Tɔ́rilɔ 1:4 - Sénoufo Nyarafolo

⁴ «Saʔa tùlugo ó saʔa tùlugo nī, yeli bé nàguɔlɔ pálì nyíɛnɛ gɔ̀n bè fàri yìye nɛ̄, nàguɔ ó nàguɔ ŋáà wi yē wi tobilo kpáaya yi kàfɔli wè.

Tɔ́rilɔ 1:4 Iomraidhean Croise

Yirile 18:21

«Muɔ wè, ma siɛnnɛ pálì nyíɛnɛ ma kɔ̀n pe sunʔɔmɔ nī: bàli bīɛlɛ ŋɔri ní dè nɛ́ kaala cɛ́n wè, níɛ fìʔɛ́ Kulocɛliɛ nɛ̄ wè, nɛ́ siɛn gbɛ̀ tɛ́ngɛ pe nɛ̄ wè, nɛ́ bàli bīɛlɛ núʔɔrɔ kele kiyè pe dɛ́ni bèleʔ, ma pe tɛ́ngɛ siɛnnɛ yiʔɛ mɛ́ gè, wàa puu siɛnnɛ sirakogunɔ (1 000) kàfɔli, wàa sí puu siɛnnɛ dabataan (100) kàfɔli, wàa puu siɛnnɛ togosiin nɛ́ kpɔrigɔ kàfɔli, wàa sí puu siɛnnɛ kiɛ kàfɔli.

Yirile 18:25

A Misa 'nàguɔlɔ pálì nyíɛnɛ nɛ̀ kɔ̀n Isirayɛli siɛnnɛ nī bèle, bàli bīɛlɛ pe 'puu ŋɔri ní dè nɛ́ kaala cɛ́n wè. A wi 'pe tɛ́ngɛ siɛnnɛ pe mìɛni nyùgo nɛ̄, wàa ní siɛnnɛ sirakogunɔ (1 000) kàfɔli; ŋìi ní wè siɛnnɛ dabataan (100) kàfɔli; wàa sí ní siɛnnɛ togosiin nɛ́ kpɔrigɔ kàfɔli; wàa ní siɛnnɛ kiɛ kàfɔli.

Tɔ́rilɔ 1:16

Bàli bèle, peli yē nàguɔlɔ bálì pe 'nyíɛnɛ nɛ̀ kɔ̀n Isirayɛli tògo siɛnnɛ nī bèle. Peli pe yé puu pe saaya tùluyo kàfɔlilɔ bèle; pe 'puu míɛni Isirayɛli kapiɛngbuɔn tòyo nyùyɔ nɛ̄ yè.

Tɔ́rilɔ 1:44

Bàli bèle, peli yē nàguɔlɔ pe mìɛni bìnɛ wè, bàli pe yé tɔ́ri bèle, Misa nɛ́ Arawɔn ní wè nɛ̀ fàri nàguɔlɔ kiɛ nɛ́ siin nɛ̄ bèle bàli pe yé pe sáʔa bèle; pe mìɛni 'puu pe tobilo kpáaya yi kàfɔlilɔ Isirayɛliyé saaya tùluyo nī yè.

Tɔ́rilɔ 17:3

Wi- siɛnnɛ bálì pe tingbopigele líɛ gèle, bàli pe 'kapiile kpíʔile lè nɛ́ ki sàri nɛ́ pe sìi ní wè, wi- sa tingbopigele kpúɔn gèle wi kpɔbi bè gbùʔɔrɔdiʔɛ yafanʔa tɔ́n gè nɛ́ ke ní, nɛ́ ki cɛ́n pe nyɛ́nì yéri nɛ́ ke ní Yewe yiʔɛ mɛ́ gè á ke 'kò wàlidɛngɛgɛlɛ. Ke bé kò fìɛpiiwe Isirayɛli siɛnnɛ mɛ́ bèle.»

Tɔ́rilɔ 25:14

Isirayɛliyé nàguɔ ŋáà wi cé Madiyanyé cuɔ kɔ́ri wè nɛ̀ nyɔ́gɔ saʔa nī gè á pe 'wi kpúu wè, pe 'puu nɛ wi míʔɛ yeri gè Zimiri. Wi yé puu Salu jaa, wire ŋáà wi 'puu tuufɔli kpáa káà kàfɔli, Simɛyɔ saʔa tùlugo nī gè.

Tɔ́rilɔ 25:4

A Yewe 'ki juu Misa mɛ́ nɛ́ jo: «-Nàguɔlɔ cò bèle, bàli pe 'siɛnnɛ yiʔɛ kíni gè kapiile náà nī lè. Ma pe súbulo ma nɔrigi tiiye nɛ̄ yè, cɛngɛ nɛ̄ gè, Yewe yiʔɛ mɛ́ gè, kire ga buu Yewe funyɛrigɛ ki 'tìgi Isirayɛli siɛnnɛ kúrugu bèle.»

Tɔ́rilɔ 30:1

A Misa 'fali nɛ̀ ki juu Isirayɛli siɛnnɛ mɛ́ bèle dàa ti mìɛni Yewe yé juu nɛ̀ gbɛ̀ngɛ wi mɛ́ dè.

Tɔ́rilɔ 4:34

A Misa nɛ́ Arawɔn nɛ́ Isirayɛli tògo siɛnnɛ pe kàfɔlilɔ ní bèle, a pe 'Keyatiyé tɔ́ri bèle narigɛ ó narigɛ nī, nɛ́ pe tobilo kpáaya ní yè,

Tɔ́rilɔ 7:2

A Isirayɛli siɛnnɛ pe kàfɔlilɔ bèle, bàli pe 'puu pe tobilo kpáaya yi kàfɔlilɔ bèle nɛ́ pe saaya tùluyo nyùgo nɛ̄ gè, bàli pe yé pe sáʔa a pe 'tɔ́rilɔ kpíʔile lè,

Fànʔa Kajuʔulo 1:15

«Kire nɛ̄ a mi 'siɛnsicilile bálì líɛ bèle, bàli ní siɛnnɛ pe 'tɔ́ri bèle, a yeli 'pe nyíɛnɛ nɛ̀ kɔ̀n yeli saaya tùluyo nī yè, a mi 'pe tɛ́ngɛ yeli nyùyɔ nɛ̄ yè, siɛnnɛ sirakogunɔ (1 000) kàfɔlilɔ, siɛnnɛ dabataan (100) kàfɔlilɔ, siɛnnɛ togosiin nɛ́ kpɔrigɔ kàfɔlilɔ, nɛ́ siɛnnɛ kiɛ kàfɔlilɔ, nɛ́ míɛni saaya tùluyo yiɛgininɛ pálì piyeyɛ ní.