Tɔ́rilɔ 11:12 - Sénoufo Nyarafolo

¹² Mi wī lé mi 'siɛnnɛ bálì sii bèle, á muɔ 'mi yɛ mi- pe líɛ mi taʔa mi sìndinge nɛ̄ gè, majo bɛ̀ tuufɔli cî wi pìfinʔɛ líɛ gè, fúɔ bè sa nɔ̀ kùlo nɛ̄ lè nàa nyuɔ muɔ 'kún nɛ̀ kɛn pe tobilo mɛ́ bèle ?

Tɔ́rilɔ 11:12 Iomraidhean Croise

Sélimɛ 13:15

Nɛ́ ki cɛ́n kùlo náà muɔ nɛ nyaʔa nàa lè, m'bé ni mìɛni kɛn muɔ mɛ́ nɛ́ muɔ siimɛ ní bè lɛ̀lɛ ó lɛ̀lɛ.

Sélimɛ 24:7

Yewe, wire ŋáà wī nyìʔɛnɛ Kulocɛliɛ wè, wire ŋáà wi 'mi yige mi tuu kpáa nī gè nɛ́ mi wuulo kùlo nī lè, nɛ́ wi nyuɔ kún nɛ̀ kɛn m'mɛ́ gè nɛ́ jo mi siimɛ mɛ́ wire bé kùlo náà kɛn lè, wire tíimɛ wi bé nyìʔɛnɛ tundunwɔ tórigo wè muɔ yiʔɛ mɛ́; muɔ bé sa cɛliwɛ líɛ wè baa mi jaa mɛ́ wè.

Sélimɛ 26:3

ma lɛ̀lɛ láà kúɔ bile. M'bé puu nɛ́ muɔ ní, bè diba taʔa wè muɔ nɛ̄, nɛ́ ki cɛ́n muɔ nɛ́ muɔ siimɛ pire mɛ́ m'bé kùlogolo gálì kɛn gèle. Bà ki bé kpíʔile m'bé mi nyasiɛnrɛ fori dè, dàa mi yé kàli nɛ̀ kɛn muɔ tuu Birayima mɛ́ wè.

Sélimɛ 50:24

Cɛngɛ káà a Yusufu kɛ́nì ki juu wi lɔbilɔ mɛ́ bèle nɛ́ pe yɛ: «Ki 'kò cɛ̀ri m'bé kùu wī. Mi 'ki cɛ́n Kulocɛliɛ wi bé sí yeli sáʔa kányiʔɛ nɛ̄. Wi bé yeli yige Ezipiti kùlo nī lè, bè kɛ́ nɛ́ yeli ní kùlo náà nyuɔ wi 'kún nɛ̀ kɛn yeli tuuliɛyɛ mɛ́ yè, Birayima wè, nɛ́ Siaga wè, nɛ́ Yakuba.»

Yirile 13:11

«A Yewe kɛ́nì yeli nyɔ́gɔ Kanaa siɛnnɛ kùlo nī lè, bɛ̀ wi 'nyuɔ kún nɛ̀ kɛn yeli mɛ́ wè, yeli nɛ́ yeli tobilo ní bèle, a wi kɛ́nì ni kɛn yeli mɛ́ lè,

Yirile 13:5

«A Yewe kɛ́nì yeli nyɔ́gɔ baa kùlo nī lè nàa wori nɛ̄ wi cé nyuɔ kún gè nɛ̀ kɛn yeli tobilo mɛ́ bèle, nɛ́ jo wire bé ni kɛn yeli mɛ́ lè, yeli 'yɛli bèri sɔ̀ngí de taʔa nɛ́ yirile nɛ́ suɔlɔ siɛnrɛ wuʔu ní gè, ye- kire sɔ̀ngidaa kele kpíʔile gèle kire yege gáà tíimɛ nī gè. Kire kùlo lire nī baa Kanaa siɛnnɛ, nɛ́ Eti siɛnnɛ, nɛ́ Amɔri siɛnnɛ, nɛ́ Evi siɛnnɛ nɛ́ Jebusi siɛnnɛ kùlo lè, baa nɛ̀yirimɛ nɛ́ sárigɛ kiī nɛ fúu gè.

Yirile 33:1

A Yewe 'ki juu Misa mɛ́ nɛ́ jo: «Yɛ̀ mari waa ma núgo náʔa gè, muɔ nɛ́ muɔ siɛnnɛ ní bèle bàli muɔ 'yige Ezipiti kùlo nī lè. Yeri tári yeri waa kùlo náà mɛ́ lè nàa nyuɔ mi 'kún nɛ̀ kɛn Birayima mɛ́ wè, nɛ́ Siaga nɛ́ Yakuba mɛ́ wè, nɛ́ ki juu pe mɛ́ nɛ́ jo: ‹Muɔ siimɛ pire mɛ́ mi bága kùlo náà kɛn lè.›

Yirile 6:8

M'bé yeli nyɔ́gɔ kùlo nī lè nàa nɛ̄ mi 'kɔli yɛ̀gɛ gè nɛ́ ni kɛn Birayima mɛ́ wè, nɛ́ Siaga, nɛ́ Yakuba ní wè. M'bé ni kɛn yeli mɛ́ ni bé kò yeli woli. Mi yē Yewe.»

Zezi Kirisi Kataanna Siɛnrɛ dè Zan juumɔ nɛ̄ bè 10:11

«Mi wè, mi wī sìnbanaʔacɛ̀nwɛ wè. Sìnbanaʔacɛ̀nwɛ wi nɛ̂ wi sìi kɛn wè wi sìnbaara ti nyùgo nī.

Korɛntiyé 1 4:15

A yeli nɛ́ cɛ́nì tɛnmɛfɔlilɔ taa a pe 'niʔɛ nɛ̀ nyuɔ kúɔ yeli kodanʔara nī dè nɛ́ Kirisi ní wè, yeli tuu wiī nigbe ! Nɛ̀ taʔa gíi nɛ̄, mi wī yeli tuu wè Zezi Kirisi koligo nī gè, Kataanna Siɛnrɛ jáarigɛ kire fànʔa nɛ̄ gè.

Galasiyé 4:19

Mi pìile, yeli fùrɔgɔ kiī náʔa mi nī cígini bɛ̀ cesiiwe tíɛlɛ, fúɔ bè taa yeli pa kò bɛ̀ Kirisi tíɛlɛ wè.

Fànʔa Kajuʔulo 1:31

nɛ́ míɛni waama kùlo nī lè baa muɔ 'Yewe nyaa wè, Kulocɛliɛ wè, á wi 'muɔ líɛ majo bɛ̀ nàguɔ cî wi jaa líɛ wè, bè yeli yaʔa yeli de waa koligo nɛ̄ gè fúɔ bè sa nɔ̀ tiʔɛ gáà nɛ̄ gè.›

Tesalonikiyé 1 2:7

Nɛ̀ sí ki taa bɛ̀ weli yē Kirisi wi tundunminɔ bèle, weli cî gbɛ̀ jo yeri kire kpínʔini weli mɛ́. Weli yé cɛ́nì puu nɛ́ funyige ní yeli sunʔɔmɔ nī bè majo bɛ̀ pìile yàa cî nɛ wi pìile gbiʔɛlɛ bèle kɛnmɛ bíì nɛ̄ bè.