Luku 7:7 - Sénoufo Nyarafolo

⁷ Kire cɛ ki 'ki kɛn mi sì fɔ̀li nɛ̀ kɛ́ mi tíimɛ wè bè sa muɔ yeri wèʔ. Ma sí taa ma nyanyɛni láà juu, bà mi baakuɔwɔ wi bé puʔɔ.

Luku 7:7 Iomraidhean Croise

Ŋúnuyɔ 107:20

A wi 'wi siɛnrɛ tíʔɛ dè nɛ̀ pe puʔɔ, a wi 'pe píle nɛ̀ suɔ nyɛgɛ mɛ́ gè.

Ŋúnuyɔ 33:9

Wire wi 'juu á ki 'kpíʔile bɛ̀, wire wi 'ki juu nɛ̀ gbɛ̀ngɛ á ki 'yéri bɛ̀.

Yirile 15:26

nɛ́ ki juu pe mɛ́ nɛ́ jo: «A ki yē yeli nɛ sɔ́migi nɛ lúru Yewe yeli Kulocɛliɛ mɛ́ wè, níɛ kasingele kpínʔini gèle wi yiʔɛ mɛ́ gè, a yeli nɛ líiye cáanri wi kajuudiʔɛlɛ mɛ́ gèle, a yeli nɛ lúru wi fànʔa kele ke mìɛni mɛ́ gèle, mi sǐ ga tíi yaama wáa yeli nɛ̄ʔ, bɛ̀ mi 'pi wáa Ezipiti siɛnnɛ nɛ̄ bèle. Nɛ́ ki cɛ́n mi yē Yewe, yeli gbarifɔli wè.»

Mariki 1:27

A ki 'siɛnnɛ pe fungo wúɔ kátii, a pe 'fali nɛ pìye yúgo nɛ mári sɛni nɛ́ jo: «Cí, weli wuulo, tɛnmɛnɛ náà lire 'pɛn fɔnnɔ, ni siɛnrɛ ti sí tɔ̀ni yē kàfɔli siɛnrɛ ! Wi 'gbòdolilo jáa bèle pe lúru wi nɛ̄ !»

Luku 4:36

A fíɛrɛ siɛnnɛ pe mìɛni cò, pe nyu nɛ pìye tìí nɛ́ jo: «Cí, siɛnrɛ díì felige dī mmɛ gè ? Tire yē nɛ́ pìle ní nɛ́ ní fànʔa ní díɛ ! Wi cɛ́ni nyu gbòdolilo nɛ̄ bèle pe yigi siɛnnɛ nī bèle !»

Luku 5:13

A Zezi wi 'kɔli sáʔa gè nɛ̀ cò nɛ̀ taa nàguɔ nɛ̄ wè, nɛ́ jo: «Mi 'fɔ̀li ki nɛ̄, puʔɔ ma cìile.» A yaanyiɛmɛ pi 'fali nɛ̀ láʔa nàguɔ nɛ̄ wè sɛni.

Luku 7:6

A Zezi wi 'kɛ́ nɛ́ pe ní. Bà sí pe sɛ́nì nɔ̀ túɔn kpáa nɛ̄ gè, a tunduro 'kɔ́n baa kapiɛngbuɔn nàguɔ wi kpáa mɛ́ gè, a wi 'wi nàgorilo tórigo a pe pɛ́nì Zezi yɛ wè: «Kàfɔli, fǎga mìɛ fùrɔ bè pɛn náʔa mi tiʔɛ nī gèʔ; miì nyuɔ nɛ̀ yɛli muɔ jíin mi saʔa nī gèʔ.

Luku 7:8

Ki 'nyaa mi tíimɛ wè mi yē pàli fànʔa láara wī, á mi míɛni sí ní kapiɛngbuɔnnɔ pálì kàfɔli. A mi 'wàa yɛ: ‹Te waa !› wi nɛ̂ kɛ́. A mi sí ní nɛ̀ wàa yɛ: ‹Te báan náʔa !› wi nɛ̂ pɛn. A mi 'mi baakuɔwɔ wáà yɛ: ‹Te gàa kire kpínʔini !›, kire wi nɛ̂ kpíʔile.»

Fànʔa Kajuʔulo 32:39

Yewe 'jo: «Yeri wéli píra ŋàa nī wè: Mi wī, ʔaan, mi sí wī Kulocɛliɛ. Kulocɛliɛ wáà ni wè baa nɛ̀ fàri mi nɛ̄ʔ ! Mi nɛ kpúu níɛ sìi kanʔa wè, mi nɛ siɛn kpúɔn nɛ̀ luɔ, níɛ wi puʔɔ. Siɛn sǐ gbɛ̀ siɛn píle zuɔ mi kɔli nī gèʔ.