Tɔ́rilɔ 11:8 - Sénoufo Nyarafolo

^8-9 A kámɛgɛ ki gbɛ̀nɛ tìgi bùguro nī dè pìlige nī gè, mana míɛni wi nɛ̂ tìgi nɛ́ kámɛgɛ ní gè. Sínbinimɛ táanni bè, siɛnnɛ pe nɛ̂ cɛrigɛ nɛ ti jún nɛ mári, nɛ sɛ́ni ti tire tírɛyɛ nɛ̄ yè; bìli nɛ̂ pe wori súu dè súyo nī. Pe nɛ̂ ki míige píri gè yaleye nī yè níɛ ki kpúɔn ŋɔ̀mi. Mana wi tàanma pi 'puu bɛ̀ ŋɔ̀mi tíɛlɛ ŋàa pe 'káli sùnmɔ nī bè.

Tɔ́rilɔ 11:8 Iomraidhean Croise

Sélimɛ 25:29

Cɛngɛ káà, Yakuba 'puu nɛ sori, a Ezawu 'kɔ́n siʔi mɛ́ gè fùrɔwɔ.

Yirile 16:23

A Misa 'ki juu pe mɛ́ nɛ́ jo: «Tire dī dàa Yewe cé juu nɛ̀ gbɛ̀ngɛ dè. Mbànʔa gè, kire yē cɛndɛnigɛ nɛ́ ní cɛnŋɔdaʔa wàlidɛngɛgɛ Yewe mɛ́ wè; yeli sǐ baara yafiɛn kúɔʔ. A yɛgɛ ó yɛgɛ yē yeli mɛ́ bè fúɔ gè, ye- ti fúɔ pàngɛ gè. A dìi yē yeli mɛ́ bè ti suʔɔ dè, ye- ti suʔɔ pàngɛ gè. A yaliire díì 'kò dè, ye- ti gbòbori ye tɛ́ngɛ ti- puu kpìɛnduu wori.»

Yirile 16:31

A Isirayɛli siɛnnɛ pe 'yaliire dáà ti míʔɛ le gè nɛ ti yeri mana (ki kɔri wire wī: gáayɛgɛ gī ?). Ti 'puu bɛ̀ sùɔlɔ tíɛlɛ níɛ fíligi. Ti tàanma pi 'puu bɛ̀ ŋɔ̀mi tíɛlɛ ŋàa nī pe cî sárigɛ le gè.

Tɔ́rilɔ 11:7

Ki 'nyaa mana yaliire ti 'puu bɛ̀ suɔlɔ tíɛlɛ níɛ fíligi.

Zezi Kirisi Kataanna Siɛnrɛ dè Zan juumɔ nɛ̄ bè 6:27

Ye fǎri baara yaliire dáà ti nyɛ́ni córi dè tire kɛnmɛ nɛ̄ʔ, yeri baara yaliire dáà ti bága bànguɔ sìi kɛn wè. Kire yaliire tire Siɛn Pùɔ wi je ga kɛn yeli mɛ́. Wire nɛ̄ weli Tuu Kulocɛliɛ wi nyɛ́nì fìɛ tɛ́ngɛ bè ki tìɛ wire 'yéri wi wori nɛ̄ dè.»

Zezi Kirisi Kataanna Siɛnrɛ dè Zan juumɔ nɛ̄ bè 6:31

Weli tuuliɛyɛ yi cé mana yaliire lìi dè baa waama kùlo nī lè; ki siɛnrɛ tiī baa Kulocɛliɛ siɛnsɛbɛrɛ nī dè, ti 'jo: Wi 'yaliire tìrige nyìʔɛnɛ nī lè nɛ̀ pe kɛn a pe 'lìi.»