Luku 8:21 - Sénoufo Nyarafolo

²¹ A Zezi wi 'siɛnnugoro kɛn nɛ́ jo: «Mi yàa wè nɛ́ mi cɔninɔ bèle, peli bīɛlɛ bàli pe nyɛ́ni Kulocɛliɛ siɛnrɛ lúru dè níɛ ti tári dè.»

Luku 8:21 Iomraidhean Croise

Matiye 17:5

Bà Piɛri wi nyu nɛ tíin wè, a kàsadibagɛ káà 'tìgi nɛ̀ pe tɔ́n, ki 'puu nɛ nyíʔɛnɛ. A pe 'juumɔ páà lúʔu baa kàsadibagɛ laamɛ nī bè, a pi 'jo: «Ŋàa wire wī mi Jaa wè, ŋàa wi 'mi dɛ́ni wè; wi woli ni 'tɔ̀ni nɛ̀ kpúʔɔ m'mɛ́. Yeri lúru wi nɛ̄ !»

Matiye 25:40

«Kùlofɔli wi bé siɛnnugoro kɛn dè pe mɛ́ bé jo: ‹M'bé ki juu yeli mɛ́ kányiʔɛ nɛ̄, dàa ti mìɛni mi 'tìɛ dàa dè, lɛ̀lɛ ó lɛ̀lɛ yeli 'ni làa fáala kpíʔile mi siinyɛninɛ pe wàa cíɛwɛ nɛ̄ wè, mi mɛ́ yeli 'ni kpíʔile.›

Matiye 25:45

«Kire lɛ̀lɛ nī lè, wi bé sí pe yɛ: ‹M'bé ki juu yeli mɛ́ kányiʔɛ nɛ̄, lɛ̀lɛ ó lɛ̀lɛ nī yeli sì kele gálì kpíʔile gèle yìrile bálì pe wàa mɛ́ wèʔ, mi nɛ̄ yeli 'cíi yeli sì ki kpíʔileʔ.›

Matiye 28:10

A Zezi wi sí pe yɛ: «Ye fǎri fìʔɛ́ʔ. Yeri waa ye sa ki juu mi siinyɛninɛ mɛ́ bèle, peri waa Galile tɛ́nimɛ mɛ́, pe báa mi nyaa kire tiʔɛ nī.»

Luku 8:15

Yatanʔara díì sí ti 'tuu dàacɛnnɛ nī lè, tire yē bìli pe 'Kulocɛliɛ siɛnrɛ cò dè nɛ́ funjɛ̀ngɛ ní, nɛ́ funviige ní, nɛ́ jáa nɛ̀ gbɛ̀nmɛ le nɛ̀ yasɛnrɛ sɛn wè.»

Luku 8:20

A wàa 'wi yɛ: «Muɔ yàa wè nɛ́ muɔ cɔninɔ ní bèle, piyē baa yérile kpànʔanɛ; piyē nɛ caa bè muɔ nyaa.»

Zezi Kirisi Kataanna Siɛnrɛ dè Zan juumɔ nɛ̄ bè 13:17

Píra ŋáà nī wè yeli nyɛ́nì kire cɛ́n gè. Yeli bé puu fundaanra nɛ̄, a yeli nɛ ki kpínʔini gè.

Zezi Kirisi Kataanna Siɛnrɛ dè Zan juumɔ nɛ̄ bè 20:17

A Zezi wi 'wi yɛ: «Fǎga cò mi nɛ̄ʔ. Mi sì fìɛ yɛ̀ nɛ̀ kɛ́ baa mi Tuu kúrugo wèʔ. Koli mari waa mi siinyɛninɛ kúrugu bèle, ma sa ti juu pe mɛ́ ma pe yɛ dí m'bé yɛ̀ bè kɛ́ mi Tuu kúrugu wè. Wiī yeli Tuu nɛ̀ pínɛ, wiī mi Kulocɛliɛ, nɛ ní yeli Kulocɛliɛ nɛ̀ pínɛ.»

Korɛntiyé 2 5:16

Kire kɛnmɛ nɛ̄, bɛ̀ ki yē píra ŋáà nī wè, weli ní wè nɛ siɛnnɛ kɛnmɛ wéli bè nɛ yɛligi nɛ́ siɛnnɛ funzɔngirɔ níʔ. Gbíɛn wè, weli 'puu nɛ Kirisi kɛnmɛ nyaʔa bè nɛ́ siɛnnɛ funzɔngirɔ ní wī, bɛ̀ sí ki yē píra ŋáà nī wè, weli ní wè wi nyaʔa kire kɛnmɛ nɛ̄ bèʔ.

Korɛntiyé 2 6:18

A Kàfɔli wi ní nɛ̀ ki juu, wire ŋáà wī Ŋɔri ti Mìɛni Kulocɛliɛ wè, nɛ́ jo: M'bé puu yeli Tuu wè, dí yeli sí puu mi jaala bèle nɛ́ mi pórilo bèle .

Zaki 1:22

Yeri tári Kulocɛliɛ siɛnrɛ nɛ̄ dè, ye fǎga kò de ti lúru yákuɔʔ, béri yìye fáanni yeli tíimɛ bèleʔ.

Zan 1 2:29

Bɛ̀ yeli sí ki cɛ́n Kirisi wi 'sín wè, yeli 'yɛli bè ki cɛ́n míɛni siɛn ŋáà wi kasingele kpínʔini gèle, wiī Kulocɛliɛ pùɔ.

Zan 3 1:11

Mi nàgoricɛnwɛ, fǎga de kapiʔi tɛnmɛ gèʔ, te kacɛ̀ngɛ kire tɛnmɛ. Siɛn ŋáà wi kacɛ̀ngɛ kpínʔini gè, wire yē Kulocɛliɛ wuu. Ŋìi sí wiī nɛ kapiʔi kpínʔini gè, wire sì Kulocɛliɛ cɛ́n wè wīʔ.