Luku 8:10 - Sénoufo Nyarafolo

¹⁰ A wi 'siɛnnugoro kɛn dè pe mɛ́ nɛ́ pe yɛ: «Kulocɛliɛ Kùlofɔligɔ ki kalarigɛlɛ ke 'kɛn yeli mɛ́ yè ke cɛ́n. Siɛnsɛnminɛ mɛ́ bèle ti nɛ̂ puu kàsiʔile tíɛlɛ: Peri wéli, pé fǎga sí de nyaʔaʔ. Peri lúru, pé fǎga sí de siɛnrɛ ti kɔri cɛ́ngi wèʔ .»

Luku 8:10 Iomraidhean Croise

Ŋúnuyɔ 25:14

Yewe nɛ wi funzɔngirɔ tìí dè wi wuulo nɛ̄ bèle, bàli pe wi fìʔɛ́ bèle. Wi nìɛ wi nyakungɛngɛ siɛnrɛ nyu de pe mɛ́.

Matiye 11:25

Kire tiʔɛ gáà nī gè a Zezi wi 'fali nɛ̀ náari nɛ́ 'jo: «Tuufɔli, muɔ wī nyìʔɛnɛ nɛ́ dàala kàfɔli wè. Mi 'kpuʔɔrɔ taʔa muɔ nɛ̄, bɛ̀ muɔ 'kele gálì làrigɛ gèle kacɛ́nminɛ nɛ̄ bèle nɛ́ siɛnsicilile ní bèle, nɛ́ sí ke tìɛ pìile nɛ̄ bèle.

Matiye 16:17

A Zezi wi sí wi yɛ: «Siimɔ, Zonasi jaa, muɔ 'diba taa, nɛ̀ taʔa gíi nɛ̄, siɛn bɛ̀ʔ wi 'kányiʔɛ gáà tìɛ gè muɔ nɛ̄ʔ. Mi Tuu wire tíimɛ wī, mi Tuu ŋáà wī baa nyìʔɛnɛ nī lè.

Mariki 4:11

A wi 'pe yɛ: «Yeli bèle, Kulocɛliɛ Kùlofɔligɔ kalarilɛ lè, niī yeli cɛ́nmɛ nī. Siɛnsɛnminɛ mɛ́ bèle, ti nɛ̂ puu kàsiʔile tíɛlɛ.

Mariki 4:12

Kire nɛ̄, Pe nàa wéli, pe nɛ̌ sí de nyaʔaʔ, pe nàa lúru, pe nɛ̌ sí de ti kɔri cɛ́ngi wèʔ. A kire 'laa wè, pe bé koli pɛn Kulocɛliɛ mɛ́, wi- pe kapiʔile wuʔu yaʔa gè pe nɛ̄ .»

Zezi Kirisi Kataanna Siɛnrɛ dè Zan juumɔ nɛ̄ bè 12:40

Kulocɛliɛ wi 'pe kpíʔile fúɔnnɔ, nɛ̀ pe funyɔ gbɛ̀n yè. Kire 'kpíʔile gìi ki bé tí pe nyapigele ke fǎga de nyaʔaʔ, pe funyɔ yi fǎga kaala yiʔɛ cɛ́nʔ. Kire kɛnmɛ Kulocɛliɛ wi 'jo: Piyě gbɛ̀ koli pɛn mi mɛ́ʔ, dí mi sí pe puʔɔʔ .

Wurɔmiyé 16:25

Kpuʔɔrɔ ti 'yɛli Kulocɛliɛ nigbe nɛ̄, wire ŋáà mɛ́ fànʔa ki yē bè gbɛ̀ ŋɔri nyɔ́gɔ yeli nī tɛ́ngɛlɛ koligo nī gè. Kire Kataanna Siɛnrɛ tire mi nɛ jáari níɛ Zezi Kirisi wori nyu dè. Tiī nɛ Kulocɛliɛ wi kalarilɛ tìí lè, nàa ni tíi nɛ̀ puu baa faʔa faʔa gè.

Korɛntiyé 1 12:11

Tire dáà ti mìɛni dè, Kulocɛliɛ Pìle nunɔ lire ni nyɛ́ni ti kpínʔini, níɛ ti liile pe mìɛni nigbe nigbe nɛ̄ bèle, a gìi 'wi dɛ́ni.

Fànʔa Kajuʔulo 29:4

«Wi 'ki juu yeli mɛ́ nɛ́ jo: ‹Mi nyɛ́nì yeli yiʔɛ kíni gè waama kùlo nī lè nɛ̀ taa yiʔɛlɛ togosiin. Yeli buruyo yiì cɛnminɛ yeli nɛ̄ʔ, yeli tɔriyɔ míɛni yiì cúʔɔ yeli nɛ̄ʔ.

Kolɔsiyé 2:2

Mi nɛ kire gáà ki mìɛni kpínʔini gè gìi ki bé tí pe- pe nàzɔnnɔ lìri bèle, pe- pe funyɔ pínɛ yè, dɛ́nigɛ- puu pe sunʔɔmɔ nī, pe sìnjilige ki- kpúʔɔ, kaaliyɛ fǎga puu baaʔ. A kire kpíʔile gè, pe bé Kulocɛliɛ kalarilɛ cɛ́n lè; lire nī Kirisi wè.

Timote 1 3:16

ʔaan, káaliyɛ wè ti nīʔ, weli tɛ́ngɛlɛ ni kalarilɛ ni 'kpúʔɔ, nàa nī tɛ́ngɛlɛ ni nyùgo gè: Wi nyɛ́nì wìi tìɛ siɛn céri nī, a Kulocɛliɛ Pìle ni 'ki juu nɛ̀ láʔa nɛ́ jo wi 'sín, a nyìʔɛnɛ tundunminɔ pe 'wi nyaa. A siɛnnɛ pe 'wi wuʔu jáari gè kùlogolo siɛnnɛ mɛ́ bèle, a siɛnniʔɛnɛ 'tɛ́ngɛ wi nɛ̄ duniya nī wè, a Kulocɛliɛ wi 'wi yɛ̀gɛ wi kpuɔmɔ nī bè.