Tɔ́rilɔ 11:10 - Sénoufo Nyarafolo

¹⁰ A Misa 'Isirayɛli siɛnnɛ pe kɔnwaara lúʔu dè, bà pe 'puu nɛ nyɛni nariyɛ nariyɛ pe fɛ̀ni saaya wìʔile táanni gèle. A Yewe fungo ki 'yɛ̀ pe kúrugu kpuʔɔ. A Misa fungo míɛni ki 'nyaʔami,

Tɔ́rilɔ 11:10 Iomraidhean Croise

Ŋúnuyɔ 106:25

A pe 'kò nɛ kúnʔɔri pe fɛ̀ni saaya nī yè, piyè lúʔu Yewe nyasiɛnrɛ mɛ́ dèʔ.

Ŋúnuyɔ 139:21

Yewe yo, kiì yɛli léʔ pe 'mi biɛn bàli muɔ 'biɛn bèle ? Pe fǎga mi biɛn léʔ bàli pe túngu nɛ́ muɔ ní wè ?

Ŋúnuyɔ 78:21

Bà Yewe 'ti lúʔu dè, a wi fungo ki 'yɛ̀ kpuʔɔ, a Yewe kàsun ki 'cò Yakuba wuulo kúrugu bèle, a wi fungo ki 'yɛ̀ kpuʔɔ pe kúrugu peli bàli bīɛlɛ Isirayɛli siɛnnɛ bèle.

Ŋúnuyɔ 78:59

Bà Kulocɛliɛ wi 'ki nyaa mmɛ gè, a wi fungo ki 'yɛ̀ kpuʔɔ, a wi 'cíi Isirayɛli siɛnnɛ nɛ̄ bèle.

Tɔ́rilɔ 11:1

A siɛnnɛ pe 'yɛ̀ nɛ kúnʔɔri Yewe nɛ̄ wè, pe wuʔɔgɔ wuʔu nɛ̄ gè. Bà Yewe 'ti lúʔu dè, a wi fungo ki 'yɛ̀ kpuʔɔ pe kúrugu, a Yewe kàsun ki 'cò pe sunʔɔmɔ nī bè. A kire kàsun ki 'bùguro tiɛyɛ yáà sórigo.

Tɔ́rilɔ 11:11

a wi 'ki juu Yewe mɛ́ nɛ́ jo: «Gáa nɛ̄ muɔ nɛ mi wuʔɔ mmɛ gè, mi ŋáà wī muɔ baakuɔwɔ wè ? Gáa nɛ̄ mi sì kpuʔɔrɔ taa muɔ yiʔɛ mɛ́ gèʔ, á muɔ 'siɛnnɛ bálì taʔa bèle mi nɛ̄ tugoro mmɛ gè ?

Tɔ́rilɔ 12:3

Misa 'puu nàguɔ wáà ŋàa wi 'puu nɛ màama kpínʔini nɛ̀ tóri siɛnnɛ pe mìɛni nɛ̄ dàala nɛ̄ lè.

Tɔ́rilɔ 12:9

A Yewe fungo ki 'yɛ̀ kpuʔɔ pe kúrugu, a wi 'kɛ́.

Tɔ́rilɔ 16:27

A pe mìɛni 'fali nɛ̀ núgo Kore nɛ́ Datan nɛ́ Abiramiyé fɛ̀ni saaya táanni yè. Datan nɛ́ Abirami ní wè, pe yé yiri nɛ̀ yéri pe fɛ̀ni saaya wìʔile yiʔɛ mɛ́ gè, nɛ́ pe cɛlilɛ ní bèle, nɛ́ pe pìilɛ ní bèle, nɛ́ pe pìyirile ní bèle.

Tɔ́rilɔ 21:5

A pe ń'nɛ̀ koli nɛ̀ Kulocɛliɛ nɛ́ Misa sànʔa wè cígini, a pe 'jo: «Gáa nɛ̄ yeli 'weli yige Ezipiti kùlo nī lè ? Kire ga buu weli ní ba kùu náʔa gè waama kùlo nī lé ? Nɛ́ ki cɛ́n yaliire wè náʔa gèʔ, luʔɔ míɛni wè bile we- gbuɔʔ ! Weli tɔ̀ni nɛ̀ kɛ́nì fùrɔ mana yakaara dáà nɛ̄ dè, dàa ti wè yafiɛn dèʔ  !»

Mariki 10:14

Kiì Zezi dɛ́ni wèʔ. A wi 'pe yɛ: «Ye- pìile yaʔa bèle peri báan mi mɛ́, ye fǎri pe cìráʔ; siɛnnɛ bílì kɛnmɛ bī bɛ̀ pe tíɛlɛ bèle, peli wuʔu gī Kulocɛliɛ Kùlofɔligɔ gè.

Mariki 3:5

A pe fungbɛnyɛ yi kɛnmɛ pi 'Zezi yáa wè fungo nī gè, a wi 'fali nɛ̀ nyapigele le gèle pe nī nɛ pe wéli nɛ tòrí, níɛ pe kɛ̀ní; nɛ́ fali nɛ̀ kɛ́nì kavɛnigɛfɔli yɛ wè: «-Kɔli sáʔa gè.» A nàguɔ wi 'ki sáʔa. A kɔli ki 'fali nɛ̀ puʔɔ sɛni.

Fànʔa Kajuʔulo 32:22

ʔaan, mi funyɛrigɛ, ki bé cò kàsun ! Ki béri nyí fúɔ bè sa jíin kusiʔi laamɛ nī bè, bé dàala sórigo lè nɛ́ ni yafiinre ní dè, ki bé cò bè nyaguruyo kàkpuɔnnɔ sórigo bèle.