Tɔ́rilɔ 1:16 - Sénoufo Nyarafolo

¹⁶ Bàli bèle, peli yē nàguɔlɔ bálì pe 'nyíɛnɛ nɛ̀ kɔ̀n Isirayɛli tògo siɛnnɛ nī bèle. Peli pe yé puu pe saaya tùluyo kàfɔlilɔ bèle; pe 'puu míɛni Isirayɛli kapiɛngbuɔn tòyo nyùyɔ nɛ̄ yè.

Tɔ́rilɔ 1:16 Iomraidhean Croise

Yirile 18:21

«Muɔ wè, ma siɛnnɛ pálì nyíɛnɛ ma kɔ̀n pe sunʔɔmɔ nī: bàli bīɛlɛ ŋɔri ní dè nɛ́ kaala cɛ́n wè, níɛ fìʔɛ́ Kulocɛliɛ nɛ̄ wè, nɛ́ siɛn gbɛ̀ tɛ́ngɛ pe nɛ̄ wè, nɛ́ bàli bīɛlɛ núʔɔrɔ kele kiyè pe dɛ́ni bèleʔ, ma pe tɛ́ngɛ siɛnnɛ yiʔɛ mɛ́ gè, wàa puu siɛnnɛ sirakogunɔ (1 000) kàfɔli, wàa sí puu siɛnnɛ dabataan (100) kàfɔli, wàa puu siɛnnɛ togosiin nɛ́ kpɔrigɔ kàfɔli, wàa sí puu siɛnnɛ kiɛ kàfɔli.

Yirile 18:25

A Misa 'nàguɔlɔ pálì nyíɛnɛ nɛ̀ kɔ̀n Isirayɛli siɛnnɛ nī bèle, bàli bīɛlɛ pe 'puu ŋɔri ní dè nɛ́ kaala cɛ́n wè. A wi 'pe tɛ́ngɛ siɛnnɛ pe mìɛni nyùgo nɛ̄, wàa ní siɛnnɛ sirakogunɔ (1 000) kàfɔli; ŋìi ní wè siɛnnɛ dabataan (100) kàfɔli; wàa sí ní siɛnnɛ togosiin nɛ́ kpɔrigɔ kàfɔli; wàa ní siɛnnɛ kiɛ kàfɔli.

Tɔ́rilɔ 1:15

nɛ́ Nafitali wuulo nī bèle Akira, Ɛnan jaa wè.»

Tɔ́rilɔ 1:17

A Misa nɛ́ Arawɔn pe 'nàguɔlɔ bálì fàri bèle pìye nɛ̄, bàli Yewe yé nyíɛnɛ nɛ̀ kɔ̀n pe míɛyɛ nɛ̄ yè.

Tɔ́rilɔ 1:4

«Saʔa tùlugo ó saʔa tùlugo nī, yeli bé nàguɔlɔ pálì nyíɛnɛ gɔ̀n bè fàri yìye nɛ̄, nàguɔ ó nàguɔ ŋáà wi yē wi tobilo kpáaya yi kàfɔli wè.

Tɔ́rilɔ 10:4

«A ki sí nyaa kàkpanʔa nigbe pe 'wíi gè, Isirayɛli siɛnnɛ sirakogunɔ kàfɔlilɔ peli bīɛlɛ pe 'yɛli pe- pa gbuʔulo muɔ táanni.

Tɔ́rilɔ 11:17

Bà m'bé tìgi bè pa juu nɛ́ muɔ ní bé sí kàa yige Kulocɛliɛ Pìle nī lè muɔ nī, bè kɛn pe mɛ́, kire ga buu pe- gbɛ̀ siɛnnɛ pe tugoro tugo dè nɛ́ muɔ ní. Kire bé ki yaʔa muɔ sì ní ti tugo muɔ nigbeʔ.

Tɔ́rilɔ 16:2

a pe 'cíi Misa nɛ̄ wè, nɛ́ siɛnnɛ sirakeli togosiin nɛ́ kpɔrigɔ (250) kɔ́ri nɛ̀ fàri pìye nɛ̄. Peli bálì pe 'puu Isirayɛli tògo kàfɔlilɔ bèle, nɛ́ ní yiɛgininɛ bèle nɛ́ ní míɛkpoliyo ní yè.

Tɔ́rilɔ 26:9

Ɛliyabi jaala peli pe 'puu bàli bèle: Nɛmuwɛli, nɛ́ Datan, nɛ́ Abirami. Kire Datan ŋáà wè nɛ́ Abirami ní wè, peli pe yé puu Isirayɛli tògo yiɛgininɛ pálì bàli pe 'cíi Misa nɛ́ Arawɔn nɛ̄ wè, nɛ́ pìye fàri Kore gboli nɛ̄ lè lɛ̀lɛ líì nī pe 'cíi Yewe nɛ̄ wè.

Tɔ́rilɔ 30:1

A Misa 'fali nɛ̀ ki juu Isirayɛli siɛnnɛ mɛ́ bèle dàa ti mìɛni Yewe yé juu nɛ̀ gbɛ̀ngɛ wi mɛ́ dè.

Tɔ́rilɔ 7:2

A Isirayɛli siɛnnɛ pe kàfɔlilɔ bèle, bàli pe 'puu pe tobilo kpáaya yi kàfɔlilɔ bèle nɛ́ pe saaya tùluyo nyùgo nɛ̄ gè, bàli pe yé pe sáʔa a pe 'tɔ́rilɔ kpíʔile lè,

Fànʔa Kajuʔulo 1:15

«Kire nɛ̄ a mi 'siɛnsicilile bálì líɛ bèle, bàli ní siɛnnɛ pe 'tɔ́ri bèle, a yeli 'pe nyíɛnɛ nɛ̀ kɔ̀n yeli saaya tùluyo nī yè, a mi 'pe tɛ́ngɛ yeli nyùyɔ nɛ̄ yè, siɛnnɛ sirakogunɔ (1 000) kàfɔlilɔ, siɛnnɛ dabataan (100) kàfɔlilɔ, siɛnnɛ togosiin nɛ́ kpɔrigɔ kàfɔlilɔ, nɛ́ siɛnnɛ kiɛ kàfɔlilɔ, nɛ́ míɛni saaya tùluyo yiɛgininɛ pálì piyeyɛ ní.