Luku 9:1 - Sénoufo Nyarafolo

¹ A Zezi wi 'wi pìtɛnmɛnɛ kiɛ nɛ́ siin yeri bèle, nɛ̀ fànʔa nɛ́ ŋɔri kɛn pe mɛ́ pe- jáa gbòdolilo pe mìɛni nɛ̄ bèle, nɛ́ bèri jàʔá de yaama feliye yi mìɛni pori bè de pínɛ.

Luku 9:1 Iomraidhean Croise

Matiye 16:19

M'bága Nyìʔɛnɛ Kùlofɔligɔ ki kɔ̀rikanʔana kɛn gèle muɔ mɛ́. A muɔ 'yɛgɛ ó yɛgɛ puɔ náʔa dàala nɛ̄ lè, ki bé puɔ bè pínɛ nyìʔɛnɛ nī lè; a muɔ sí yɛgɛ ó yɛgɛ sáʔa dàala nɛ̄ lè, ki bé sáʔa nyìʔɛnɛ nī lè.»

Matiye 4:24

A wi míʔɛ ki 'yiri Siirii kùlo ni mìɛni nī lè; a siɛnnɛ pe 'kò nɛ báan nɛ́ pe yaala feliye yi mìɛni ní wi kúrugu, nɛ̀ gbòdolilofɔlilɔ pínɛ bèle, nɛ́ tuulofɔlilɔ ní bèle, nɛ́ lolilo ní bèle; wi pe mìɛni pori.

Matiye 8:9

Ki 'nyaa mi ŋáà muɔ nɛ nyaʔa wè, mi yē pàli fànʔa láara wī, nɛ́ sí ní mi tíimɛ wè kapiɛngbuɔnnɔ pálì kàfɔli. A mi 'wàa yɛ: ‹Te waa›, wi nɛ̂ kɛ́. A mi sí ní nɛ̀ wàa yɛ: ‹Te báan náʔa›, wi nɛ̂ pɛn. A mi 'mi baakuɔwɔ wáà yɛ: ‹Te gàa kire kpínʔini›, kire wi nɛ̂ kpíʔile.»

Luku 10:1

Bà tire 'tóri dè, a Kàfɔli wi 'pìtɛnmɛnɛ pálì togotaanri nɛ́ kpɔrigɔ nɛ́ siin tun, nɛ̀ pe tórigo siɛnnɛ siin siin wìi yiʔɛ mɛ́ gè, kàʔa ó kàʔa nɛ́ tiʔɛ ó tiʔɛ nī wire yé je ga sa tóri wè,

Luku 10:19

«Ye- nyaa, mi nyɛ́nì fànʔa kɛn yeli mɛ́ yeri tánʔana de tòrí wɔ̀burɔ nɛ̄ dè nɛ́ náana ní bèle, nɛ́ leguuwo wi fànʔa ki feliye yi mìɛni yè, kire nɛ̄ yafiɛn sǐ gbɛ̀ yakaa kpíʔile yeli nɛ̄ʔ.

Zezi Kirisi Kataanna Siɛnrɛ dè Zan juumɔ nɛ̄ bè 14:12

«M'bé ti juu yeli mɛ́ kányiʔɛ nɛ̄, a siɛn ŋíì 'tɛ́ngɛ mi nɛ̄ wè, kele gálì mi nɛ kúu gèle, wi béri ke feligele kpínʔini gèle; wi wuʔulo ke bé cɛ kpólilo bè tóri, bɛ̀ ki 'nyaa mi nɛ waa Tuufɔli kúrugu wè.

Kakpiʔiligele 1:8

Gìi sí ki 'cɛ́n gè, fànʔa káà bága pɛn yeli mɛ́; Kulocɛliɛ Pìle ni bé tìgi yeli kúrugu, bà yeli bé puu mi wori ti juufɔlilɔ Zerizalɛmi kàʔa nī gè, nɛ́ Zude tɛ́nimɛ tiɛrɛ ti mìɛni ní dè, nɛ́ Samarii tɛ́nimɛ ní bè, fúɔ bè sa nɔ̀ duniya láʔagɛlɛ nɛ̄ gèle.»

Kakpiʔiligele 3:16

Tɛ́ngɛlɛ lire fànʔa nɛ̄ gè Zezi míʔɛ nɛ̄ gè, kire míʔɛ kire gī ki nyɛ́nì ŋɔri nyɔ́gɔ nàguɔ ŋáà nī wè a wi 'puʔɔ nɛ̀ paʔa; wire yeli nɛ nyaʔa ŋàa wè ye mìɛni bèle, yeli nyɛ́nì wi cɛ́n nɛ̀ pínɛ.

Kakpiʔiligele 4:30

Ma tí muɔ fànʔa ki- cɛ́n dí yaala de pori, fìɛlɛ nɛ́ kakpoliyo de kpínʔini muɔ tiɛlɛfun baakuɔwɔ wire míʔɛ ki fànʔa nɛ̄ gè, Zezi wè.»

Kakpiʔiligele 9:34

A Piɛri wi 'wi yɛ: «Ene, Zezi Kirisi wi bé muɔ puʔɔ. Yɛ̀ ma muɔ yasinɛgɛ líɛ gè.» A nàguɔ wi 'fali nɛ̀ yɛ̀ sɛni.