Luku 9:11 - Sénoufo Nyarafolo

¹¹ Bà siɛnnɛ pe kɛ́nì ki cɛ́n wi 'kɛ́ wè, a pe 'líɛ nɛ̀ kɛ́ wi kúrugu baa. A Zezi wi sɛ́nì pe kpàli; wi 'puu nɛ Kulocɛliɛ Kùlofɔligɔ wori nyu dè pe mɛ́. Siɛnnɛ bílì pe 'puu yaala níɛ ki caa bè puʔɔ wè, a wi 'pe puʔɔ.

Luku 9:11 Iomraidhean Croise

Matiye 12:15

A Zezi wi sí ki cɛ́n gàa pe sɔ̀ngí nɛ́ wire ní wè, a wi 'yiri baa kire tiʔɛ nī gè, a siɛnnɛ 'taʔa wi kúrugu nìʔɛbɛlɛ, a wi 'pe mìɛni puʔɔ,

Matiye 14:14

Bà Zezi sɛ́nì yiri kɔ́ri nī gè, nɛ̀ siɛnniʔɛmɛ nyaa bè; a pe nyinimɛ 'jíin wi nī kpuʔɔ. A wi 'pe yaala puʔɔ bèle nɛ̀ pe kɛn.

Matiye 21:31

«Pìile bálì pe siin nī bèle, ŋíi wi 'wi tuu nyɛ́ni kaala kpíʔile lè ?» A pe 'jo: «Péliwe wire wī.» A Zezi wi 'pe yɛ: «M'bé ki juu yeli mɛ́ kányiʔɛ nɛ̄, lanbosuɔlɔ nɛ́ nàjaacɛlilɛ pe bága yeli yiʔɛ caanri Kulocɛliɛ Kùlofɔligɔ nī gè.

Matiye 21:43

«Kire nɛ̄, m'bé ki juu yeli mɛ́, Kulocɛliɛ Kùlofɔligɔ ki bága suɔ yeli mɛ́ bè kɛn kùlo láà wuulo mɛ́, peli béri ki yasɛnrɛ sɛngi dè.

Luku 1:53

Bìli nɛ̄ fungo 'tuu bèle, a wi 'pe kɛn nɛ́ yacɛ̀nrɛ ní nɛ̀ pe funyɔ nyígi yè, nɛ́ sí lɔrifɔlilɔ cìra bèle nɛ̀ tórigo kawaaya.

Luku 5:31

A Zezi wi 'siɛnnugoro kɛn dè pe mɛ́ nɛ́ pe yɛ: «Siɛnwiile wè dùʔɔtɔriwɔ caaʔ; yaala pe sî nɛ wi caa.

Luku 8:1

Kire kàduʔumɛ gè a Zezi wi 'líɛ nɛ nyaari nɛ tòrí kàaya nī yè nɛ́ vòyo nī yè, nɛ siɛnnɛ tɛnmɛ bèle níɛ Kulocɛliɛ Kùlofɔligɔ Kataanna Siɛnrɛ jáari dè. Pìtɛnmɛnɛ kiɛ nɛ́ siin pe 'puu nɛ́ wi ní.

Luku 8:10

A wi 'siɛnnugoro kɛn dè pe mɛ́ nɛ́ pe yɛ: «Kulocɛliɛ Kùlofɔligɔ ki kalarigɛlɛ ke 'kɛn yeli mɛ́ yè ke cɛ́n. Siɛnsɛnminɛ mɛ́ bèle ti nɛ̂ puu kàsiʔile tíɛlɛ: Peri wéli, pé fǎga sí de nyaʔaʔ. Peri lúru, pé fǎga sí de siɛnrɛ ti kɔri cɛ́ngi wèʔ .»

Luku 9:10

Pìtɛnmɛnɛ bílì Zezi wi cé tun bèle, bà pe kɛ́nì kɔ́n baa nɛ̀ pɛn bèle, a pe pɛ́nì pe baara ti yiʔɛ juu nɛ̀ tìɛ Zezi nɛ̄ wè, gìi peli sɛ́nì kpíʔile gè. A Zezi wi 'pe kɔ́ri nɛ̀ yiri larigɛ nī, a pe 'kɛ́ kàʔa káà táanni, pe ki yeri Bɛtisayida.

Luku 9:12

Bà cɛngɛ ki kɛ́ni kúu gè, a pìtɛnmɛnɛ kiɛ nɛ́ siin pe sɛ́nì juu nɛ́ Zezi ní wè, nɛ́ wi yɛ wi- siɛnnɛ yaʔa bèle peri waa vòyo mɛ́ yè, nɛ́ vòbiire dáà ti 'pe màʔa nɛ̀ suʔu dè, pe sa yaliire caa pe- lìi, pe sí súɔndiɛyɛ caa, á kire 'laa wè tiʔɛ gáà nī pe yē gè, kiī tiɛwaʔa.

Luku 9:2

Nɛ̀ pe tun pe sari Kulocɛliɛ Kùlofɔligɔ ki wori jáari dè bé sí de yaala pori bèle.

Zezi Kirisi Kataanna Siɛnrɛ dè Zan juumɔ nɛ̄ bè 4:34

A Zezi wi 'pe yɛ: «Mi yaliire tire yē ŋàa wi 'mi tun wè, mi- wi nyɛ́ni kaala kpíʔile lè, bé sí wi baara kúɔ de bè láʔa.

Zezi Kirisi Kataanna Siɛnrɛ dè Zan juumɔ nɛ̄ bè 6:37

«A Tuufɔli wi sí siɛn ó siɛn kɛn m'mɛ́ wè, ki siɛn wi bága pɛn mi kúrugu; a siɛn ŋíì sí pɛn mi kúrugu wè, miǐ ga tíi bé cíi ki siɛn nɛ̄ wèʔ.

Kakpiʔiligele 28:31

Wi 'puu nɛ Kulocɛliɛ Kùlofɔligɔ wori nyu dè nɛ mári, níɛ siɛnnɛ tɛnmɛ bèle Kàfɔli Zezi Kirisi koligo nɛ̄ gè nɛ́ tɛ́ngɛlɛ ní. Wiì puu nɛ fìʔɛ́ yafiɛn nɛ̄ʔ.

Wurɔmiyé 10:14

A piyè sí tɛ́ngɛ wi nɛ̄ wèʔ, mɛni pe bé gbɛ̀ wi yeri bè síɛ ? Nɛ̀ pínɛ, a piyè wi wori lúʔu dèʔ, mɛni pe bé gbɛ̀ tɛ́ngɛ wi nɛ̄ bè síɛ ? Mɛni sí wi wori ti bé gbɛ̀ lúʔu, a siɛn sì ti jáari wè ?

Wurɔmiyé 10:17

Nɛ̀ sí ki taa gìi siɛn sî lúʔu gè, kire ki báan nɛ́ tɛ́ngɛlɛ ní lè; gìi siɛn sî lúʔu gè, kire 'nyaa Kirisi wori dè.

Wurɔmiyé 15:3

Nɛ̀ taʔa gíi nɛ̄, Kirisi wiì puu nɛ wi nyɛ́ni kaala caaʔ. Fúɔ macɛn gìi Kulocɛliɛ siɛnsɛbɛrɛ ti 'juu dè, ti 'jo: Bìli pe muɔ teri bèle, pe tiʔɛligɛlɛ kiyē nɛ nɔ̀gí mi nɛ̄.

Timote 2 4:2

mari Kulocɛliɛ siɛnrɛ jáari dè nɛ́ lèbaanna ní. Mari ti nyu de gbɛ̀ngí de tìí pe nɛ̄ làjɛnnɛ nī lè nɛ́ làbiile ní lè. Mari pe kolimɔ nyu bè pe nɛ̄, mari lèbaanna nyɔ́gi pe nī. Mari ki kpínʔini nɛ́ funnyige ní muɔ tɛnmɛnɛ ni mìɛni nī lè.

Eburulo 4:16

Kire nɛ̄ weri sìʔɛrɛ́ weri kpɔni Kulocɛliɛ kùlofɔligɔ kácunʔɔ nɛ̄ gè nɛ́ nàzorido ní; kire tiʔɛ nī weli bé nyinimɛ nɛ́ kpuʔɔrɔ taa ti- weli sáʔa lɛ̀lɛ líì nī weli màakuu yē ti nɛ̄ dè.