Tɔ́rilɔ 11:18 - Sénoufo Nyarafolo

¹⁸ Muɔ bé kele gálì tìɛ gèle siɛnnɛ nɛ̄ bèle: «Ye- yìye gbòbori ye yaʔa, ye yìye wàli ye tɛ́ngɛ Yewe mɛ́ mbànʔa gè. Yeli bé kaara káa dè, nɛ́ ki cɛ́n yeli nɛ nyɛni nɛ nii Yewe ngbúʔulo nī gèle nɛ́ ki juu nɛ́ jo: ‹A ki yé puu weli bé gbɛ̀ kaara taa bè káa dè ! Ki yé tɔ̀ni nɛ̀ puu weli mɛ́ tànʔa bà weli 'puu Ezipiti kùlo nī lè.› «ʔaan, bɛ̀ sí ki yē, Yewe bé yeli kɛn nɛ́ kaara ní dè yeli káa.

Tɔ́rilɔ 11:18 Iomraidhean Croise

Sélimɛ 35:2

A Yakuba sí ki juu wi saʔa wuulo mɛ́ bèle, nɛ́ siɛnnɛ bílì pe 'puu nɛ́ wi ní wè, nɛ́ jo: «Ye‑ yeli yasunro ti mìɛni yige yìye sunʔɔmɔ nī, dàa ti 'kɔ̀n siɛnfeliye yáà mɛ́ yè ! Ye‑ yìye jíge ye mùnu, ye‑ burunuʔɔrɔ yige dè, yé buruciilide líɛ dè, ye le yìye nɛ̄ !

Ŋúnuyɔ 78:20

Wi nyɛ́nì kàdɛnigbaala kpúɔn lè a luʔɔ 'yiri, lakoliyo yi 'puu nɛ fúu nìʔɛyɛ. Nɛ̀ sí ki yaʔa wi bága jáa bè suro kɛn weli mɛ́ í ? Wi bé gbɛ̀ jáa kaara kɛn wi siɛnnɛ mɛ́ bèle í ?»

Yirile 16:8

A Misa 'kɛ́ yiʔɛ mɛ́ nɛ́ juu nɛ́ jo: «ʔaan, yeli bé ki cɛ́n, a Yewe kɛ́nì kaara kɛn dè yeli mɛ́ wè dàa yeli bé káa cɛnguʔɔ táanni gè, nɛ́ yaliire ní dè sínbinimɛ táanni bè, yeli bé lìi bè tín. Nɛ́ ki cɛ́n Yewe nyɛ́nì ti lúʔu kúnʔɔrilɔ náà yeli 'kúnʔɔri wi nɛ̄ wè. Weli bèle, weli yē báli ? Sànʔara dáà yeli 'juu nɛ̀ wáa weli kɔli mɛ́ gè, Yewe wori dī.»

Yirile 19:10

A Yewe 'ki juu Misa mɛ́ nɛ́ jo: «Koli mari waa siɛnnɛ kúrugu bèle, ma sa pe gbòbori ma pe wàli ma tɛ́ngɛ pàngɛ gè nɛ́ mbànʔa ní gè. Ma pe yɛ pe- pìye gbéli pe mùnu, pé pe burudo jíge dè,

Yirile 19:15

A wi sí pe yɛ: «Ye- yìye gbòbori ye yaʔa cɛnyɛ taanriwuʔu nɛ̄ gè; wàa fǎga cò wi cuɔ nɛ̄ʔ.»

Yirile 19:22

Kacuɔnrilɔ tíimɛ bálì pe 'kpɔni mi nɛ̄ bèle, pe 'yɛli pe- pìye wàli dɛ́ngɛ mi mɛ́, kire ga laa mi Yewe mi fǎga ŋàʔana bè pe kpúɔn.»

Tɔ́rilɔ 11:1

A siɛnnɛ pe 'yɛ̀ nɛ kúnʔɔri Yewe nɛ̄ wè, pe wuʔɔgɔ wuʔu nɛ̄ gè. Bà Yewe 'ti lúʔu dè, a wi fungo ki 'yɛ̀ kpuʔɔ pe kúrugu, a Yewe kàsun ki 'cò pe sunʔɔmɔ nī bè. A kire kàsun ki 'bùguro tiɛyɛ yáà sórigo.

Tɔ́rilɔ 11:19

Yeli sì je ti káa cɛngɛ nigbe díɛʔ, tiǐ sì káa míɛni cɛnyɛ siin díɛʔ, ti míɛni tiǐ sì ní káa cɛnyɛ kogunɔ nī díɛʔ, tiǐ ní cɛ káa cɛnyɛ kiɛ nī díɛʔ, tiǐ sì ní káa míɛni cɛnyɛ togo nī díɛʔ,

Kakpiʔiligele 7:39

Kire nɛ́ ki mìɛni ní, weli tuuliɛyɛ yiì cé lúʔu wi mɛ́ʔ. A pe cɛ́nì wi cíi nɛ́ koli nɛ̀ pe sɔ̀ngirɔ taʔa dè Ezipiti kùlo tiʔɛ kire nɛ̄.