Luku 6:7 - Sénoufo Nyarafolo

⁷ A Fànʔa Siɛnrɛ sɛbɛcɛ́nminɛ bèle nɛ́ Fariziɛnnɛ ní bèle, a pe 'yɛ̀ nɛ wi wéli nɛ ciʔige, a ki yē wi bé siɛn puʔɔ cɛndɛnigɛ nī gè, bé sí còdiɛlɛ taa wi nɛ̄.

Luku 6:7 Iomraidhean Croise

Ŋúnuyɔ 38:12

Mi yaama pire kɛnmɛ nɛ̄ bè, a mi siɛndɛninɛ nɛ́ mi nàgorilo pe 'fɛ̀ mi nɛ̄; bàli pe 'kpɔni mi nɛ̄ bèle, a pe 'yéri liilige.

Matiye 5:39

Mi wè mi sí yeli yɛ, fǎri ki càá siɛn ŋáà mɛ́ wi 'kapiʔi kpíʔile muɔ nɛ̄ wèʔ. A siɛn 'muɔ kpúɔn kàliige gbandelige nɛ̄ gè, ma gbandelige gíì yiʔɛ gè wi mɛ́.

Mariki 3:2

A Fariziɛnnɛ pe 'kò nɛ Zezi ciʔige wè, a ki yē wi bága kavɛnigɛ nàguɔ ŋáà puʔɔ wè cɛndɛnigɛ nī gè, dí peli sí kateligile taa bè wi cò.

Luku 13:14

A kire 'tɛnmɛzaʔa kàfɔli biɛn wè, bɛ̀ Zezi wi 'cɛliwɛ ŋáà puʔɔ wè cɛndɛnigɛ nī gè, a wi 'ki juu siɛnniʔɛmɛ mɛ́ bè, nɛ́ jo: «Cɛnyɛ kɔlini yī baa baakuɔcɛnyɛ yè. Ye- sí de báan kire cɛnyɛ yire nī ye pari pori yeli yaama nī bè, yé sí cɛndɛnigɛ cɛngɛ yaʔa gè !»

Luku 20:20

A pe 'kò nɛ wi kakpiʔiligele ciʔige gèle, nɛ́ sí siɛnnɛ pálì tórigo baa wi kúrugu, pe- sa pìye kpíʔile peli yē siɛnsinminɛ, bé sí taa bè Zezi taa wè cò wi siɛnjuuro nī dè, bè wi kɛn ki tiʔɛ tɛ́nimɛ kùlofɔli mɛ́ wè, pe kàfɔli wè.

Zezi Kirisi Kataanna Siɛnrɛ dè Zan juumɔ nɛ̄ bè 9:16

Fariziɛnnɛ pe gboli nī lè a pàli 'taa baa nɛ̀ jo: «Nàguɔ ŋáà wiì kɔ́n Kulocɛliɛ mɛ́ʔ, á kire 'laa wè, yeli sì nyaa wè lé, wi wè nɛ tɔ́ri nɛ́ cɛndɛnigɛ ní gèʔ.» A pàli sí jo: «Mɛni kapiigbiʔiliwe bé gbɛ̀ jáa de kakpoliyo nyáà feliye kpínʔini yè ?» A pe 'wáligi.