Luku 7:41 - Sénoufo Nyarafolo

⁴¹ A Zezi wi 'wi yɛ: «Fuɔrɔfɔlilɔ pálì siin 'puu baa, wàa fuʔɔ cé yɛ̀ wali denari pígele sirasiin dabataan (500), ŋìi wuʔu ní gè wali denari pígele togosiin nɛ́ kpɔrigɔ.

Luku 7:41 Iomraidhean Croise

Tɔ́rilɔ 27:3

«Weli tuu wi nyɛ́nì kùu waama kùlo nī lè, nɛ̀ ki yaʔa wiì cé puu nɛ́ bàli ní pe yé cíi Yewe nɛ̄ wèʔ, Kore gboli nī lèʔ. Wi nyɛ́nì kùu wi tíimɛ kapiile nɛ̄ wī. Jaafɔli sí wè wi mɛ́ʔ.

Matiye 18:28

«Bà sí baakuɔwɔ ŋáà wi 'láʔa nɛ̀ kɛ́ wè, nɛ̀ sɛ́nì kpàli nɛ́ wi baakuɔnyɛni wáà ní, wi fuʔɔ 'puu wi nɛ̄, siramuʔɔyɔ kogunɔ (100 000). A wi 'fali nɛ̀ wi wáa nɛ̀ mígi sɛni yékpoli nī lè, nɛ́ jo: ‹Te mi fuʔɔ tɔ́ngi gè pírapira !›

Matiye 6:12

Weli kapiʔile yaʔa gèle weli nɛ̄, majo bɛ̀ weli nɛ bìli pe kapiʔile yɛri gèle pe nɛ̄ bèle.

Mariki 6:37

A wi sí pe yɛ: «Ye- pe kɛn pe- lìi yeli tíimɛ bèle.» A pe 'wi yɛ: «Wali denarilɛ sirakeli (200) búru sí we baa suɔ lé bè pe kɛn pe- káa wè ?»

Luku 11:4

Weli kapiʔile yaʔa gèle weli nɛ̄, majo mɛni weli míɛni bèle weli nɛ ki yɛri bìli nɛ̄ pe 'kapiʔile kpíʔile weli nɛ̄ bèle. Fǎga ki yaʔa weli tuu puuwelige nīʔ.› »

Luku 12:48

A ŋìi sì sí ki cɛ́nʔ nɛ́ kakpuɔnnɔ kpíʔile lè, pe bé wi kpúɔn bè yɛli. «Ki 'nyaa a pe 'siɛn ó siɛn kɛn nìʔɛgɛ wè, pe míɛni bága de nìʔɛgɛ caa ki siɛn mɛ́ wè de pínɛ. A pe sí siɛn ŋíì tɛ́ngɛ kele nìʔɛgɛlɛ nyùgo nɛ̄ wè, pe bága wi yúgo nɛ́ nìʔɛgɛ ní.»

Luku 13:4

«Nɛ̀ pínɛ, siɛnnɛ kiɛ nɛ́ kataanri bílì nɛ̄ saakpaʔaligɛ ki cé kaa nɛ̀ tuu Silowe tiʔɛ nī gè nɛ̀ pe kpúu bèle, yeli nɛ sɔ̀ngí peli cé pii nɛ̀ tóri siɛnnɛ pe mìɛni nɛ̄ bèle wī lé, baa Zerizalɛmi kàʔa nī gè lé ?

Luku 7:40

A Zezi wi 'siɛnnugoro kɛn wi mɛ́ nɛ́ wi yɛ: «Siimɔ, siɛnrɛ yē náʔa mi mɛ́ bè juu muɔ mɛ́.» A wi 'jo: «Tɛnmɛfɔli, mi nɛ lúru.»

Luku 7:47

Kire nɛ̄ m'bé ki juu muɔ mɛ́, wi kapiʔile gèle bɛ̀ ke 'niʔɛ nɛ́ cɛ́ri gèle, ke nyɛ́nì yaʔa wi nɛ̄. Ki 'nyaa siɛnmɛ nìge yē wi nī kpuʔɔ. Siɛn ŋíì sí nɛ̄ pe 'ki yaʔa cɛ̀ri wè, wi siɛnmɛ nìge ki nɛ̂ cɛ́ri.»

Wurɔmiyé 3:23

Nɛ̀ taʔa gíi nɛ̄, siɛnnɛ pe mìɛni nyɛ́nì kapiile kpíʔile, a pe 'kóligo Kulocɛliɛ kpuʔɔrɔ nī dè,

Wurɔmiyé 5:20

Nɛ̀ sí ki taa Fànʔa Siɛnrɛ ti 'pɛn gìi ki bé tí kakolido ti- niʔɛ; bà sí kapiile ni 'niʔɛ lè, a Kulocɛliɛ kacɛ̀ngɛ míɛni ki ń'nɛ̀ kpúʔɔ nɛ̀ fáala.