Tɔ́rilɔ 10:10 - Sénoufo Nyarafolo

¹⁰ «Yeli fundaanra cɛnyɛ ní yè, nɛ́ Yewe kpàli lɛ̀gɛlɛ ní gèle nɛ́ yeye yi sélimɛ nɛ̄ bè, yeli béri kàkpaanya wíi yè bèri kakuɔrɔ kaasuʔuro nɛ́ yanyige kaara kanʔa dè Yewe mɛ́ wè. Tire bé kò sɔ̀ngidaa lɛ̀gɛlɛ yeli mɛ́ Yewe yiʔɛ mɛ́ gè. Mi wī Yewe yeli Kulocɛliɛ wè.»

Tɔ́rilɔ 10:10 Iomraidhean Croise

Ŋúnuyɔ 150:3

Yeri wi gbùʔɔrɔ́ yeri sìnbanyɛgɛ wíi gè  ! Yeri wi gbùʔɔrɔ́ nɛ́ màʔagɛlɛ bɔ̀licɛrigɛ ní gè, nɛ́ gɔri ní wè !

Ŋúnuyɔ 81:3

Ye‑ ŋúnugo káà le, yeri pìnbile kpúɔn lè, yeri gɔripile tàanna kpúɔn lè, nɛ́ màʔagɛlɛ bɔ̀licɛrigɛ ní gè.

Ŋúnuyɔ 81:4

Ye‑ kàkpanʔa wíi gè yevɔngɔ yiri lɛ̀lɛ nī lè nɛ́ nzùʔu lɛ̀lɛ nī lè, weli fundaanra tánʔagbuɔlɔ cɛngɛ nī gè.

Ŋúnuyɔ 89:15

Sínmɛ nɛ́ kàyuʔujuugɛnmɛ báà pi 'nyuɔ bè, pire pi 'muɔ kàfɔligɔ tɛ́ngɛ gè. Bànguɔ dɛ́nigɛ nɛ́ kányiʔɛ, kire gī muɔ kɛnmɛ bè.

Yirile 28:29

«Bà ki bé puu a Arawɔn kɛ́nì jíin tiɛcɛ̀ngɛ wàlidɛngɛgɛ nī gè, sìndinge kpɔ̀bi ŋáà pe tíʔi nɛ kàyuʔu kele nyu gèle, wi bé puu sìndinge nɛ̄ gè nàzɔn yiʔɛ mɛ́ gè, bà Isirayɛli jaala míɛyɛ yi bé puu mi Yewe yiʔɛ mɛ́ gè mi de sɔ̀ngí de taʔa súuri nɛ́ pe ní.

Yirile 30:16

Muɔ bé sìi sàri wali ŋáà líɛ wè Isirayɛli siɛnnɛ mɛ́ bèle bé wi tíʔɛ bè Kpàlidiʔɛ Kpátaʔa baara kúɔ dè, kire ga buu Yewe wi de sɔ̀ngí de taʔa nɛ́ Isirayɛli siɛnnɛ ní bèle, pe sìi sàri wori nɛ̄ dè.»

Leviiyé 23:24

«-Ki juu Isirayɛliyé mɛ́ bèle ma kele gálì tìɛ gèle pe nɛ̄: «Yeye kɔlisiinwuʔu nɛ̄ gè, ki cɛnbelige gè, ki bé puu yeli mɛ́ cɛndɛnigɛ nɛ́ ní cɛnŋɔdaʔa, Kàkpaanya Wíijɛngɛ gè. Yeli sǐ baara yafiɛn kúɔʔ. Ki bé puu sɔ̀ngidaa cɛngbuʔɔ gàa nɛ̄ yeli bé kàkpaanya wíi yè; yeli bé yìye pínɛ bè Yewe gbùʔɔrɔ wè.

Tɔ́rilɔ 10:9

«A yeli yē yeli kùlo nī lè, a ki pɛ́nì nyaa yeli 'kɛ́ bàa kapiɛnnɛ kpúɔn lè nɛ́ yeli leguulo ní bèle bàli pe 'tuu yeli nɛ̄ bèle, yeli bé kàkpaanya wíi yè kpuʔɔ bè taʔala. Bà ki bé kpíʔile Yewe yeli Kulocɛliɛ wi bé sɔ̀ngi bè taa nɛ́ yeli wuʔu ní gè, bè yeli suɔ yeli leguulo mɛ́ bèle.

Tɔ́rilɔ 28:11

«Yevɔngɔ ó yevɔngɔ cɛnbelige nɛ̄ gè, yeli bé kakuɔrɔ kaasuʔuro kɔ̀n dè Yewe mɛ́ dàa dī nɛ̀piɛyɛligɛlɛ siin, nɛ́ sìnbapɔli nigbe, nɛ́ yiɛlɛ nigbe sìnbapɛngɛlɛ kɔlisiin. Ti mìɛni bé puu kpɔlidiɛlɛ fùn.

Tɔ́rilɔ 29:1

A Yewe ń'nɛ̀ ki juu nɛ́ jo: «Yeye kɔlisiinwuʔu nɛ̄ gè, ki cɛnbelige gè, ki bé puu Kàkpaanya Wíijɛngɛ gè. Yeli bé yeli gboli kpuɔlɔ pínɛ lè bè Yewe gbùʔɔrɔ wè; yeli sǐ ga tíi yeli kele kúɔ gèleʔ. Kire cɛngɛ ki bé puu yeli mɛ́ yeli de kàkpaanya wíi yè, yiri tùngú.

Matiye 11:28

«Yeri báan mi kúrugu, yeli bálì mìɛni ye 'tugoro tugo nɛ́ ní fùrɔlɔ bèle, m'bé pa yeli kɛn nɛ́ ŋɔ́daala ní.

Kakpiʔiligele 10:4

A Kɔrinɛyi wi 'yiʔɛ le gè wi nī nɛ̀ wi wéli, fíɛrɛ ní dè wi nī, nɛ́ wi yɛ: «Ma 'jo gáa, mi kàfɔli ?» A nyìʔɛnɛ tundunwɔ wi 'wi yɛ: «Kulocɛliɛ wi 'sɔ̀ngi nɛ̀ taa nɛ́ muɔ náariyɛ ní yè, nɛ́ muɔ kpuʔɔrɔ ní dè dàa muɔ sî nɛ kanʔa fuunmɔfɔlilɔ mɛ́ bèle.

Korɛntiyé 1 15:52

nyapikolilo nigbe nɛ̄, a kàkpanʔa wíizɛnnɛ ni kɛ́nì wíi lè. Nɛ́ ki cɛ́n kàkpanʔa káà bága wíi, dí kúbilo pe sí nyɛ́ bè yiri; fúnʔɔrɔ sì je puu pe nīʔ, dí weli sí yiʔɛ kɛnmɛ páà nɛ̄.

Tesalonikiyé 1 4:16

Ki 'nyaa Kàfɔli wire tíimɛ wè, a ki kɛ́nì juu nɛ̀ gbɛ̀ngɛ yékpogbuɔlɔ nī lè, nɛ́ nyìʔɛnɛ tundunminɔ kàfɔli wi kòkuulo ní lè, nɛ́ Kulocɛliɛ kàkpanʔa ní gè, Kàfɔli wi bé kɔ́n baa nyìʔɛnɛ nī lè bè tìgi. Kire lɛ̀lɛ nī lè, kúbilo bálì bīɛlɛ tɛ́ngɛfɔlilɔ Zezi Kirisi wuulo bèle, peli bé kíni bè nyɛ́ bè yiri.

Tesalonikiyé 1 4:18

Kire nɛ̄, yeri nyu yeri nàzɔnnɔ lìrí bèle ye mìɛni nigbe nigbe bèle nɛ́ nyasiɛnrɛ dáà ní dè.

Tìɛlɛ 22:17

Kulocɛliɛ Pìle lè nɛ́ cefɔnwɔ ní wè, pe 'jo: «Te báan !» Ŋìi míɛni wi ti lúru dè, wi- jo: «Te báan !» A luʔɔwuʔɔ yē ŋìi nɛ̄, wiri báan. A ŋìi nɛ ki caa bè gbuɔ wè, wi- pa sìi luʔɔ suɔ gè waʔanɛ.