Luku 8:3 - Sénoufo Nyarafolo

³ nɛ̀ fàri Yowana nɛ̄, Kuza cuɔ wè, Kuza ŋáà wi 'puu Erodi saʔa kele ke cuɔnrifɔli wè, nɛ́ Suzani, nɛ́ cɛlilɛ pálì nìʔɛnɛ ní. Ki cɛlilɛ bálì pe 'puu nɛ pe kɔliyɛrɛ kanʔa dè Zezi wi baara koligo nī gè.

Luku 8:3 Iomraidhean Croise

Matiye 14:1

Ki cɛnyɛ nī yè a Erodi wè, Galile kùlofɔli wè, a wi 'Zezi wori lúʔu dè bɛ̀ wi míʔɛ ki cé yiri gè.

Matiye 14:3

Ki 'nyaa Erodi wi cé tí a pe 'Zan cò wè nɛ̀ wi puɔ nɛ́ wi tɔ́n kasuu nī, Erodiyadi kɛnmɛ nɛ̄, wi cɔni Filipi cuɔ ŋáà wi cé suɔ wi mɛ́ wè.

Matiye 14:6

Cɛngɛ gíì Erodi wi yɛziile ni cé màʔa nɛ̀ nɔ̀ lè, á piyē ki pùrɔrɔ pùrɔ́ dè, a Erodiyadi wi póri wi 'kɛ́ nɛ̀ sɛ́nì yúɔ siɛnnɛ yiʔɛ mɛ́ gè, a ki 'Erodi dɛ́ni wè.

Matiye 2:11

A pe 'jíin saʔa nī gè, nɛ̀ pùɔ nyaa wè baa nɛ́ Maari ní wè, wi yàa wè. A pe 'tìgi nɛ̀ káguro wáa, nɛ̀ kpuʔɔrɔ taʔa wi nɛ̄. Nɛ́ fali nɛ̀ pe tugoro sáʔala dè, nɛ̀ yɛrɛ yige nɛ̀ kpuʔɔrɔ kpíʔile pùɔ mɛ́ wè: tiɛ, nɛ́ wusuna, nɛ́ miiri sùnmɔ.

Matiye 20:8

«Cɛnguʔɔ gè, a siʔifɔli wi 'ki juu wi kacuɔnriwɔ mɛ́ wè nɛ́ wi yɛ: ‹-Baakuɔlɔ yeri bèle ma pe sàri kɛn wè pe mɛ́, ma ki séli bìli nɛ̄ pe 'kɛ́ kàduʔumɛ gè mari waa pélile mɛ́ bèle.›

Matiye 25:40

«Kùlofɔli wi bé siɛnnugoro kɛn dè pe mɛ́ bé jo: ‹M'bé ki juu yeli mɛ́ kányiʔɛ nɛ̄, dàa ti mìɛni mi 'tìɛ dàa dè, lɛ̀lɛ ó lɛ̀lɛ yeli 'ni làa fáala kpíʔile mi siinyɛninɛ pe wàa cíɛwɛ nɛ̄ wè, mi mɛ́ yeli 'ni kpíʔile.›

Matiye 26:11

Fuunmɔfɔlilɔ piyē bile nɛ́ yeli ní súuri. Mi wè, mi sí wè bile nɛ́ yeli ní súuriʔ.

Matiye 27:55

Cɛlilɛ 'puu baa nìʔɛnɛ yérile liʔi nɛ wéli. Peli cé taʔa Zezi kúrugu wè nɛ kele kúu wi mɛ́, nɛ̀ ki líɛ baa Galile kùlo mɛ́ lè.

Luku 24:10

Cɛlilɛ bílì pe cé sɛ́nì siɛnrɛ dáà juu dè pe míɛyɛ yi n'yɛ: Maari 'puu baa Magidala kàʔa wuu wè, nɛ̀ fàri Yowana nɛ̄, nɛ́ Zaki yàa ní wè Maari wè. Pe kàdɔnminɔ bílì pe 'puu nɛ́ pe ní bèle, a peli míɛni 'ki siɛnnuro juu dè Zezi tundunminɔ mɛ́ bèle.

Zezi Kirisi Kataanna Siɛnrɛ dè Zan juumɔ nɛ̄ bè 12:6

Zudasi wi cé siɛnrɛ dáà juu dè, kiì sí kò majo fuunmɔfɔlilɔ peli wuʔu wi 'puu nɛ yáaʔ, ki 'nyaa kàyuuwo wi 'puu. Wire wi 'puu nɛ wali yalege tɛ́ngi gè, nɛ́ sí puu nɛ wali yúu wè nɛ kɔ̀ngí, ŋàa pe 'puu nɛ nii baa wè.

Kakpiʔiligele 13:1

Baa Antiyɔsi tɛ́ngɛfɔlilɔ gboli nī lè, Kulocɛliɛ siɛnjuulo 'puu baa nɛ́ tɛnmɛfɔlilɔ ní, pe míɛyɛ yi n'yɛ: Barinabasi nɛ́ Simɛyɔ ŋáà pe ye Nawuɔ wè, nɛ́ Lusiyɔsi ŋáà wi 'kɔ́n Siirɛni kàʔa mɛ́ gè, nɛ́ Manayɛni wire ŋáà wi cé wúɔ nɛ̀ pìire pùrɔ nɛ́ kùlofɔli Erodi ní wè, nɛ́ Sɔli.

Korɛntiyé 2 8:9

Yeli tíimɛ bèle yeli nyɛ́nì we Kàfɔli Zezi Kirisi wi kpuʔɔrɔ wori cɛ́n dè. Wiī yakaafɔli, nɛ̀ sí ki taa wi 'wìi kpíʔile fɔ̀ngɔfɔli yeli kɛnmɛ nɛ̄ bè, gìi ki bé tí wire fɔ̀ngɔ láara gè, yeli gbɛ̀ jáa bè kò yakaafɔlilɔ.

Filipiyé 4:22

Kulocɛliɛ wuulo pe mìɛni nɛ yeli síɛri, nɛ̀ fàri bìli bīɛlɛ náʔa kùlofɔgbuɔwɔ Sezari wi kpáa wuulo bèle, ye- pe síɛrilɛ suɔ lè.

Timote 1 5:10

Wi 'yɛli wi- puu pe wi cɛ́n kacɛ̀ngbiʔiligele nɛ̄ gèle, wi sí yé puu ŋàa wi 'wi pìile sɔ́migɔ bèle nɛ̀ gbó wè, wi sí yé puu ŋàa wi nabɔnminɔ tìrigí bèle, ŋàa wi yé Kulocɛliɛ wuulo pe tɔliyɔ jíge yè, ŋàa wi 'fuunmɔfɔlilɔ sáʔa bèle, nɛ́ kacɛ̀ngɛlɛ ke mìɛni feliye kpíʔile yè.