Luku 6:6 - Sénoufo Nyarafolo

⁶ Cɛndɛnigɛ cɛngɛ káà cígini, a Zezi wi 'kɛ́ tɛnmɛzaʔa mɛ́ gè nɛ̀ sɛ́ni siɛnnɛ tɛnmɛ bèle. A ki 'nyaa nàguɔ wáà 'puu baa, kàliige ki 'puu wi nɛ̄ mɔ̀nigɔ.

Luku 6:6 Iomraidhean Croise

Matiye 4:23

A Zezi wi 'líɛ nɛ tòrí Galile tɛ́nimɛ pi mìɛni nī bè nɛ siɛnnɛ tɛnmɛ bèle pe tɛnmɛzaaya nī yè, níɛ Kùlofɔligɔ ki Kataanna Siɛnrɛ jáari dè, nɛ yaama feliye yi mìɛni pori nɛ́ siɛnkpɔlilɔ pe mìɛni ní bèle kùlo nī lè.

Luku 13:10

Cɛndɛnigɛ cɛngɛ káà, Zezi wi 'puu nɛ siɛnnɛ tɛnmɛ bèle tɛnmɛzaʔa káà mɛ́.

Luku 14:3

A Zezi wi 'yúgogolo kálì wáa Misa Fànʔa Siɛnrɛ sɛbɛcɛ́nminɛ mɛ́ bèle, peli nɛ́ Fariziɛnnɛ ní bèle nɛ́ pe yɛ: «Cɛndɛnigɛ cɛngɛ nī gè siɛn 'yɛli bè yaawa puʔɔ lé, dí wi cíi ?»

Luku 4:16

A wi 'kɛ́ Nazarɛti kàʔa mɛ́, baa wi cé liɛ kire tiʔɛ nī. Nɛ̀ yɛli nɛ́ bɛ̀ wi cé dàli nɛ ki kpínʔini gè, a wi sɛ́nì jíin tɛnmɛzaʔa nī gè cɛndɛnigɛ cɛngɛ gè, nɛ̀ yɛ̀ nɛ̀ yéri bè Kulocɛliɛ siɛnrɛ wéli dè bé ti juu bè tìɛ siɛnnɛ nɛ̄ bèle.

Luku 4:31

A Zezi wi 'kɛ́ Kapɛrinawu kàʔa mɛ́ gè, n'gɛ baa Galile tɛ́nimɛ nī bè. A cɛndɛnigɛ cɛngɛ cé gbɛ́nɛ̀ nɔ̀ gè, wi nɛ̂ cé sɛ́ni siɛnnɛ tɛnmɛ bèle.

Luku 6:1

Cɛndɛnigɛ cɛngɛ káà, Zezi wi 'puu nɛ tòrí bíle siʔi káà nī. A wi pìtɛnmɛnɛ pe 'yɛ̀ nɛ bíle pìige mùnú gè nɛ káa.

Luku 6:5

A wi ní nɛ̀ pe yɛ: «Siɛn Pùɔ wiī cɛndɛnigɛ ki kàfɔli.»

Zezi Kirisi Kataanna Siɛnrɛ dè Zan juumɔ nɛ̄ bè 5:3

Yaala nìʔɛnɛ 'puu nɛ waa nɛ sìnɛ́ baa kobiyo nyáà nī yè: fúɔnnɔ 'puu baa, lolilo 'puu baa, tamɔnigiyɔfɔlilɔ 'puu baa nɛ̀ pínɛ. [Pe nìɛ ki siri luʔɔ ki ga fílaga.

Zezi Kirisi Kataanna Siɛnrɛ dè Zan juumɔ nɛ̄ bè 9:16

Fariziɛnnɛ pe gboli nī lè a pàli 'taa baa nɛ̀ jo: «Nàguɔ ŋáà wiì kɔ́n Kulocɛliɛ mɛ́ʔ, á kire 'laa wè, yeli sì nyaa wè lé, wi wè nɛ tɔ́ri nɛ́ cɛndɛnigɛ ní gèʔ.» A pàli sí jo: «Mɛni kapiigbiʔiliwe bé gbɛ̀ jáa de kakpoliyo nyáà feliye kpínʔini yè ?» A pe 'wáligi.