Luku 9:2 - Sénoufo Nyarafolo

² Nɛ̀ pe tun pe sari Kulocɛliɛ Kùlofɔligɔ ki wori jáari dè bé sí de yaala pori bèle.

Luku 9:2 Iomraidhean Croise

Matiye 10:5

Pìtɛnmɛnɛ kiɛ nɛ́ siin bálì peli Zezi wi cé tun nɛ́ ti juu nɛ̀ gbɛ̀ngɛ pe nɛ̄ nɛ́ pe yɛ: «Ye fǎga kɛ́ kùlogolo kálì siɛnnɛ kúruguʔ, nɛ̀ pínɛ ye fǎga jíin Samarii tɛ́nimɛ wuulo kàʔa káà fáala nīʔ.

Matiye 13:19

Siɛn ó siɛn wi 'Nyìʔɛnɛ Kùlofɔligɔ siɛnrɛ lúʔu dè nɛ́ kò wiì ti kɔri cɛ́n wèʔ, Sìpiiwe wi nɛ̂ pɛn nɛ̀ pɛ́nì yatanʔara kɔ̀n dè siɛn wi fungo nī gè; bɛ̀ ki yē majo yatanʔara dáà pe 'tánʔa koligo táanni gè.

Matiye 24:14

Nɛ̀ pínɛ Kùlofɔligɔ ki Kataanna Siɛnrɛ dáà ti bé jáari bè tóri duniya tiɛrɛ ti mìɛni nī, ki- puu kacɛ́nnɛ kùlogolo ke mìɛni mɛ́ gèle; píra ŋáà nī wè, dí duniya kúɔ lɛ̀lɛ ni sí nɔ̀.»

Matiye 3:2

Wi 'puu nɛ ki nyu nɛ́ jo: «Ye- yiʔɛ yeli funyɔ nī yè, nɛ̀ taʔa gíi nɛ̄, Nyìʔɛnɛ Kùlofɔligɔ ki 'sìʔɛrɛ nɛ̀ kpɔni we nɛ̄.»

Mariki 16:15

A wi 'fali nɛ̀ ní nɛ̀ pe yɛ: «Yeri waa duniya tiɛrɛ ti mìɛni nī, ye sari Kataanna Siɛnrɛ jáari dè siɛnnɛ pe mìɛni mɛ́.

Mariki 6:12

A pìtɛnmɛnɛ pe 'kɛ́ nɛ̀ sɛ́ni Kulocɛliɛ siɛnrɛ jáari dè nɛ mári siɛnnɛ mɛ́ bèle, níɛ ki nyu nɛ́ jo ki 'yɛli pe- pe funyɔ yiʔɛ yè, pé tɛ́ngɛ Kulocɛliɛ nɛ̄.

Luku 10:1

Bà tire 'tóri dè, a Kàfɔli wi 'pìtɛnmɛnɛ pálì togotaanri nɛ́ kpɔrigɔ nɛ́ siin tun, nɛ̀ pe tórigo siɛnnɛ siin siin wìi yiʔɛ mɛ́ gè, kàʔa ó kàʔa nɛ́ tiʔɛ ó tiʔɛ nī wire yé je ga sa tóri wè,

Luku 10:11

‹Yeli kàʔa cúbugo gáà tíimɛ ki 'tári weli tɔliyɔ nɛ̄ yè, weli ki 'cúru nɛ̀ wáa yeli kúrugu. Ye- sí ki cɛ́n, Kulocɛliɛ Kùlofɔligɔ ki 'sìʔɛrɛ nɛ̀ kpɔni yeli nɛ̄.›

Luku 10:9

A yaala yē baa ye- pe puʔɔ, yé sí pe yɛ: ‹Kulocɛliɛ Kùlofɔligɔ ki 'sìʔɛrɛ nɛ̀ kpɔni yeli nɛ̄.›

Luku 16:16

«Misa Fànʔa Siɛnrɛ dè, nɛ́ Kulocɛliɛ siɛnjuulo pe sɛbɛlɛ ní bèle, ti 'puu bile fúɔ nɛ̀ pɛ́nì nɔ̀ Zan lɛ̀lɛ nī lè. Nɛ̀ láʔa kire lɛ̀lɛ nɛ̄ lè, Kulocɛliɛ Kùlofɔligɔ ki Kataanna Siɛnrɛ tiī nɛ jáari; siɛn ó siɛn sí nɛ wìi ŋàʔaná bè jíin baa.

Luku 9:11

Bà siɛnnɛ pe kɛ́nì ki cɛ́n wi 'kɛ́ wè, a pe 'líɛ nɛ̀ kɛ́ wi kúrugu baa. A Zezi wi sɛ́nì pe kpàli; wi 'puu nɛ Kulocɛliɛ Kùlofɔligɔ wori nyu dè pe mɛ́. Siɛnnɛ bílì pe 'puu yaala níɛ ki caa bè puʔɔ wè, a wi 'pe puʔɔ.