Tɔ́rilɔ 11:23 - Sénoufo Nyarafolo

²³ A Yewe sí Misa yɛ wè: «Muɔ nɛ sɔ̀ngí mi kɔli ki 'weri wī lè ? Muɔ tíimɛ bé ki nyaa píra ŋáà nī wè dàa mi 'juu dè, a ki yē ki bé kpíʔile, a ki yē kiǐ kpíʔileʔ !»

Tɔ́rilɔ 11:23 Iomraidhean Croise

Sélimɛ 18:14

Yakaa yē baa lé gàa ki 'Yewe jáa wè ? Yiɛlɛ láà bìinɛ ŋáà nī wè, m'bé ní koli bɛn muɔ mɛ́; Sara wi bé jaafɔli taa.»

Ŋúnuyɔ 78:41

A pe 'koli nɛ Kulocɛliɛ pun wè nɛ wéli, a pe 'funbiɛnrɛ wáa Isirayɛliyé Tiɛlɛfun Kulocɛliɛ nɛ̄ wè.

Yirile 6:1

A Yewe 'Misa yɛ wè: «Píra ŋáà nī wè muɔ bé ki nyaa gàa m'bé kpíʔile Farawɔn nɛ̄ wè. Mi ŋɔri kɔli ki bé wi ŋàʔana wi- mi siɛnnɛ yaʔa bèle pe- kɛ́; mi ŋɔri kɔli ki bé wi ŋàʔana wi bé pe cìra bè yige wi kùlo nī lè.»

Tɔ́rilɔ 11:22

A we cɛ́nì sìnbaala nɛ́ síkaala nɛ́ nìɛyɛ yi mìɛni pínɛ nɛ̀ kpúu yo, ti bé pe yɛli lé ? A ki cɛ́nì nyaa we 'kuʔɔjii fúɔlɔ pe mìɛni cò nɛ̀ kɛn pe mɛ́ wè, kire bé gbɛ̀ pe yɛli lé ?»

Tɔ́rilɔ 23:19

Kulocɛliɛ wi wè siɛn, bèri finɛnɛʔ. Wi míɛni sí wè lewiiwe bɛ̀ weli tíɛlɛʔ, bàga jo: ‹A mi cé cɛ́n !› Wi nɛ̂ kaala juu lé ka laa wi nɛ̌ ni kpíʔileʔ ? Wi 'siɛnrɛ juu lé dàa wiì kɛ́nì fori dèʔ ?

Matiye 19:26

A Zezi wi 'nyapigele le gèle pe nī nɛ̀ pe wéli nɛ́ pe yɛ: «Siɛnnɛ mɛ́ bèle, kiǐ gbɛ̀ kpíʔileʔ, nɛ̀ sí ki taa yakaa sì Kulocɛliɛ jáaʔ.»

Matiye 24:35

Nyìʔɛnɛ nɛ́ dàala ní lè tire bága tóri, mi siɛnrɛ tiǐ sí ga tóri bè nyaaʔ.

Luku 1:37

Muɔ̀ nyaa lé, yakaa sì Kulocɛliɛ jáaʔ.»