Tɔ́rilɔ 11:16 - Sénoufo Nyarafolo

¹⁶ A Yewe 'ki juu Misa mɛ́ nɛ́ jo: «-Nàguɔlɔ togotaanri nɛ́ kpɔrigɔ nyíɛnɛ ma kɔ̀n Isirayɛli liɛlɛ nī bèle, bàli nɛ̄ muɔ 'tɛ́ngɛ pe bé gbɛ̀ jáa bè siɛnnɛ yiʔɛ kíni gè. Mari báan nɛ́ pe ní Kpàlidiʔɛ Kpátaʔa mɛ́ gè pe- pa yéri baa nɛ́ muɔ ní.

Tɔ́rilɔ 11:16 Iomraidhean Croise

Sélimɛ 46:27

Nɛ̀ fàri Yusufu jaala siin nɛ̄ bèle, bàli wi yé sii baa Ezipiti kùlo nī lè, a ki 'nyaa Yakuba narigɛ gáà ní wi yé pɛn Ezipiti kùlo mɛ́ lè, a ki mìɛni bìnɛ wi 'nyaa siɛnnɛ togotaanri nɛ́ kpɔrigɔ.

Yirile 18:25

A Misa 'nàguɔlɔ pálì nyíɛnɛ nɛ̀ kɔ̀n Isirayɛli siɛnnɛ nī bèle, bàli bīɛlɛ pe 'puu ŋɔri ní dè nɛ́ kaala cɛ́n wè. A wi 'pe tɛ́ngɛ siɛnnɛ pe mìɛni nyùgo nɛ̄, wàa ní siɛnnɛ sirakogunɔ (1 000) kàfɔli; ŋìi ní wè siɛnnɛ dabataan (100) kàfɔli; wàa sí ní siɛnnɛ togosiin nɛ́ kpɔrigɔ kàfɔli; wàa ní siɛnnɛ kiɛ kàfɔli.

Yirile 24:1

A Yewe 'Misa yeri wè nɛ́ jo: «Tánʔa mi kúrugu, muɔ nɛ́ Arawɔn, nɛ́ Nadabi, nɛ́ Abiyu, nɛ́ Isirayɛli nàgaliɛlɛ togotaanri nɛ́ kpɔrigɔ ní bèle. Ye- pa tuu ye cúbulo liʔi ye mi gbùʔɔrɔ.

Yirile 24:9

A Misa sí koli nɛ̀ tánʔa nyagurugo nɛ̄ gè wire nɛ́ Arawɔn, nɛ́ Nadabi nɛ́ Abiyu ní wè, nɛ́ Isirayɛli liɛlɛ togotaanri nɛ́ kpɔrigɔ ní bèle.

Yirile 4:29

A Misa 'kɛ́ nɛ́ Arawɔn ní wè, a pe sɛ́nì Isirayɛliyé nàgaliɛlɛ pínɛ bèle pìye nɛ̄.

Tɔ́rilɔ 11:24

A Misa sí fali nɛ̀ yiri Kpátaʔa nī gè nɛ̀ pɛ́nì Yewe siɛnrɛ ti mìɛni juu nɛ̀ tìɛ siɛnnɛ nɛ̄ bèle. A wi 'nàguɔlɔ togotaanri nɛ́ kpɔrigɔ nyíɛnɛ nɛ̀ kɔ̀n liɛlɛ nī bèle, nɛ̀ pe gbuʔulo pìye nɛ̄ nɛ́ pe yérige nɛ̀ Kpátaʔa màʔa gè.

Tɔ́rilɔ 16:25

A Misa 'yɛ̀ nɛ̀ tánʔa nɛ̀ kɛ́ Datan nɛ́ Abirami tiʔɛ mɛ́ gè, a Isirayɛli liɛlɛ pe 'taʔa wi nɛ̄.

Luku 10:1

Bà tire 'tóri dè, a Kàfɔli wi 'pìtɛnmɛnɛ pálì togotaanri nɛ́ kpɔrigɔ nɛ́ siin tun, nɛ̀ pe tórigo siɛnnɛ siin siin wìi yiʔɛ mɛ́ gè, kàʔa ó kàʔa nɛ́ tiʔɛ ó tiʔɛ nī wire yé je ga sa tóri wè,

Luku 10:17

A pìtɛnmɛnɛ togotaanri nɛ́ kpɔrigɔ nɛ́ siin pe 'koli nɛ̀ pɛn nɛ́ fundaanra ní, nɛ̀ pɛ́nì jo: «Kàfɔli, gbòdolilo pe mìɛni nɛ yèrí weli mɛ́, muɔ míʔɛ kire kɛnmɛ nɛ̄ bè !»

Fànʔa Kajuʔulo 1:15

«Kire nɛ̄ a mi 'siɛnsicilile bálì líɛ bèle, bàli ní siɛnnɛ pe 'tɔ́ri bèle, a yeli 'pe nyíɛnɛ nɛ̀ kɔ̀n yeli saaya tùluyo nī yè, a mi 'pe tɛ́ngɛ yeli nyùyɔ nɛ̄ yè, siɛnnɛ sirakogunɔ (1 000) kàfɔlilɔ, siɛnnɛ dabataan (100) kàfɔlilɔ, siɛnnɛ togosiin nɛ́ kpɔrigɔ kàfɔlilɔ, nɛ́ siɛnnɛ kiɛ kàfɔlilɔ, nɛ́ míɛni saaya tùluyo yiɛgininɛ pálì piyeyɛ ní.

Fànʔa Kajuʔulo 16:18

«Kàaya nyáà Yewe muɔ Kulocɛliɛ wi 'kɛn muɔ mɛ́ yè, muɔ bé kàyuʔujuulo tɛ́ngɛ yi nī nɛ́ siɛnkpolilo ní bèle, saʔa tùlugo ó saʔa tùlugo nī, peri siɛnnɛ kàyuʔu nyu gè nɛ́ sínmɛ ní.

Fànʔa Kajuʔulo 31:28

«Ye- yeli saaya tùluyo liɛlɛ nɛ́ yeli yiɛgininɛ pe míɛni gbuʔulo mi táanni. M'bé siɛnrɛ ti mìɛni juu pe mìɛni nyaamɛ nɛ̄, bà mi bé nyìʔɛnɛ nɛ́ dàala líɛ lè kiluʔufɔlilɔ yeli nɛ̄.