Tɔ́rilɔ 1:19 - Sénoufo Nyarafolo

¹⁹ A pe 'pe sɔ́migɔ nɛ̀ pe tɔ́ri baa Sinayii waama kùlo nī lè, nɛ̀ yɛli nɛ́ gàa ní Yewe yé juu nɛ̀ gbɛ̀ngɛ Misa mɛ́ wè.

Tɔ́rilɔ 1:19 Iomraidhean Croise

Yirile 40:16

A Misa 'ki kpíʔile dàa ti mìɛni Yewe yé juu nɛ̀ gbɛ̀ngɛ wi mɛ́ dè. Bɛ̀ ki 'puu a wi 'ti mìɛni kpíʔile.

Yirile 40:32

Bà pe 'puu nɛ pìye jíri lɛ̀lɛ ó lɛ̀lɛ a pe yé je jíin Kpàlidiʔɛ Kpátaʔa nī gè, kire ga laa a pe yé je sìʔɛrɛ kpɔni Yewe gbùʔɔrɔdiʔɛ yafanʔa nɛ̄ gè, nɛ̀ yɛli nɛ́ gàa ní Yewe cé juu nɛ̀ gbɛ̀ngɛ Misa mɛ́ wè.

Tɔ́rilɔ 1:2

A wi 'wi yɛ: «Muɔ nɛ́ Arawɔn, yeli bé nàguɔlɔ pe mìɛni tɔ́ri, nàguɔ ó nàguɔ wi 'yiʔɛlɛ togo taa nɛ́ ŋàa wi 'kàa taʔa wè, bàli bīɛlɛ Isirayɛliyé nī bèle pe bé gbɛ̀ kɛ́ kapiɛnnɛ mɛ́ lè, baa pe kapiɛngbuɔn tòyo nī yè. Yeli 'yɛli bè nàguɔlɔ pe mìɛni nigbe nigbe nyuɔ cɛ́n pe míɛyɛ nɛ̄ yè, nɛ̀ yɛli nɛ́ pe nariyɛ ní yè nɛ́ pe tuufɔlilɔ kpáaya ní yè.

Tɔ́rilɔ 1:54

A Isirayɛli siɛnnɛ pe 'ti mìɛni kúɔ nɛ̀ yɛli nɛ́ gàa ní Yewe cé juu nɛ̀ gbɛ̀ngɛ Misa mɛ́ wè. Kire gī gàa pe 'kpíʔile gè.

Tɔ́rilɔ 2:34

A Isirayɛli siɛnnɛ pe 'ti sɔ́migɔ nɛ̀ kpíʔile nɛ̀ yɛli nɛ́ dàa ní Yewe cé juu nɛ̀ gbɛ̀ngɛ Misa mɛ́ wè. Pe 'puu nɛ pe bùguro kpúɔn dè pe káfalilɛ láara bèle, níɛ yɛ̀gí nɛ waa taʔalimɛ taʔalimɛ pìye kúrugu nɛ̀ yɛli nɛ́ pe nariyɛ nɛ́ pe tobilo kpáaya kɛnmɛ ní bè.

Tɔ́rilɔ 26:63

Bàli bīɛlɛ Isirayɛli siɛnnɛ bèle bàli Misa nɛ́ kacuɔnriwɔ Eleyazari yé tɔ́ri baa Mowabi waama kùlo kpàanjali nɛ̄ wè, cɛngɛnyɛnifoligɔli mɛ́ gè Zurudɛn cáʔa táanni gè, Zeriko kàʔa yiʔɛ mɛ́ gè.

Tɔ́rilɔ 3:51

A Misa 'pe fùgu suɔ wali kɛn wè Arawɔn nɛ́ wi jaala mɛ́ bèle, nɛ̀ yɛli nɛ́ dàa ní Yewe yé juu nɛ̀ gbɛ̀ngɛ wi mɛ́ wè.