Luku 7:16 - Sénoufo Nyarafolo

¹⁶ A fíɛrɛ 'pe mìɛni cò, a pe 'yɛ̀ nɛ Kulocɛliɛ síɛri wè nɛ́ jo: «Kulocɛliɛ siɛnjuukpuɔwɔ 'pɛn we sunʔɔmɔ nī ! Nɛ̀ pínɛ Kulocɛliɛ wi 'pɛn bè pa wi kùlo wuulo wéli bèle !»

Luku 7:16 Iomraidhean Croise

Ŋúnuyɔ 65:9

Bàli pe 'tɛ́ni tiɛliiliye nī yè wómiwomi yè, muɔ kakpoliyo fìɛlɛ piyē pe mɛ́ funwuɔrɔ nɛ́ ní fíɛrɛ. Bàli bīɛlɛ cɛngɛnyɛnifoligɔli mɛ́ gè, nɛ́ bàli bīɛlɛ cɛngɛnyɛnijiingɔli mɛ́ gè, muɔ 'ki kpíʔile peri fundaanra yékpuʔulo wáari gèle.

Yirile 4:31

A siɛnnɛ pe 'tɛ́ngɛ. Bà pe 'ki lúʔu Yewe yé ki nyíɛnɛ nɛ̀ kɔ̀n bè Isirayɛli siɛnnɛ sáʔa bèle, nɛ́ bɛ̀ wi yé pe fuunmɔ nyaa bè, a pe 'tuu nɛ̀ cúbulo nɛ̀ Yewe gbùʔɔrɔ wè.

Matiye 15:31

A kire 'ki kɛn a siɛnnɛ pe 'yɛ̀ nɛ nyu nɛ cúru, bà pe 'bobobilo nyaa bèle pe nyu bèle, lolilo ní bèle nɛ tári bèle, nɛ́ yaakpɔlilɔ ní bèle pe pori bèle, á fúɔnnɔ ní bèle nɛ nyaʔa bèle. A siɛnnɛ pe 'tuu nɛ Isirayɛli Kulocɛliɛ tòbiló wè.

Matiye 21:11

A siɛnniʔɛmɛ pi 'jo: «Zezi wī, Kulocɛliɛ siɛnjuuwo wè, Nazarɛti kàʔa mɛ́ wi 'kɔ́n, Galile tɛ́nimɛ nī !»

Matiye 28:8

A cɛlilɛ bálì pe 'láʔa nyɛgɛ táanni gè, fíɛrɛ nɛ́ fundaanwiɛrɛ kiyɛ nī yè, nɛ̀ fɛ̀ nɛ̀ kɛ́ bàa ti juu Zezi wi pìtɛnmɛnɛ mɛ́ bèle.

Matiye 9:8

Bà siɛnnɛ pe kire nyaa gè, a ki 'fíɛrɛ cò pe nɛ̄ kpuʔɔ, a pe yɛ̀ nɛ Kulocɛliɛ gbùʔɔrɔ́ wè, bɛ̀ ki 'nyaa wi 'fànʔa gáà ki felige kɛn gè siɛnnɛ mɛ́ bèle.

Luku 1:65

A fíɛrɛ 'pe tɛ́ninyɛninɛ pe mìɛni cò, a Zude nyaguruyo tɛ́nimɛ wuulo pe mìɛni 'yɛ̀ nɛ kaala náà ni wori nyu dè nɛ mári.

Luku 1:68

«Kpuʔɔrɔ yē Kàfɔli nɛ̄ wè, Isirayɛli Kulocɛliɛ wè, bɛ̀ wi pɛ́nì wi kùlo wuulo wéli bèle nɛ́ pe suɔ nɛ̀ yige ki nī bèle.

Luku 19:44

bè yeli tánʔana bè muʔɔrɔ dàala nɛ̄ lè muɔ nɛ́ muɔ pìile ní bèle. Piyě sìndɛnigɛ káà yaʔa ki- kò taʔaga kàa nɛ̄ʔ, bɛ̀ ki 'nyaa muɔ sì tɔ́riʔ nɛ́ Kulocɛliɛ pɛnjɛngɛ lɛ̀lɛ ní lè muɔ tiʔɛ nī gè wèʔ.»

Luku 2:20

A sìnbanaʔana pe sí koli nɛ̀ kɛ́. Bà pe waa bèle, a pe 'yɛ̀ nɛ Kulocɛliɛ tòbiló wè, nɛ wi míʔɛ kpóri gè, kele gílì mìɛni peli sɛ́nì nyaa gèle, nɛ́ dìi peli 'lúʔu dè, á ti 'kpíʔile nɛ̀ yɛli nɛ́ dàa ní ti cé juu peli mɛ́ bèle.

Luku 24:19

A wi 'jo: «Gáa felige ki 'tóri bile ?» A pe 'wi yɛ: «Zezi wè Nazarɛtiyé wuu wè, Kulocɛliɛ siɛnjuuwo wi 'puu. Wi siɛnrɛ dè nɛ́ wi kakpiʔiligele ní gèle, ti 'puu nɛ́ ŋɔri ní Kulocɛliɛ yiʔɛ mɛ́ gè nɛ́ kùlo ni mìɛni yiʔɛ mɛ́ gè.

Luku 5:26

A ki 'pe mìɛni fungo wúɔ. A pe 'tɔ̀ni nɛ̀ 'tuu nɛ Kulocɛliɛ gbùʔɔrɔ́ wè nɛ́ fíɛrɛ ní kpuʔɔ. A pe 'jo: «ʔá, we tɔ̀ni nɛ̀ kafɔngɔlɔ nyaa pàngɛ gè !»

Luku 5:8

Bà Siimɔ Piɛri 'kire nyaa gè, a wi 'tìgi nɛ̀ káguro wáa Zezi yiʔɛ mɛ́ gè, nɛ́ fali nɛ̀ jo: «Kàfɔli, sìʔɛrɛ mi táanni, mi yē kapiibuuwo.»

Luku 7:15

A kpúu wi 'yɛ̀ nɛ̀ tɛ́ni, nɛ̀ fali nɛ nyu, a Zezi wi 'wi kɛn wi yàa mɛ́ wè.

Luku 7:39

Fariziɛn nàguɔ ŋáà wi cé Zezi yeri wè pe sa lìi wè, bà wi 'kaala náà nyaa lè mmɛ gè, a wi 'ki sɔ̀ngi wi fungo nī gè nɛ́ jo: «A ki yē nàguɔ ŋáà wiī Kulocɛliɛ siɛnjuuwo wè, wi cé yɛli bè ki cɛ́n siɛn ŋíì felige wī cɛliwɛ ŋáà wè, nɛ́ pɛ́ni cògí nɛ tari wi nɛ̄ wè, kapiigbiʔiliwe wī !»

Luku 8:37

A Gerasa tiʔɛ ki tɛ́nimɛ siɛnniʔɛmɛ pi mìɛni 'Zezi fiɛn wè wi- yiri peli tiʔɛ nī gè, ki 'nyaa fíɛrɛ 'puu nɛ pe cògí kpuʔɔ. A Zezi wi koli nɛ̀ jíin kɔ́ri nī gè nɛ̀ kɛ́.

Luku 9:19

A pe 'jo: «Pàli 'jo muɔ yē Zan ŋàa wi 'puu nɛ siɛnnɛ batiize bèle, a pàli 'jo Elii wī muɔ wè, a pàli 'jo Kulocɛliɛ siɛnjuuliɛwɛ wáà wi 'koli nɛ̀ nyɛ́ nɛ̀ yiri.»

Zezi Kirisi Kataanna Siɛnrɛ dè Zan juumɔ nɛ̄ bè 1:21

A pe sí wi yúgo: «Ŋáasiɛn sí wī muɔ wè ? Elii lé ?» A wi 'pe yɛ: «ʔéʔe, m'bɛ̀ʔ.» A pe ń'nɛ̀ wi yúgo: «Kulocɛliɛ Siɛnjuuwo ŋáà wi yé je ga pɛn wè, wire wī lé muɔ wè ?» A wi 'jo: «ʔéʔe, m'bɛ̀ʔ.»

Zezi Kirisi Kataanna Siɛnrɛ dè Zan juumɔ nɛ̄ bè 1:25

A pe 'wi yúgo nɛ́ wi yɛ: «Ki sí mɛni á muɔ nɛ siɛnnɛ batiize bèle, a ki yē muɔ bɛ̀ʔ Kulocɛliɛ Siɛnnyiɛnɛgɔnwɔ wèʔ, muɔ sí ní wè Elii wèʔ, nɛ̀ pínɛ muɔ bɛ̀ʔ Kulocɛliɛ Siɛnjuuwo wè wèʔ ?»

Zezi Kirisi Kataanna Siɛnrɛ dè Zan juumɔ nɛ̄ bè 4:19

A cɛliwɛ wi 'jo: «Kàfɔli, mi 'ki nyaa Kulocɛliɛ siɛnjuuwo wī muɔ wè !

Zezi Kirisi Kataanna Siɛnrɛ dè Zan juumɔ nɛ̄ bè 6:14

Bà siɛnnɛ pe 'fìɛ ŋáà nyaa wè ŋàa wi 'kpíʔile wè, a pe 'jo: «Bè ki juu kányiʔɛ nɛ̄ gè, ŋàa wire wī Kulocɛliɛ Siɛnjuuwo wè, ŋàa wi yé je ga pɛn duniya nī wè.»

Zezi Kirisi Kataanna Siɛnrɛ dè Zan juumɔ nɛ̄ bè 9:17

A pe sí ń'nɛ̀ fúɔn yúgo wè nɛ́ wi yɛ: «Muɔ wè do, muɔ nyapigele wi nyɛ́nì múgu, gíi muɔ bé gbɛ̀ juu wi wori nɛ̄ dè ?» A wi 'jo: «Kulocɛliɛ siɛnjuuwo wī.»

Kakpiʔiligele 5:5

Bà siɛnrɛ dáà ti 'jíin Ananiyasi ngbúʔulo nī gèle, a wi 'fali nɛ̀ nyɛri nɛ̀ tuu nɛ̀ kùu. Siɛnnɛ bílì pe 'kaala náà lúʔu lè, a ki 'fíɛrɛ cò pe nɛ̄ kpuʔɔ.

Kakpiʔiligele 7:37

Kire Misa nuwɔ wire wi cé ki juu Isirayɛli pìile mɛ́ bèle nɛ́ pe yɛ: Kulocɛliɛ wi bága siɛnjuuwo wáà yige yeli siinyɛninɛ sunʔɔmɔ nī bè bɛ̀ mi tíɛlɛ.

Galasiyé 1:24

A pe díɛ nɛ nyu nɛ Kulocɛliɛ tòbiló wè mi sìi kɛnmɛ nɛ̄ bè.

Fànʔa Kajuʔulo 18:15

«Gìi sí gī baa gè, siɛnjuuwo wáà Yewe muɔ Kulocɛliɛ bága yige bɛ̀ mi tíɛlɛ yeli siɛnnyɛninɛ sunʔɔmɔ nī bè, wire mɛ́ yeli 'yɛli bèri lúru.