Tɔ́rilɔ 10:12 - Sénoufo Nyarafolo

¹² A Isirayɛli siɛnnɛ pe 'yɛ̀ nɛ̀ yiri Sinayii waama kùlo tiʔɛ nī gè nɛ sìʔɛrɛ nɛ waa cɛ̀cɛ. A kàsadibagɛ ki sɛ́nì yéri Paran waama kùlo tiʔɛ nī gè.

Tɔ́rilɔ 10:12 Iomraidhean Croise

Sélimɛ 14:6

nɛ́ Wori siɛnnɛ bálì pe 'kòri Seyiiri nyaguruyo nɛ̄ yè. A pe 'pe mìɛni jáa fúɔ nɛ̀ kɛ́ nɛ̀ sɛ́nì nɔ̀ Eli Paran tiʔɛ nɛ̄ gè. Ki 'puu waama kùlo táanni lè.

Yirile 13:20

A pe 'yiri Sukɔti kàʔa nī gè nɛ̀ kɛ́ nɛ̀ sɛ́nì nɔ̀ Etami tiʔɛ nɛ̄ gè nɛ̀ tɛ́ni baa cɛ̀ri, kire gáà ki 'puu waama kùlo táanni lè.

Tɔ́rilɔ 1:1

Yiɛlɛ nigbe tórilo kàduʔumɛ gè, bà pe yé yiri Ezipiti kùlo nī lè, yiɛziinwoli ni yeye siinwuʔu nɛ̄ gè ki cɛnbelige nɛ̄ gè, a Yewe 'juu nɛ́ Misa ní wè baa Kpàlidiʔɛ Kpátaʔa nī gè, Sinayii waama kùlo nī lè.

Tɔ́rilɔ 10:33

A pe 'yɛ̀ Yewe nyagurugo tiʔɛ nī gè nɛ tári nɛ waa cɛ̀cɛ nɛ̀ cɛnyɛ taanri tánʔana tánʔa, a Yewe nyakungɛngɛ finʔɛgɛ ki 'kíni pe yiʔɛ mɛ́ gè cɛnyɛ taanri nyáà yi tánʔana nɛ̄ lè, bè tiɛŋɔdaʔa taa pe mɛ́.

Tɔ́rilɔ 12:16

Kire kàduʔumɛ gè, a siɛnnɛ pe 'yiri Katisɛrɔti tiʔɛ nī gè nɛ̀ kɛ́ nɛ̀ sɛ́nì bùguro kpúɔn dè baa Paran waama kùlo tiʔɛ nī gè.

Tɔ́rilɔ 13:26

A pe pɛ́nì yéri Misa nɛ́ Arawɔn yiʔɛ mɛ́ gè, nɛ́ Isirayɛli tògo siɛnnɛ pe mìɛni ní, baa Paran waama kùlo nī lè, Kadɛsi kàʔa tiʔɛ nī gè. A pe pɛ́nì siɛnnugoro juu dè nɛ̀ tìɛ Isirayɛli tògo siɛnnɛ pe míɛni nɛ̄, nɛ́ kùlo ni yasɛnrɛ tìɛ dè pe nɛ̄.

Tɔ́rilɔ 13:3

A Misa 'pe tun nɛ̀ ki yaʔa pe ní baa Paran waama kùlo tiʔɛ nī gè, bà Yewe cé ki juu gè. Pe mìɛni yé puu Isirayɛli siɛnnɛ kàfɔlilɔ.

Tɔ́rilɔ 2:34

A Isirayɛli siɛnnɛ pe 'ti sɔ́migɔ nɛ̀ kpíʔile nɛ̀ yɛli nɛ́ dàa ní Yewe cé juu nɛ̀ gbɛ̀ngɛ Misa mɛ́ wè. Pe 'puu nɛ pe bùguro kpúɔn dè pe káfalilɛ láara bèle, níɛ yɛ̀gí nɛ waa taʔalimɛ taʔalimɛ pìye kúrugu nɛ̀ yɛli nɛ́ pe nariyɛ nɛ́ pe tobilo kpáaya kɛnmɛ ní bè.

Tɔ́rilɔ 9:1

Yiɛlɛ nigbe tórilo kàduʔumɛ gè bà pe yé yiri Ezipiti kùlo nī lè, yiɛziinwoli ni yebelige nɛ̄ gè bè pe 'yaʔa baa Sinayii waama kùlo nī lè, a Yewe ń'nɛ̀ ki juu Misa mɛ́ nɛ́ jo:

Tɔ́rilɔ 9:17

Lɛ̀lɛ ó lɛ̀lɛ nī kàsadibagɛ ki cé yɛ̀ Kpátaʔa naamɛ gè, Isirayɛli siɛnnɛ pe nɛ̂ bùguro yɛ̀gɛ dè. A ki yé sɛ́nì yéri tiʔɛ gíì nī gè, pe nɛ̂ bùguro kpúɔn dè baa kire tiʔɛ nī gè.

Tɔ́rilɔ 9:5

A pe sí Torimakiyaʔa Fundaanra kpíʔile dè baa Sinayii waama kùlo nī lè, yebelige ki cɛnyɛ kiɛ nɛ́ sicɛriwuʔu nɛ̄ gè, nɛ̀ ki séli cɛnguɔwuɔmɔ lɛ̀lɛ nī lè. A Isirayɛli siɛnnɛ pe 'ki kpíʔile nɛ̀ yɛli nɛ́ dàa ní Yewe cé juu nɛ̀ gbɛ̀ngɛ Misa mɛ́ wè.

Fànʔa Kajuʔulo 1:1

Siɛnrɛ ti n'dɛ dàa Misa 'juu Isirayɛli siɛnnɛ pe mìɛni mɛ́ bèle lɛ̀lɛ líì nī pe 'puu nɛ tíin Zurudɛn cáʔa lìʔɛlɛ nī lè cɛngɛnyɛnifoligɔli mɛ́ bè, Araba waama kùlo kpàanjali nɛ̄ wè ŋàa wi 'puu Sufi tiʔɛ yiʔɛ mɛ́ gè. Kpàanjali ŋáà wi 'puu Paran waama kùlo kayɔbigɔ gíì nɛ̄ gè, nɛ́ ní Tofɛli, nɛ́ Laban, nɛ́ Katisɛrɔti nɛ́ Di Zaʔabi tiɛyɛ kayɔbigɔ gíì nɛ̄ gè.

Fànʔa Kajuʔulo 1:19

«A weli 'yɛ̀ Worɛbi nyagurugo tiʔɛ nī gè nɛ waa nɛ̀ sɛ́nì sùuri waama kùlo tiɛkpuʔɔ sìpiʔi gáà yeli 'nyaa gè, a weli sɛ́nì koligo líɛ gè Amɔriyé nyaguruyo kùlo nī lè, majo bɛ̀ Yewe weli Kulocɛliɛ wè wi yé ki juu nɛ̀ gbɛ̀ngɛ weli mɛ́ gè. A weli sɛ́nì nɔ̀ Kadɛsi Barinɛya kàʔa nɛ̄ gè.

Fànʔa Kajuʔulo 1:7

Ye- yɛ̀ yeri waa, ye sa jíin Amɔriyé kùlo nī lè, nyaguruyo woli lè, nɛ́ kùlo ni tɛ́ninyɛninɛ ní bèle: Zurudɛn kpàanjali nɛ̄ wè, nɛ́ nyaguruyo kùlo ní lè, nɛ́ nyaguruyo laara kùlo lè, nɛ́ Nɛgɛvi waama kùlo lè, nɛ́ kuʔɔjii gògoyo ní yè. Kire 'jo yeri jiin Kanaa kùlo nī lè nɛ́ Liban nyaguruyo kùlo ní lè fúɔ nɛ̀ sɛ́nì nɔ̀ Efirati cáʔa nɛ̄ gè.

Fànʔa Kajuʔulo 33:2

A wi 'jo: «Yewe nyɛ́nì tìgi Sinayii nyagurugo nɛ̄ gè, wi 'yɛ̀ Seyiiri kùlo nī lè nɛ nyíʔɛnɛ weli nɛ̄. Wi kpìɛnmɛ pi 'yiri Paran nyagurugo nɛ̄ gè a wi 'pɛn nɛ́ nyìʔɛnɛ tundunminɔ siramuʔɔyɔ siramuʔɔyɔ ní yè, Fànʔa Siɛnrɛ ní dè wi kàliige kɔli nī gè bɛ̀ kàsun tíɛlɛ.