Tɔ́rilɔ 1:1 - Sénoufo Nyarafolo

¹ Yiɛlɛ nigbe tórilo kàduʔumɛ gè, bà pe yé yiri Ezipiti kùlo nī lè, yiɛziinwoli ni yeye siinwuʔu nɛ̄ gè ki cɛnbelige nɛ̄ gè, a Yewe 'juu nɛ́ Misa ní wè baa Kpàlidiʔɛ Kpátaʔa nī gè, Sinayii waama kùlo nī lè.

Tɔ́rilɔ 1:1 Iomraidhean Croise

Yirile 19:1

Yeye taanriwuʔu nɛ̄ gè Isirayɛli siɛnnɛ pe yirile kàduʔumɛ gè Ezipiti kùlo nī lè, ki cɛnnugo gè, a Isirayɛli siɛnnɛ pe sɛ́nì nɔ̀ Sinayii waama kùlo nɛ̄ lè.

Yirile 19:2

Bà pe yé yiri Erefidimi tiʔɛ nī gè, a Isirayɛli siɛnnɛ pe sɛ́nì jíin Sinayii waama kùlo nī lè, nɛ̀ sɛ́nì bùguro kpúɔn dè waama kùlo nī lè nyagurugo táanni gè.

Yirile 25:22

Kire tiʔɛ kire nī m'béri muɔ kpàlí, kàsulugo suɔdiʔɛ ki naamɛ gè, seribɛnnɛ siin sunʔɔmɔ nī bè, bàli bīɛlɛ nyakungɛngɛ finʔɛgɛ nɛ̄ gè. Kire tiʔɛ nī míɛni m'béri mi tunduro nyu dè de kanʔa Isirayɛli siɛnnɛ mɛ́ bèle.»

Yirile 40:17

Bà ki 'kpíʔile, yebelige ki cɛnbelige nɛ̄ gè, yiɛlɛ nigbe tórilo kàduʔumɛ gè bà pe yé yiri Ezipiti kùlo nī lè, a Misa 'Kulocɛliɛ Kòridiʔɛ kpíʔile gè nɛ̀ yérige céwu.

Yirile 40:2

«Yebelige ki cɛnbelige nɛ̄ gè, muɔ 'yɛli bè mi Kòridiʔɛ cɔ́ri gè bè yérige, kire gáà gī mi Kpàlidiʔɛ Kpátaʔa gè.

Leviiyé 1:1

Bè Yewe yaʔa wè baa Kpàlidiʔɛ Kpátaʔa nī gè, a wi 'Misa yeri wè nɛ́ jo:

Leviiyé 27:34

Kele gálì keli yē tunduro dáà Yewe 'juu nɛ̀ gbɛ̀ngɛ Misa mɛ́ wè, Sinayii nyagurugo nɛ̄ gè, wi- ti juu Isirayɛli siɛnnɛ mɛ́ bèle.

Tɔ́rilɔ 1:18

Kire cɛnbelige nɛ̄ gè, yeye siinwuʔu nɛ̄ gè, a pe 'Isirayɛli tògo siɛnnɛ pe mìɛni yeri bèle nɛ̀ gbuʔulo nɛ̀ yɛli nɛ́ pe nariyɛ ní yè nɛ́ pe tobilo kpáaya ní yè. A pe 'nàguɔlɔ pe mìɛni nigbe nigbe míɛyɛ sɛbɛ yè, nàguɔ ó nàguɔ ŋáà wī yiʔɛlɛ togo taa nɛ́ ŋàa wi 'kàa taʔa wè.

Tɔ́rilɔ 12:4

A Yewe 'fali nɛ̀ pɛ́nì juu nɛ́ Misa nɛ́ Arawɔn nɛ́ Miriyami ní, nɛ́ jo: «Yeri mi kpàlí baa, yeli taanri bèle, Kpàlidiʔɛ Kpátaʔa mɛ́ gè.» A pe 'fali nɛ̀ kɛ́.

Tɔ́rilɔ 9:1

Yiɛlɛ nigbe tórilo kàduʔumɛ gè bà pe yé yiri Ezipiti kùlo nī lè, yiɛziinwoli ni yebelige nɛ̄ gè bè pe 'yaʔa baa Sinayii waama kùlo nī lè, a Yewe ń'nɛ̀ ki juu Misa mɛ́ nɛ́ jo:

Fànʔa Kajuʔulo 1:3

Nɛ̀ ki yaʔa yiʔɛlɛ togosiin yé kúɔ lɛ̀lɛ líì nī pe 'yiri Ezipiti kùlo nī lè. Ki yé buu yeye kiɛ nɛ́ nigbewuʔu ki cɛnbelige nɛ̄ gè, siɛnrɛ dáà ti mìɛni Yewe yé juu nɛ̀ gbɛ̀ngɛ Misa mɛ́ wè Isirayɛli siɛnnɛ wori nɛ̄ dè, a Misa wi 'ti juu pe mɛ́.

Fànʔa Kajuʔulo 2:14

Nɛ̀ ki líɛ Kadɛsi Barinɛya kàʔa nɛ̄ gè fúɔ nɛ̀ sɛ́nì Zɛrɛdi kápaligɛ jeli gè, weli tánʔana mɔgɔgɛnmɛ bè, pi mìɛni 'puu yiʔɛlɛ togo nɛ́ kpɔrigɔ nɛ́ kataanri. Kire yé kpíʔile kire ga buu kapiɛngbuɔn kɛ̀nnɛ náà siɛnnɛ bèle pe- mìɛni kùu bè yiri bùguro nī dè, majo bɛ̀ Yewe cé ki kàli nɛ̀ kɛn pe mɛ́ wè.

Fànʔa Kajuʔulo 2:7

Nɛ́ ki cɛ́n, mi Yewe wè, muɔ Kulocɛliɛ wè, mi nyɛ́nì diba taʔa wè muɔ nɛ̄ muɔ baara ti mìɛni nī. Mi nyɛ́nì ki cɛ́n gàa ki mìɛni ki 'kpíʔile muɔ tánʔana nī lè waama kùlo tiɛkpuʔɔ nī gè. Ki yiʔɛlɛ togosiin wī ŋàa wè, Yewe yeli Kulocɛliɛ wi yē nɛ́ muɔ ní: yafiɛn sì muɔ laaʔ.›