī bè, ye- ki yaʔa ki- puu yeli sunʔɔmɔ nī, yeri kpuʔɔrɔ tari ye mìɛni nɛ̄ kpuʔɔ.

Wurɔmiyé 12:3

Nɛ̀ yɛli nɛ́ kpuʔɔrɔ dáà Kulocɛliɛ wi 'kpíʔile mi mɛ́ dè, kire kɛnmɛ nɛ̄ mi je ki juu yeli ye mìɛni nigbe nigbe mɛ́ bèle: wàa fǎga sɔ̀ngirɔ táà líɛ bè le wìi nī bèri wìi nyíɛnɛ de tóriʔ. Gìi ki 'pɔ́ri gè, siɛn ó siɛn, nɛ̀ yɛli nɛ́ tɛ́ngɛlɛ liɛlɛ náà Kulocɛliɛ wi 'kɛn wi mɛ́ lè, siɛn wi- sɔ̀ngijɛnrɛ le wìi nī.

Filipiyé 2:14

Yeri ki mìɛni kúu ye fǎri kúnʔɔriʔ, á kire 'laa bèri nyu de kìíʔ,

Filipiyé 2:3

Ye fǎga de yafiɛn kpínʔini nɛ́ yejaʔa sɔ̀ngirɔ níʔ, bé nɛ́ cɛ ga jo bè míʔɛ caa tɔ̀ni fùnʔ. Gìi ki 'pɔ́ri gè, yeri yìye cɛ́rigi; siɛn wi de bìli tɔ́ri bèle pe 'tóri wire nɛ̄.

Piɛri 1 5:5

Bɛ̀ míɛni ki yē, yeli nàgapunminɔ bèle, ye- yìye cɛ́rigɛ liɛlɛ mɛ́ bèle. Ye mìɛni bèle, yeri yìye cɛ́rigi yìye mɛ́, nɛ́ ki cɛ́n Kulocɛliɛ siɛnsɛbɛrɛ ti 'ki juu nɛ́ jo: Bìli pe pìye nyíɛnɛ bèle, Kulocɛliɛ wiī nɛ túngu nɛ́ pe ní. Bìli sí pe pìye cɛ́rigi bèle, Kulocɛliɛ wi nɛ̂ wi kpuʔɔrɔ kɛn dè pe mɛ́ .