Tɔ́rilɔ 1:54 - Sénoufo Nyarafolo

⁵⁴ A Isirayɛli siɛnnɛ pe 'ti mìɛni kúɔ nɛ̀ yɛli nɛ́ gàa ní Yewe cé juu nɛ̀ gbɛ̀ngɛ Misa mɛ́ wè. Kire gī gàa pe 'kpíʔile gè.

Tɔ́rilɔ 1:54 Iomraidhean Croise

Yirile 12:28

A pe 'kɛ́ nɛ̀ sɛ́nì ki kpíʔile gàa Yewe yé juu nɛ̀ gbɛ̀ngɛ Misa nɛ́ Arawɔn mɛ́ wè.

Yirile 39:32

Bà sí ki kpíʔile a Kòridiʔɛ gè, Kpàlidiʔɛ Kpátaʔa gè, a ki baara ti 'kúɔ. A Isirayɛli siɛnnɛ pe 'ti mìɛni kúɔ nɛ̀ yɛli nɛ́ gàa ní Yewe cé juu nɛ̀ gbɛ̀ngɛ Misa mɛ́ wè.

Yirile 39:43

Bà Misa 'ki nyaa a pe 'baara ti mìɛni kúɔ a ti 'nyuɔ dè, a wi 'ki nyaa pe cé ti mìɛni kúɔ nɛ̀ yɛli nɛ́ dàa ní Yewe cé juu nɛ̀ gbɛ̀ngɛ dè. A Misa wi 'diba kpíʔile wè pe mɛ́.

Yirile 40:16

A Misa 'ki kpíʔile dàa ti mìɛni Yewe yé juu nɛ̀ gbɛ̀ngɛ wi mɛ́ dè. Bɛ̀ ki 'puu a wi 'ti mìɛni kpíʔile.

Yirile 40:32

Bà pe 'puu nɛ pìye jíri lɛ̀lɛ ó lɛ̀lɛ a pe yé je jíin Kpàlidiʔɛ Kpátaʔa nī gè, kire ga laa a pe yé je sìʔɛrɛ kpɔni Yewe gbùʔɔrɔdiʔɛ yafanʔa nɛ̄ gè, nɛ̀ yɛli nɛ́ gàa ní Yewe cé juu nɛ̀ gbɛ̀ngɛ Misa mɛ́ wè.

Tɔ́rilɔ 1:19

A pe 'pe sɔ́migɔ nɛ̀ pe tɔ́ri baa Sinayii waama kùlo nī lè, nɛ̀ yɛli nɛ́ gàa ní Yewe yé juu nɛ̀ gbɛ̀ngɛ Misa mɛ́ wè.

Tɔ́rilɔ 1:53

Nɛ̀ ki yaʔa Leviiyé bèle, peli bé tɛ́ni bè nyakungɛngɛ siɛnrɛ Kòridiʔɛ màʔa gè, kire ga buu Yewe funyɛrigbuʔɔ ki fǎga Isirayɛli tògo siɛnnɛ kpúɔn bèle. Leviiyé bèle, peli pe 'yɛli bèri Kòridiʔɛ wéli gè.»

Tɔ́rilɔ 2:1

A Yewe ń'nɛ̀ ki juu Misa nɛ́ Arawɔn mɛ́ nɛ́ pe yɛ:

Tɔ́rilɔ 2:34

A Isirayɛli siɛnnɛ pe 'ti sɔ́migɔ nɛ̀ kpíʔile nɛ̀ yɛli nɛ́ dàa ní Yewe cé juu nɛ̀ gbɛ̀ngɛ Misa mɛ́ wè. Pe 'puu nɛ pe bùguro kpúɔn dè pe káfalilɛ láara bèle, níɛ yɛ̀gí nɛ waa taʔalimɛ taʔalimɛ pìye kúrugu nɛ̀ yɛli nɛ́ pe nariyɛ nɛ́ pe tobilo kpáaya kɛnmɛ ní bè.

Tɔ́rilɔ 36:10

A Selofiyadi pórilo pe 'ki kpíʔile gàa Yewe juu nɛ̀ gbɛ̀ngɛ Misa mɛ́ wè.

Tɔ́rilɔ 8:20

Bà sí ki 'kpíʔile a Misa 'kele gálì ke mìɛni kpíʔile Leviiyé kɔli mɛ́ gè, wire nɛ́ Arawɔn nɛ́ Isirayɛli tògo siɛnnɛ ní bèle. A Isirayɛliyé pe 'ti mìɛni gbòbori nɛ̀ kpíʔile nɛ̀ yɛli nɛ́ gàa ní Yewe yé juu nɛ̀ gbɛ̀ngɛ Misa mɛ́ wè.

Tɔ́rilɔ 9:22

A kàsadibagɛ ki yé yéri Kòridiʔɛ nyùgo nī gè cɛnyɛ siin yo, kire ga laa yege sìnbogo yo, kire ga laa a ki yéri nɛ̀ mɔgɔ yo, Isirayɛli siɛnnɛ pe nɛ̂ cé kò baa, pe nɛ̌ de waaʔ. Pe 'puu nɛ yɛ̀gí nɛ waa yákuɔ wī a kàsadibagɛ ki cé yɛ̀ gè.

Tɔ́rilɔ 9:5

A pe sí Torimakiyaʔa Fundaanra kpíʔile dè baa Sinayii waama kùlo nī lè, yebelige ki cɛnyɛ kiɛ nɛ́ sicɛriwuʔu nɛ̄ gè, nɛ̀ ki séli cɛnguɔwuɔmɔ lɛ̀lɛ nī lè. A Isirayɛli siɛnnɛ pe 'ki kpíʔile nɛ̀ yɛli nɛ́ dàa ní Yewe cé juu nɛ̀ gbɛ̀ngɛ Misa mɛ́ wè.

Matiye 28:20

Yéri pe tìí pe- mi kele ke mìɛni cò, gàli mi 'tìɛ yeli nɛ̄ gèle. Mi wè, mi yē nɛ́ yeli ní cɛnyɛ yi mìɛni, fúɔ bè pa nɔ̀ duniya kúɔmɔ nɛ̄ bè.»