Tɔ́rilɔ 10:9 - Sénoufo Nyarafolo

⁹ «A yeli yē yeli kùlo nī lè, a ki pɛ́nì nyaa yeli 'kɛ́ bàa kapiɛnnɛ kpúɔn lè nɛ́ yeli leguulo ní bèle bàli pe 'tuu yeli nɛ̄ bèle, yeli bé kàkpaanya wíi yè kpuʔɔ bè taʔala. Bà ki bé kpíʔile Yewe yeli Kulocɛliɛ wi bé sɔ̀ngi bè taa nɛ́ yeli wuʔu ní gè, bè yeli suɔ yeli leguulo mɛ́ bèle.

Tɔ́rilɔ 10:9 Iomraidhean Croise

Sélimɛ 8:1

A Kulocɛliɛ 'sɔ̀ngi nɛ̀ taa Nɔwe kaala nɛ̄ lè, nɛ́ yawiire ti mìɛni nɛ́ yajuuro ní dè dàa ti 'puu nɛ́ Nɔwe ní wè kɔ́rikpuʔɔ nī gè. A Kulocɛliɛ 'káfaligɛ káà yɛ̀gɛ ki‑ luʔɔ fii gè a luʔɔ ki 'koli nɛ tíri.

Ŋúnuyɔ 106:4

Yewe yo, sɔ̀ngi ma taa nɛ́ mi ní a muɔ nɛ muɔ funjɛ̀ngɛ tìí gè muɔ siɛnnɛ nɛ̄ bèle ! Líiye cáan mi mɛ́ a muɔ nɛ pe suu bèle !

Ŋúnuyɔ 106:42

A pe leguulo pe 'pe máama, a pe 'pe kiyɛ fànʔa seri gè pe nɛ̄ nɛ̀ pe faʔa.

Ŋúnuyɔ 136:23

Wi yé sɔ̀ngi nɛ̀ taa nɛ́ weli ní bà weli 'puu weli màama lɛ̀lɛ nī lè, nɛ́ ki cɛ́n wi bànguɔ dɛ́nigɛ kiī baa súuri !

Leviiyé 23:24

«-Ki juu Isirayɛliyé mɛ́ bèle ma kele gálì tìɛ gèle pe nɛ̄: «Yeye kɔlisiinwuʔu nɛ̄ gè, ki cɛnbelige gè, ki bé puu yeli mɛ́ cɛndɛnigɛ nɛ́ ní cɛnŋɔdaʔa, Kàkpaanya Wíijɛngɛ gè. Yeli sǐ baara yafiɛn kúɔʔ. Ki bé puu sɔ̀ngidaa cɛngbuʔɔ gàa nɛ̄ yeli bé kàkpaanya wíi yè; yeli bé yìye pínɛ bè Yewe gbùʔɔrɔ wè.

Tɔ́rilɔ 31:6

A Misa 'pe tun pe- sa tuu pe nɛ̄, siɛnnɛ sirakogunɔ (1 000) nɛ̂ yiri saʔa tùlugo ó tùlugo nī. Kacuɔnriwɔ Eleyazari jaa Finɛyasi wè, wi 'puu nɛ́ pe ní. Wire wi yé Yewe Kòridiʔɛ yɛrɛ tugo dè pe kúrugu, nɛ́ kàkpaanya ní yè nyàa pe béri wíi bèri fìɛlɛ tìí bèle.

Korɛntiyé 1 14:8

Nɛ̀ pínɛ, a kàkpanʔa ki wè nɛ wíi nɛ siɛnrɛ yigi dè cìilige wèʔ, mɛni siɛn bága ki cɛ́n bé sí wìi gbòbori kapiɛnnɛ nɛ̄ lè ?

Fànʔa Kajuʔulo 20:1

A Misa ń'nɛ̀ ki juu nɛ́ jo: «A yeli kɛ́nì yiri bè sa kapiɛnnɛ kpúɔn lè nɛ́ yeli leguulo ní bèle, a yeli 'suɔnyɔ nyaa nɛ́ suɔnyɔ wotorilo ní bèle, nɛ́ kapiɛngbuɔnnɔ tògo ní gè, gàa ki 'niʔɛ nɛ̀ tóri yeli wuʔu nɛ̄ gè, kiì yɛli yeli de fìʔɛ́ pe nɛ̄ʔ. Nɛ́ ki cɛ́n Yewe yeli Kulocɛliɛ wiī nɛ́ yeli ní, wire ŋáà wi 'yeli yige Ezipiti kùlo nī lè.