Luku 8:44 - Sénoufo Nyarafolo

⁴⁴ A wi 'sɛ́nì màʔa Zezi kàduʔu mɛ́ gè, nɛ̀ cò wi burugo nyuɔ nɛ̄ gè. A wi gbélige ki 'fali nɛ̀ yéri sɛni.

Luku 8:44 Iomraidhean Croise

Yirile 15:26

nɛ́ ki juu pe mɛ́ nɛ́ jo: «A ki yē yeli nɛ sɔ́migi nɛ lúru Yewe yeli Kulocɛliɛ mɛ́ wè, níɛ kasingele kpínʔini gèle wi yiʔɛ mɛ́ gè, a yeli nɛ líiye cáanri wi kajuudiʔɛlɛ mɛ́ gèle, a yeli nɛ lúru wi fànʔa kele ke mìɛni mɛ́ gèle, mi sǐ ga tíi yaama wáa yeli nɛ̄ʔ, bɛ̀ mi 'pi wáa Ezipiti siɛnnɛ nɛ̄ bèle. Nɛ́ ki cɛ́n mi yē Yewe, yeli gbarifɔli wè.»

Matiye 20:34

A pe nyinimɛ 'jíin Zezi nī wè, a wi 'kɔli taʔa pe nyapigele nɛ̄ gèle. Tiɛnugo nī gè, a pe 'fali nɛ nyaʔa sɛni, a pe 'líɛ nɛ̀ taʔa wi kúrugu.

Matiye 8:3

A Zezi wi 'kɔli sáʔa gè nɛ̀ ki taʔa wi nɛ̄, nɛ́ wi yɛ: «Mi 'fɔ̀li ki nɛ̄, puʔɔ ma cìile.» Tiɛnugo nī gè, a yaanyiɛmɛ pi 'fali nɛ̀ láʔa nàguɔ nɛ̄ wè a wi 'puʔɔ.

Matiye 9:20

A ki 'nyaa cɛliwɛ wáà 'puu baa nɛ́ cɛlilɛ gbélige ní, ki 'wi fùrɔ nɛ̀ taa yiʔɛlɛ kiɛ nɛ́ siin. A cɛliwɛ ŋáà wi 'màʔa Zezi kàduʔu mɛ́ gè, nɛ̀ sɛ́nì wi cò nɛ̀ taa burugo nyuɔ nɛ̄ gè.

Mariki 6:56

A kire 'fali nɛ̀ kò a Zezi cé gbɛ́nɛ̀ kɛ́ tiʔɛ ó tiʔɛ nī, gìi ki 'vòro tiɛyɛ kúɔ yè nɛ́ siiye ní yè, nɛ́ kàaya ní yè, siɛnnɛ pe nɛ̂ pe yaala tugo bèle nɛ̀ sɛ́nì tɛ́ngɛ dàliyɛ nɛ̄ yè, níɛ̀ nɛ wi fiɛn wi- tí yaala pe- cò daa wi burugo nyuɔ kire yákuɔ nɛ̄. Yaala bílì mìɛni sí pe 'puu nɛ cògí nɛ tari wi burugo nɛ̄ gè, pe nɛ̂ puʔɔ.

Luku 13:13

Nɛ́ fali nɛ̀ wi kɔli taʔa gè cɛliwɛ nɛ̄ wè. A wi 'fali nɛ̀ puʔɔ sɛni tiɛnugo nī gè, nɛ̀ yɛ̀ nɛ̀ yéri céwu. A wi 'yɛ̀ nɛ Kulocɛliɛ gbùʔɔrɔ́ wè.

Luku 7:38

nɛ̀ sɛ́nì jíin nɛ̀ yéri Zezi kàduʔu mɛ́ gè wi tɔliyɔ táanni yè. Nɛ̀ kɛ́nì tuu nɛ nyɛni nɛ yéturo ŋu dè Zezi tɔliyɔ nɛ̄ yè, níɛ wi nzìire tíʔi dè nɛ yi kurugi, níɛ yi suɔn kpuʔɔ, nɛ́ natukɔli tíʔɛ wè nɛ̀ yi tùugu.

Luku 8:43

Ki sí nyaa cɛliwɛ wáà 'puu baa, gbélige yaama 'puu wi nɛ̄, fúɔ nɛ̀ taa yiʔɛlɛ kiɛ nɛ́ siin. Wi cé wi wali wi mìɛni cúʔɔ wè wajaala tiɛyɛ nī, siɛn sì jáa nɛ̀ wi puʔɔʔ.

Luku 8:45

A Zezi wi 'jo: «Ŋáasiɛn wi 'cò nɛ̀ taa mi burugo nɛ̄ gè ?» A pe mìɛni 'jo peli sì cɛ́nʔ, a Piɛri 'jo: «Kàfɔli, bɛ̀ siɛnnɛ pe 'niʔɛ mmɛ gè, nɛ́ muɔ cɔ̀ri mmɛ gè o...»

Zezi Kirisi Kataanna Siɛnrɛ dè Zan juumɔ nɛ̄ bè 5:13

Nɛ̀ sí ki taa ŋàa wi cé puʔɔ wè, wiì cé ki siɛn cɛ́n wèʔ. Ki 'nyaa Zezi wi cé pùunni siɛnniʔɛmɛ sunʔɔmɔ nī bè, bàli pe 'puu baa bèle.

Kakpiʔiligele 19:12

A kire 'ki kɛn a cècuuro díì, á kire 'laa a fɛ̀ni ŋíì cé kurugo nɛ̀ taa Pɔli nɛ̄ wè, siɛnnɛ pe nɛ̂ cé ti líɛ nɛ̀ taʔa yaala nɛ̄ bèle pe nìɛ pori; gbòdolilo míɛni pe nìɛ yigi pe nī.

Kakpiʔiligele 5:15

A ki 'kò siɛnnɛ pe nìɛ yaala kɔ́ri bèle koliyo nī yè nɛ báan nɛ pe síngi yasinɛrɛ nɛ̄, kire ga buu a Piɛri wi kâ pɛ́ni tòrí wè, wi jènyinɛ ni- tuu yaala pálì nɛ̄.

Fànʔa Kajuʔulo 22:12

«Muɔ 'yɛli bè mɛ́rɛ jɔli dè bè tárigɛ muɔ burudɔnigɔ nɛ̄ gè gàa muɔ 'le gè ki tiɛyɛ sicɛri nɛ̄ yè táanmɛ gè.»