Tɔ́rilɔ 11:4 - Sénoufo Nyarafolo

⁴ Kùlogolo kálì nabɔnminɔ 'puu Isirayɛli siɛnnɛ sunʔɔmɔ nī bè. A yaliire láa pɛ́nì pe taa, a Isirayɛli siɛnnɛ míɛni peli yɛ̀ nɛ nyɛni cígini nɛ́ jo: «ʔé ! A ki yē weli cî gbɛ̀ kaara taa bè káa wè o !

Tɔ́rilɔ 11:4 Iomraidhean Croise

Ŋúnuyɔ 106:14

Baa waama kùlo nī lè, a pe 'pìye kɛn pe kanɛdanʔana kele mɛ́ gèle, a pe 'Kulocɛliɛ puu wè nɛ̀ wéli, luʔɔfun kùlo nī lè.

Yirile 12:38

Kùlogolo kálì siɛnfeliniʔɛyɛ yáà yé kɛ́ nɛ́ pe ní. Yajuuro ti mìɛni feliye 'puu pe mɛ́ dàa ti yé niʔɛ nɛ̀ pɛ́nì tóri dè, nɛ̀duuyo, sìnbatoyo nɛ́ síkatoyo ní yè.

Yirile 16:12

«Mi nyɛ́nì Isirayɛli siɛnnɛ kúnʔɔrilɔ lúʔu nàa pe 'kúnʔɔri lè. -Ki juu pe mɛ́ ma jo: ‹Cɛnguɔwuɔmɔ nī bè, yeli bé kaara káa; sínbinimɛ táanni bè yeli bé lìi bè tín yaliire nɛ̄ dè. Bà yeli bé ki cɛ́n mi yē Yewe, yeli Kulocɛliɛ wè.› »

Yirile 16:3

A pe 'jo: «ʔá ! A ki yé Yewe yé cɛ́nì weli kpúu baa Ezipiti kùlo nī lè o, kire sì yé pɔ́ri lé ? Bà weli 'puu tɛ́ninɛ kire tiʔɛ nī gè kaara kàjuɔyɔ táanni yè o, kire tiʔɛ nī gè weli yé puu nɛ líi nɛ tíngi. Á yeli 'weli kɔ́ri nɛ̀ yige náʔa waama kùlo náà nī lè, bè siɛnniʔɛmɛ báà yaʔa bè pi pa kùu náʔa gè fungo nɛ̄ gè !»

Tɔ́rilɔ 11:18

Muɔ bé kele gálì tìɛ gèle siɛnnɛ nɛ̄ bèle: «Ye- yìye gbòbori ye yaʔa, ye yìye wàli ye tɛ́ngɛ Yewe mɛ́ mbànʔa gè. Yeli bé kaara káa dè, nɛ́ ki cɛ́n yeli nɛ nyɛni nɛ nii Yewe ngbúʔulo nī gèle nɛ́ ki juu nɛ́ jo: ‹A ki yé puu weli bé gbɛ̀ kaara taa bè káa dè ! Ki yé tɔ̀ni nɛ̀ puu weli mɛ́ tànʔa bà weli 'puu Ezipiti kùlo nī lè.› «ʔaan, bɛ̀ sí ki yē, Yewe bé yeli kɛn nɛ́ kaara ní dè yeli káa.

Tɔ́rilɔ 14:1

A Isirayɛli tògo siɛnnɛ pe 'pínɛ nɛ̀ yékpuʔulo wáa gèle, a siɛnnɛ pe 'nyɛni kire pìlige nī gè.

Tɔ́rilɔ 14:22

bàli pe mìɛni pe yé mi kpuɔmɔ nyaa bè nɛ́ fìɛlɛ bílì mi 'kpíʔile bèle Ezipiti kùlo nī lè nɛ́ waama kùlo nī lè, a pe 'mi puu nɛ̀ wéli fúɔ nɛ̀ taa tɔliyɔ kiɛ yè nɛ́ cíi piyè mi siɛnrɛ lúʔu dèʔ,

Tɔ́rilɔ 16:13

Muɔ nɛ sɔ̀ngí lé kaciɛlɛ nī, bà muɔ 'weli yige baa kùlo náà nī lè tiʔɛ gíì nī nɛ̀yirimɛ nɛ́ sárigɛ kiī nɛ fúu gè, bè pa weli kpúu náʔa waama kùlo náà nī lè ? Muɔ nɛ caa lé bè mìɛ kpíʔile kùlofɔli jaa wī náʔa gè, bè puu weli nyùgo nɛ̄ gè ?

Wurɔmiyé 13:14

Gìi ki 'pɔ́ri gè, ye- Zezi Kirisi le wè yìye nɛ̄ bɛ̀ burugo tíɛlɛ, ye sí céri kanɛdanʔana yaʔa gèle, ye fǎga yìye kɛn ti mɛ́ʔ.

Korɛntiyé 1 10:6

A tire dáà ti 'kò weli mɛ́ fìɛlɛ gìi ki bé tí sɔ̀ngibiire fǎga de yɛ̀gí weli funyɔ nī yè bɛ̀ pe tíɛlɛʔ, sɔ̀ngibiire dáà ti 'puu pe nī bèle.

Korɛntiyé 1 15:33

Ye fǎri pùrɔrɔ nii ti nīʔ, «nàgoricuʔɔwɔ wiī nɛ tánʔagɛnjɛ̀nmɛ córi bè.»

Fànʔa Kajuʔulo 9:22

«Bɛ̀ míɛni yeli 'ki kpíʔile Tabɛra, nɛ́ Masa, nɛ́ Kibirɔti Taawa tiɛyɛ nī yè, a yeli 'kɛ́ yiʔɛ mɛ́ nɛ̀ Yewe fungo yɛ̀gɛ gè kpuʔɔ.