Tɔ́rilɔ 11:21 - Sénoufo Nyarafolo

²¹ A Misa sí Yewe yɛ wè: «Siɛnnɛ bálì bīɛlɛ mi táanni bèle níɛ tári nɛ́ mi ní bèle, pe nyuɔ ki yē siɛnnɛ siramuʔɔyɔ tekɔlisiin nɛ́ kpɔrigɔ (600 000). Á muɔ sí jo muɔ bé kaara kɛn pe mɛ́ pe- káa yege sìnbogo nī lè !

Tɔ́rilɔ 11:21 Iomraidhean Croise

Sélimɛ 12:2

M'bé muɔ kpíʔile siɛnmɛfɔli, pi bé kò kùpolo láà. M'bé diba taʔa wè muɔ nɛ̄, bè muɔ míʔɛ kpúʔɔ gè, bè ki yaʔa siɛnnɛ pe béri diba siɛnrɛ nyu dè de tari siɛnnɛ nɛ̄ bèle muɔ kɛnmɛ nɛ̄.

Yirile 12:37

A Isirayɛli siɛnnɛ pe 'yiri Aramisɛsi kàʔa nī gè nɛ waa Sukɔti kàʔa kɔli mɛ́ gè. Nàguɔlɔ bálì pe 'puu nɛ tári dàala nɛ̄ lè, pe 'puu siɛnnɛ siramuʔɔyɔ tekɔlisiin nɛ́ kpɔrigɔ (600 000); piyè cé cɛlilɛ nɛ́ pìile tɔ́ri bèleʔ.

Yirile 38:26

A ki 'nyaa nàguɔlɔ pe mìɛni bálì pe yé tɔ́ri á pe 'yiʔɛlɛ togo taa gèle nɛ́ bàli pe 'kàa taʔa gè, peli yé puu siɛnnɛ siramuʔɔyɔ tekɔlisiin nɛ́ kpɔrigɔ nɛ́ sirakiɛ nɛ́ kɔlisiin nɛ́ tekɔlisiin nɛ́ kpɔrigɔ (603 550). A pe mìɛni nigbe nigbe pe 'wali liʔɛlɛ kɛn gèle, a siɛn ó siɛn wuu 'niʔɛ nɛ̀ kò cɛ̀ri bè giraminɛ kogunɔ kúɔ, a wi mìɛni pɛ́nì nyaa Yewe saawalidɛngɛgɛ ki wali tɔ́rigɛnmɛ bè.

Tɔ́rilɔ 1:46

a nàguɔlɔ bálì pe mìɛni bìnɛ wi 'nyaa siɛnnɛ siramuʔɔyɔ tekɔlisiin nɛ́ kpɔrigɔ, sirakiɛ nɛ́ kɔlisiin, nɛ́ siɛnnɛ tekɔlisiin nɛ́ kpɔrigɔ (603 550).

Tɔ́rilɔ 11:13

Sé m'bé kaara taa dè bè kɛn siɛnnɛ bálì mɛ́ bèle ? Piyē nɛ nyɛni mi táanni wè nɛ́ jo: ‹-Kaara kɛn weli mɛ́ weli- káa wè !›

Tɔ́rilɔ 11:20

fúɔ yeli bé ti káa yege sìnbogo, fúɔ bè taa ti pari yigi yeli mɛ́ fínaʔana nī gèle, fúɔ ti béri laamɛ yɛ̀gí yeli nī. Kire gáà ki mìɛni bé kpíʔile bɛ̀ yeli 'Yewe cíi wè, wire ŋáà wī yeli sunʔɔmɔ nī bè, nɛ́ ki cɛ́n yeli nyɛ́nì nàʔa taa nɛ́ jo: ‹Gáa nɛ̄ weli kɛ́nì yiri Ezipiti kùlo nī lè ?› »

Tɔ́rilɔ 11:22

A we cɛ́nì sìnbaala nɛ́ síkaala nɛ́ nìɛyɛ yi mìɛni pínɛ nɛ̀ kpúu yo, ti bé pe yɛli lé ? A ki cɛ́nì nyaa we 'kuʔɔjii fúɔlɔ pe mìɛni cò nɛ̀ kɛn pe mɛ́ wè, kire bé gbɛ̀ pe yɛli lé ?»

Tɔ́rilɔ 2:32

Isirayɛli siɛnnɛ nyuɔ kire gī gàa gè, nɛ̀ yɛli nɛ́ pe tobilo kpáaya ní yè. Bàli pe mìɛni pe 'puu gbuʔulo nī gèle, kapiɛngbuɔn tògo ó tògo nī gè, pe mìɛni bìnɛ wi 'nyaa nàguɔlɔ siramuʔɔyɔ tekɔlisiin nɛ́ kpɔrigɔ, sirakiɛ nɛ́ kɔlisiin, nɛ́ siɛnnɛ tekɔlisiin nɛ́ kpɔrigɔ (603 550).

Tɔ́rilɔ 26:51

A Isirayɛli nàguɔlɔ bálì pe mìɛni bìnɛ wi 'nyaa siɛnnɛ siramuʔɔyɔ tekɔlisiin nɛ́ kpɔrigɔ nɛ́ sirakataanri nɛ́ siɛnnɛ tekɔlini nɛ́ kpɔrigɔ (601 730).