Luku 9:5 - Sénoufo Nyarafolo

⁵ Tiʔɛ ó tiʔɛ nī piyè yeli tìrige wèʔ, a ye kɛ́nì yiri ki kàʔa nī gè níɛ waa wè, ye- yeli tɔliyɔ cúbugo cúru gè ye wo baa ki tiʔɛ nī gè. Kire ki bé puu pe mɛ́ fìɛ wè bè pe sɔ̀mi wè.»

Luku 9:5 Iomraidhean Croise

Matiye 10:18

Nɛ̀ pínɛ pe béri yeli yeri kùlofɔlilɔ kpáaya mɛ́ nɛ́ fànʔafɔlilɔ tiɛyɛ nī, mi míʔɛ kire kɛnmɛ nɛ̄ bè. Kire bé kpíʔile kaala, yeli bé puu mi wori ti juufɔlilɔ pe yiʔɛ mɛ́ gè nɛ́ kùlogolo kálì siɛnnɛ mɛ́ bèle.

Mariki 6:11

Nɛ̀ pínɛ a yeli 'kɛ́ tiʔɛ ó tiʔɛ nī, a siɛn sì yeli tìrigeʔ, nɛ̀ pínɛ a pe 'cíi piyè lúʔu yeli siɛnrɛ nɛ̄ dèʔ, a ye kɛ́ni waa wè, ye- yeli yedaʔala cúbugo cúru gè ye wo baa ki tiʔɛ nī gè. Kire ki bé puu pe mɛ́ fìɛ wè bè pe sɔ̀mi wè.»

Mariki 9:37

«A siɛn ŋíì 'pùɔ ŋáà wi wàa cò cɛ̀ngɛ mi míʔɛ kire kɛnmɛ nɛ̄ bè, mi siɛn wi 'cò cɛ̀ngɛ. A ŋìi sí mi cò cɛ̀ngɛ wè, m'bɛ̀ʔ siɛn wi 'cò cɛ̀ngɛʔ, ki 'nyaa Ŋàa wi 'mi tun wè wire siɛn wi 'cò cɛ̀ngɛ.»

Luku 10:16

«A siɛn ŋíì 'yeli siɛnrɛ lúʔu dè, mi siɛnrɛ wi 'lúʔu; a ŋìi sí yeli wáa wè, mi wi 'wáa. A siɛn ŋíì sí mi wáa wè, Kulocɛliɛ ŋáà wi 'mi tun wè, wire siɛn wi 'wáa nɛ̀ pínɛ.»

Luku 5:14

A Zezi wi 'ki juu nɛ̀ gbɛ̀ngɛ wi mɛ́ nɛ́ wi yɛ: «Fǎga tíi bé ti juu siɛn mɛ́ʔ. Te waa ma sa mìɛ tìɛ Kulocɛliɛ Gbùʔɔrɔsaʔa kacuɔnriwɔ wire nɛ̄, má sí muɔ cìilimɛ yakɔnrɔ kɔ̀n dè, dàa Misa cé tìɛ dè, kire ki bé puu fìɛ wè pe mìɛni mɛ́ bèle, bè ki tìɛ muɔ nyɛ́nì puʔɔ.»

Luku 9:4

A ki 'nyaa yeli sɛ́nì tìrige saʔa ó saʔa nī, ye- kò baa kire tiʔɛ nī gè fúɔ bè taa yeli ga pa yiri baa.

Luku 9:48

nɛ́ pe yɛ: «A siɛn ŋíì 'pùɔ ŋáà cò wè cɛ̀ngɛ mi kɛnmɛ nɛ̄ bè, mi siɛn wi 'cò cɛ̀ngɛ. A siɛn ŋíì sí mi cò cɛ̀ngɛ wè, ŋàa wi 'mi tun wè, wire siɛn wi 'cò cɛ̀ngɛ. Bè ki juu kányiʔɛ nɛ̄ gè, ŋìi wi 'wìi cɛ́rigɛ ye mìɛni nī bèle, wire wī kpuɔwɔ wè.»

Kakpiʔiligele 13:51

Bà pe waa bèle a pe sí pe yedaʔala cúbugo cúru gè nɛ̀ wáa baa pe nɛ̄, nɛ́ yiri nɛ̀ kɛ́ Ikonɔmi kàʔa mɛ́.

Kakpiʔiligele 18:6

Nɛ̀ sí ki taa bà Zuufulo pe cé cíi Pɔli siɛnrɛ nɛ̄ dè, nɛ́ yɛ̀ nɛ wi teri wè, a wi 'wi bururo yàʔara dè nɛ̀ wáa baa pe nɛ̄ nɛ́ pe yɛ: «Sɛnrɛ ti 'kò yeli nyùgo wori; mi wè, mi nyɛ́nì mi liɛlɛ kúɔ lè nɛ̀ láʔa yeli kɔli mɛ́ gè. Bɛ̀ ki yē ŋɔ̀ wè, mi nɛ waa kùlogolo kálì siɛnnɛ kúrugu wī nɛ́ Kataanna Siɛnrɛ ní dè.»