Luku 7:44 - Sénoufo Nyarafolo

⁴⁴ A wi 'fali nɛ̀ yiʔɛ nɛ̀ yiʔɛ wáa cɛliwɛ mɛ́ wè nɛ́ Siimɔ yɛ wè: «Muɔ 'cɛliwɛ ŋáà nyaa wè í ? Bà mi 'jíin náʔa muɔ saʔa nī gè, muɔ sì luʔɔ kɛn mi mɛ́ mi- mi tɔliyɔ jíge yèʔ. Wire sí wè, wi yéturo tire wi 'tíʔɛ nɛ̀ mi tɔliyɔ nyígi yè nɛ́ yi kurugo nɛ́ wi nzìire ní dè.

Luku 7:44 Iomraidhean Croise

Sélimɛ 18:4

Ye‑ ki yaʔa m'bé tí pe‑ luʔɔ kɛn yeli mɛ́ ye‑ tɔliyɔ jíge yè, yé ŋɔ́ ye taa tiige láara gè.

Sélimɛ 19:2

nɛ́ jo: «Mi kàfɔlilɔ, mi nɛ yeli náari wī, ye‑ wàli yeri báan mi saʔa mɛ́ gè ye pa yeli tɔliyɔ jíge yè, yé súɔn mi saʔa nī gè; mi yē yeli baakuɔwɔ. A kpìɛnmɛ pi 'tuu bè, yeli bé yɛ̀ bèri waa.» A pe 'cíi nɛ́ jo: «ʔúnʔun, weli bé súɔn kpànʔanɛ gè bile.»

Sélimɛ 43:24

nɛ́ pe nyɔ́gɔ Yusufu saʔa nī gè, nɛ́ luʔɔ kɛn pe mɛ́ a pe 'tɔliyɔ jíge yè, nɛ́ wàa tun a wi sɛ́nì nyàsige kɛn pe sèfɛngɛlɛ mɛ́ gèle.

Luku 7:38

nɛ̀ sɛ́nì jíin nɛ̀ yéri Zezi kàduʔu mɛ́ gè wi tɔliyɔ táanni yè. Nɛ̀ kɛ́nì tuu nɛ nyɛni nɛ yéturo ŋu dè Zezi tɔliyɔ nɛ̄ yè, níɛ wi nzìire tíʔi dè nɛ yi kurugi, níɛ yi suɔn kpuʔɔ, nɛ́ natukɔli tíʔɛ wè nɛ̀ yi tùugu.

Luku 7:43

A Siimɔ wi 'jo: «Mi nɛ sɔ̀ngí ŋìi fuʔɔ ki cé niʔɛ nɛ̀ tóri gè, wire wī.» A Zezi wi 'wi yɛ: «ʔaan, bɛ̀ gī, muɔ ti sɔ́migɔ nɛ̀ nyaa.»

Zezi Kirisi Kataanna Siɛnrɛ dè Zan juumɔ nɛ̄ bè 13:5

Nɛ́ fali nɛ̀ luʔɔ le yalege káà nī, nɛ̀ séli nɛ wi pìtɛnmɛnɛ pe tɔliyɔ jíri yè, níɛ fɛ̀ni tíʔi wè nɛ yi kurugi, fɛ̀ni ŋáà wi cé puɔ wìi nɛ̄ wè.

Timote 1 5:10

Wi 'yɛli wi- puu pe wi cɛ́n kacɛ̀ngbiʔiligele nɛ̄ gèle, wi sí yé puu ŋàa wi 'wi pìile sɔ́migɔ bèle nɛ̀ gbó wè, wi sí yé puu ŋàa wi nabɔnminɔ tìrigí bèle, ŋàa wi yé Kulocɛliɛ wuulo pe tɔliyɔ jíge yè, ŋàa wi 'fuunmɔfɔlilɔ sáʔa bèle, nɛ́ kacɛ̀ngɛlɛ ke mìɛni feliye kpíʔile yè.

Zaki 2:6

Nɛ̀ sí ki taa, yeli 'fɔ̀ngɔfɔli máama wè. Lɔrifɔlilɔ peli sí bīɛlɛ pe nyɛ́ni yeli wuʔɔ, níɛ yeli cògí nɛ waa kàyuʔujuusaaya mɛ́ yè, bà bɛ̀ʔ lé ?