Tɔ́rilɔ 1:53 - Sénoufo Nyarafolo

⁵³ Nɛ̀ ki yaʔa Leviiyé bèle, peli bé tɛ́ni bè nyakungɛngɛ siɛnrɛ Kòridiʔɛ màʔa gè, kire ga buu Yewe funyɛrigbuʔɔ ki fǎga Isirayɛli tògo siɛnnɛ kpúɔn bèle. Leviiyé bèle, peli pe 'yɛli bèri Kòridiʔɛ wéli gè.»

Tɔ́rilɔ 1:53 Iomraidhean Croise

Leviiyé 10:6

A Misa sí 'ki juu Arawɔn nɛ́ wi jaasɛnminɛ mɛ́ bèle, Eleyazari nɛ́ Itamari wè, nɛ́ pe yɛ̀: «Ye fǎga yeli nzìire yaʔa dè nyaʔamidɛʔ, ye fǎga yeli buruyo cɛnminɛ yè kùu kayaʔa nɛ̄ gèʔ. Á kire bɛ̀ʔ yeli bé ní kùu yeri wè bè wáa yìye nɛ̄, nɛ́ Yewe funbiɛnrɛ ní dè Isirayɛli tògo ki mìɛni nɛ̄. Yeli siinyɛninɛ Isirayɛliyé bèle, peli yákuɔ pe béri nyɛni de cáaduu kɔnrɔ wáari dè kúbilo nɛ̄ bèle, bàli Yewe 'kpúu nɛ́ kàsun ní gè.

Tɔ́rilɔ 1:50

Muɔ 'yɛli bè Leviiyé tɛ́ngɛ bèle peri Kòridiʔɛ wéli gè, gáa gī nyakungɛngɛ siɛnrɛ kàdɛnitɛnyɛ yi tɛ́ngɛdiʔɛ gè, nɛ́ ki yakpiʔilide ti mìɛni ní dè, nɛ́ ki yɛrɛ ti mìɛni ní dè. Pe 'yɛli bèri Koridiʔɛ nɛ́ ki yakpiʔilide ti mìɛni turu dè, béri ti wéli. Pe béri pe bùguro kpúɔn dè bèri Koridiʔɛ màʔa gè.

Tɔ́rilɔ 1:54

A Isirayɛli siɛnnɛ pe 'ti mìɛni kúɔ nɛ̀ yɛli nɛ́ gàa ní Yewe cé juu nɛ̀ gbɛ̀ngɛ Misa mɛ́ wè. Kire gī gàa pe 'kpíʔile gè.

Tɔ́rilɔ 16:9

Yeli nɛ sɔ̀ngí lé kaciɛlɛ nī yeli mɛ́, bà Isirayɛliyé Kulocɛliɛ wi 'yeli wàli nɛ̀ tɛ́ngɛ Isirayɛli tògo siɛnsɛnminɛ nī bèle, bè ki kpíʔile yeli gbɛ̀ri sìʔɛrɛ́ de kpɔni wi nɛ̄ wè, bèri Yewe Kòridiʔɛ baara kúu dè, bé ní de yèrí siɛnniʔɛmɛ yiʔɛ mɛ́ gè bèri pe yiʔɛ kínigi gè de kele cuɔnri gèle ?

Tɔ́rilɔ 17:7

Bà siɛnnɛ pe 'gbuʔulo nɛ kúnʔɔri Misa nɛ́ Arawɔn yiʔɛ mɛ́ gè, a pe siin pe 'yiʔɛ nɛ̀ yiʔɛ wáa gè Kpàlidiʔɛ Kpátaʔa mɛ́ gè, a pe 'kàsadibagɛ nyaa gè a ki 'tìgi nɛ̀ ki tɔ́n, á Yewe cɛ̀nmɛ nɛ́ wi kpuɔmɔ pi 'yiri.

Tɔ́rilɔ 2:17

«Kire kàduʔumɛ gè Leviiyé pe béri waa pe kúrugu nɛ́ Kpàlidiʔɛ Kpátaʔa ní gè. Leviiyé pe bé puu gbuʔulo sunʔɔmɔ nī bè. Pe mìɛni bé yiri bùguro nī dè bè taʔala pìye nɛ̄, siɛn ó siɛn wi tùlugo nī gè, wi káfali láara wè.

Tɔ́rilɔ 3:23

Gerisɔnyé nariyɛ yire 'puu nɛ pe bùguro kpúɔn dè Kòridiʔɛ kàduʔu mɛ́ gè, cɛngɛnyɛnijiingɔli mɛ́ gè.

Tɔ́rilɔ 3:29

Keyatiyé nariyɛ yire 'puu nɛ pe bùguro kpúɔn dè Kòridiʔɛ ki lìʔɛlɛ nī lè, cɛngɛnyɛnifolimɛ kàliige kɔli mɛ́ gè.

Tɔ́rilɔ 3:35

Suriyeli wè, Abiyali jaa wè, wire wi 'puu Mɛrariiyé nariyɛ yi tobilo kpáaya yi kàfɔli. Pe 'puu nɛ pe bùguro kpúɔn dè Kòridiʔɛ ki lìʔɛlɛ nī lè, cɛngɛnyɛnifolimɛ kàmɛgɛ kɔli mɛ́ gè.

Tɔ́rilɔ 3:38

Misa nɛ́ Arawɔn ní wè, nɛ́ Arawɔn jaala ní bèle, peli 'puu nɛ pe bùguro kpúɔn dè Kòridiʔɛ yiʔɛ mɛ́ gè, cɛngɛnyɛnifoligɔli mɛ́ gè, kire 'jo Kpàlidiʔɛ Kpátaʔa yiʔɛ mɛ́ gè. Peli pe 'puu nɛ saawalidɛngɛgɛ wéli gè Isirayɛliyé míʔɛ nɛ̄ gè. A siɛn wáà wiiyɛ 'sìʔɛrɛ nɛ̀ kpɔni kire tiʔɛ nɛ̄ gè, pe yé yɛli bè kire siɛn kpúu wè wī.

Tɔ́rilɔ 31:30

«Muɔ bé Yewe liɛlɛ kɔ̀n lè míɛni Isirayɛli tògo siɛnsɛnminɛ wori nī dè. Kasuulebile togosiin nɛ́ kpɔrigɔ ó kpɔrigɔ nī bèle, muɔ bé siɛn nigbe kɔ̀n Yewe mɛ́. Yajuuro nī dè, nìɛyɛ yè nɛ́ sèfɛngɛlɛ ní gèle nɛ́ sìnbaara ní dè nɛ́ síkaala ní bèle, ti mìɛni togosiin nɛ́ kpɔrigɔ ó kpɔrigɔ nī wè, muɔ bé yajuʔu nigbe láʔa bè kɛn Yewe mɛ́. Muɔ bé ti kɛn Leviiyé mɛ́ bèle, peli bálì pe Yewe Kòridiʔɛ baara kúu dè.»

Tɔ́rilɔ 31:47

A Misa 'Yewe liɛlɛ kɔ̀n lè ti nī: siɛnnɛ togosiin nɛ́ kpɔrigɔ ó kpɔrigɔ nī bèle, a wi 'siɛn nigbe láʔa nɛ̀ kɛn Yewe mɛ́; yajuuro togosiin nɛ́ kpɔrigɔ ó kpɔrigɔ nī dè, a wi 'yajuʔu nigbe láʔa nɛ̀ kɛn Yewe mɛ́. A wi 'ti mìɛni pínɛ nɛ̀ kɛn Leviiyé mɛ́ bèle bàli pe 'puu nɛ baara kúu dè Yewe Kòridiʔɛ nī gè, majo bɛ̀ Yewe cé ki juu nɛ̀ gbɛ̀ngɛ wi mɛ́ gè.

Tɔ́rilɔ 8:19

«A mi 'pe kɛn kpuʔɔrɔ Arawɔn nɛ́ wi jaala mɛ́ bèle peri baara kúu dè Kpàlidiʔɛ Kpátaʔa nī gè Isirayɛli siɛnnɛ mɛ́ bèle, pe síri kàsulugosuɔ baara kúu dè pe mɛ́ kire ga buu wuʔɔgbuʔɔ fǎga tuu pe nɛ̄ʔ a pe wàa kɛ́nì sìʔɛrɛ nɛ̀ kpɔni saawalidɛngɛgɛ nɛ̄ gè.»

Timote 2 4:2

mari Kulocɛliɛ siɛnrɛ jáari dè nɛ́ lèbaanna ní. Mari ti nyu de gbɛ̀ngí de tìí pe nɛ̄ làjɛnnɛ nī lè nɛ́ làbiile ní lè. Mari pe kolimɔ nyu bè pe nɛ̄, mari lèbaanna nyɔ́gi pe nī. Mari ki kpínʔini nɛ́ funnyige ní muɔ tɛnmɛnɛ ni mìɛni nī lè.