Tɔ́rilɔ 11:1 - Sénoufo Nyarafolo

¹ A siɛnnɛ pe 'yɛ̀ nɛ kúnʔɔri Yewe nɛ̄ wè, pe wuʔɔgɔ wuʔu nɛ̄ gè. Bà Yewe 'ti lúʔu dè, a wi fungo ki 'yɛ̀ kpuʔɔ pe kúrugu, a Yewe kàsun ki 'cò pe sunʔɔmɔ nī bè. A kire kàsun ki 'bùguro tiɛyɛ yáà sórigo.

Tɔ́rilɔ 11:1 Iomraidhean Croise

Sélimɛ 38:10

Gàa wi 'puu nɛ kpínʔini gè ki yé pii Yewe yiʔɛ mɛ́, a Yewe sí wire míɛni kpúu.

Ŋúnuyɔ 106:18

A kàsun ki 'yɛ̀ pe gboli kúrugu lè, a kàsunyige ki 'siɛncuʔɔlɔ bálì sórigo bèle.

Ŋúnuyɔ 78:21

Bà Yewe 'ti lúʔu dè, a wi fungo ki 'yɛ̀ kpuʔɔ, a Yewe kàsun ki 'cò Yakuba wuulo kúrugu bèle, a wi fungo ki 'yɛ̀ kpuʔɔ pe kúrugu peli bàli bīɛlɛ Isirayɛli siɛnnɛ bèle.

Ŋúnuyɔ 78:63

A kàsun ki 'pe nàgapunminɔ sórigo bèle mɛ́nɛmɛnɛ, kire nɛ̄ pe sinborilo piyè cepɔriyɔ ŋúnuyɔ taa nɛ̀ lúʔuʔ.

Yirile 16:7

Sínbinimɛ táanni bè, yeli bé Yewe cɛ̀nmɛ nɛ́ wi kpuɔmɔ nyaa bè, nɛ́ ki cɛ́n wi nyɛ́nì kúnʔɔrilɔ lúʔu lè nàa yeli 'juu nɛ̀ wáa Yewe mɛ́ wè. Nɛ́ weli ní bèle, báli bīɛlɛ weli bèle kire ga buu yeli de kúnʔɔri weli nɛ̄ ?»

Yirile 16:9

A Misa 'ki juu Arawɔn mɛ́ nɛ́ jo: «-Ki juu Isirayɛli tògo siɛnnɛ pe mìɛni mɛ́ pe- sìʔɛrɛ pe kpɔni Yewe nɛ̄ wè. Nɛ́ ki cɛ́n Yewe nyɛ́nì pe kúnʔɔrilɔ lúʔu lè.»

Leviiyé 10:2

A kàsun káà sí yiri Yewe yiʔɛ mɛ́ gè nɛ̀ pe sórigo, a pe 'kùu Yewe yiʔɛ mɛ́ gè.

Tɔ́rilɔ 10:33

A pe 'yɛ̀ Yewe nyagurugo tiʔɛ nī gè nɛ tári nɛ waa cɛ̀cɛ nɛ̀ cɛnyɛ taanri tánʔana tánʔa, a Yewe nyakungɛngɛ finʔɛgɛ ki 'kíni pe yiʔɛ mɛ́ gè cɛnyɛ taanri nyáà yi tánʔana nɛ̄ lè, bè tiɛŋɔdaʔa taa pe mɛ́.

Tɔ́rilɔ 11:18

Muɔ bé kele gálì tìɛ gèle siɛnnɛ nɛ̄ bèle: «Ye- yìye gbòbori ye yaʔa, ye yìye wàli ye tɛ́ngɛ Yewe mɛ́ mbànʔa gè. Yeli bé kaara káa dè, nɛ́ ki cɛ́n yeli nɛ nyɛni nɛ nii Yewe ngbúʔulo nī gèle nɛ́ ki juu nɛ́ jo: ‹A ki yé puu weli bé gbɛ̀ kaara taa bè káa dè ! Ki yé tɔ̀ni nɛ̀ puu weli mɛ́ tànʔa bà weli 'puu Ezipiti kùlo nī lè.› «ʔaan, bɛ̀ sí ki yē, Yewe bé yeli kɛn nɛ́ kaara ní dè yeli káa.

Tɔ́rilɔ 12:2

A pe 'ki juu nɛ́ jo: «Ki 'nyaa lé, Yewe wire nɛ Misa yákuɔ líi wī lé kàsuluwo wè ? Wi wè nɛ tóri lé weli míɛni mɛ́, níɛ nyu míɛniʔ ?» A Yewe sí ti lúʔu.

Tɔ́rilɔ 14:2

A Isirayɛli tògo siɛnnɛ pe mìɛni Misa nɛ́ Arawɔn sànʔa wè, nɛ́ jo: «A weli yé cɛ́nì kùu baa Ezipiti kùlo nī lè, kire ga laa waama kùlo nī lè o !

Tɔ́rilɔ 14:22

bàli pe mìɛni pe yé mi kpuɔmɔ nyaa bè nɛ́ fìɛlɛ bílì mi 'kpíʔile bèle Ezipiti kùlo nī lè nɛ́ waama kùlo nī lè, a pe 'mi puu nɛ̀ wéli fúɔ nɛ̀ taa tɔliyɔ kiɛ yè nɛ́ cíi piyè mi siɛnrɛ lúʔu dèʔ,

Tɔ́rilɔ 14:27

«ʔé ! Lɛ̀lɛ jori nī mi 'yɛli bè ní Isirayɛli tògo siɛnnɛ bálì kpàri bèle bè cò ? Siɛnpiile bálì bèle, bàli pe mi sànʔá nɛ mári bèle, siɛnpiire dáà pe 'juu mi wori dè, mi nyɛ́nì ti lúʔu.

Tɔ́rilɔ 14:28

«-Ki juu pe mɛ́ ma pe yɛ: ‹Yewe wi 'ki juu nɛ́ jo: Mi nyɛ́nì kàli nìɛ nɛ̄, mi ŋáà wī wiiwe wè, m'bé yeli cò bè yɛli nɛ́ sànʔara dáà ní yeli juu dè, dàa mi 'lúʔu dè yeli mɛ́ dè.

Tɔ́rilɔ 16:11

«Gàa gī baa gè, Yewe ní yeli nɛ túngu, muɔ nɛ́ muɔ gboli wuulo ní bèle. Á kire bɛ̀ʔ gè o, ŋáa wī Arawɔn wè dí yeli de wi sànʔá bèri túngu nɛ́ wi ní ?»

Tɔ́rilɔ 16:35

A Yewe 'fali nɛ̀ kàsun káà yige nɛ̀ siɛnnɛ sirakeli togosiin nɛ́ kpɔrigɔ (250) sórigo bèle, bàli pe 'puu nɛ́ tingbopigele ní gèle nɛ́ wusuna ní wè pe kiyɛ nī yè.

Tɔ́rilɔ 17:5

Kire nɛ̀gɛvaliyɛ nyáà yi 'puu nɛ Isirayɛli siɛnnɛ sɔ̀ngí bèle nɛ taʔa kele gálì nɛ̄ gèle, majo bɛ̀ Yewe yé tóri Misa mɛ́ wè nɛ́ ki juu gè, nɛ́ jo dí a wire sì siɛn ŋíì nyíɛnɛ nɛ̀ kɔ̀n wèʔ, ŋàa wi wè Arawɔn siimɛ wuu wèʔ, kire siɛn wiì yɛli wi sìʔɛrɛ kpɔni Yewe nɛ̄ wè bèri wusuna sórigi wèʔ, kire ga buu ki siɛn wi fǎga kò bɛ̀ Kore nɛ́ wi gboli siɛnnɛ tíɛlɛ bèleʔ.

Tɔ́rilɔ 21:5

A pe ń'nɛ̀ koli nɛ̀ Kulocɛliɛ nɛ́ Misa sànʔa wè cígini, a pe 'jo: «Gáa nɛ̄ yeli 'weli yige Ezipiti kùlo nī lè ? Kire ga buu weli ní ba kùu náʔa gè waama kùlo nī lé ? Nɛ́ ki cɛ́n yaliire wè náʔa gèʔ, luʔɔ míɛni wè bile we- gbuɔʔ ! Weli tɔ̀ni nɛ̀ kɛ́nì fùrɔ mana yakaara dáà nɛ̄ dè, dàa ti wè yafiɛn dèʔ  !»

Korɛntiyé 1 10:10

Ye fǎri nyu de kúnʔɔriʔ, kire kúnʔɔrilɔ lire pe pàli 'puu nɛ kúnʔɔri, á kùu tundunwɔ wi 'pe cúʔɔ bèle.

Fànʔa Kajuʔulo 25:18

Pe 'yiri nɛ̀ taʔa muɔ nɛ̄ nɛ̀ pɛ́nì muɔ kàduʔumɛ wuulo kpúu bèle koligo nɛ̄ gè, bàli piyè puu nɛ gbɛ̀ni fìʔɛlɛ bèleʔ, nɛ̀ ki yaʔa muɔ cé tánʔa nɛ̀ fùrɔ á muɔ ŋɔri ti 'kúɔ. Piyè cɛ́nì fíɛ Kulocɛliɛ nɛ̄ʔ.

Fànʔa Kajuʔulo 32:22

ʔaan, mi funyɛrigɛ, ki bé cò kàsun ! Ki béri nyí fúɔ bè sa jíin kusiʔi laamɛ nī bè, bé dàala sórigo lè nɛ́ ni yafiinre ní dè, ki bé cò bè nyaguruyo kàkpuɔnnɔ sórigo bèle.

Fànʔa Kajuʔulo 9:22

«Bɛ̀ míɛni yeli 'ki kpíʔile Tabɛra, nɛ́ Masa, nɛ́ Kibirɔti Taawa tiɛyɛ nī yè, a yeli 'kɛ́ yiʔɛ mɛ́ nɛ̀ Yewe fungo yɛ̀gɛ gè kpuʔɔ.

Eburulo 12:29

Nɛ́ ki cɛ́n weli Kulocɛliɛ wè, wi yē kàsunkpuʔɔ gáà ki tiʔɛ sórigi gè mɛ́nɛmɛnɛ wè.

Zaki 5:4

Ye- nyaa, baakuɔlɔ bílì pe 'baara yeli siiye nī yè nɛ̀ yeli yaliire líɛ dè nɛ̀ nyɔ́gɔ dè, yeli 'cíi pe sàri nɛ̄ wèʔ. Kire sàri wire kɔngɔ baakuɔlɔ piyē nɛ wáari ki nɔ̀gí Nyìʔɛnɛ Kapiɛngbuɔnnɔ Kàfɔli nɛ̄ wè.

Zudi 1:16

Kire siɛnnɛ bálì bèle, piyē nɛ kúnʔɔri súuri peli tíimɛ wuʔu nɛ̄ gè. Piyē nɛ tári pe nyɛ́ni koliyo nī yè nyàa yi 'pe dɛ́ni yè. Piyē nɛ pìye nyíɛnɛ pe juugɛnmɛ nī bè, níɛ siɛnnɛ fáanni bèle bè tɔ̀ni taa.