Luku 6:2 - Sénoufo Nyarafolo

² A Fariziɛnnɛ pálì 'taa nɛ̀ pe yúgo nɛ́ jo: «Gáa yeli nɛ kpínʔini mmɛ gè, níɛ kaala náà kúu lè, nàa niì yɛli bè kpíʔileʔ cɛndɛnigɛ nī gè  ?»

Luku 6:2 Iomraidhean Croise

Yirile 22:10

bè kàsii kúɔ wè, ŋàa wi yé yajuʔu cò gè, wi bé kàli Yewe míʔɛ nɛ̄ gè bé jo wire kɔli kiì nɔ̀ yajuʔu nɛ̄ gèʔ. Yajuʔufɔli wè, wi 'yɛli wi- tɛ́ngɛ wi siɛnrɛ nɛ̄ dè; kiì nyaa fànʔa ŋìi wi- ki sàri wi mɛ́ʔ.

Yirile 31:15

Cɛnyɛ kɔlini sunʔɔmɔ nī bè, yeli bé yeli baara ti mìɛni kúɔ. Kɔlisiinwuʔu nɛ̄ gè, kire yē cɛndɛnigɛ nɛ́ ní cɛnŋɔdaʔa wàlidɛngɛgɛ Yewe mɛ́ wè; yeli sǐ baara yafiɛn kúɔʔ. A siɛn ó siɛn 'baapile nigbe kúɔ kire cɛngɛ nī gè, wi 'yɛli pe- wi kpúu wī.

Yirile 35:2

Yeli bé yeli baara ti mìɛni kúɔ cɛnyɛ kɔlini sunʔɔmɔ nī, nɛ̀ ki yaʔa cɛnyɛ kɔlisiinwuʔu gè kire bé puu yeli mɛ́ cɛndɛnigɛ nɛ́ ní cɛnŋɔdaʔa wàlidɛngɛgɛ Yewe mɛ́ wè; yeli sǐ baara yafiɛn kúɔʔ. A siɛn ó siɛn 'baara kúɔ kire cɛngɛ gè, pe bé wi kpúu wī.

Matiye 12:2

Bà Fariziɛnnɛ pe kire nyaa gè, a pe 'fali nɛ̀ Zezi yɛ wè: «Nyaa, gàa muɔ pìtɛnmɛnɛ pe kpínʔini bèle, gàa kiì yɛli bè kpíʔile cɛndɛnigɛ nī gèʔ.»

Matiye 15:2

«Gáa nɛ̄ muɔ pìtɛnmɛnɛ pe wè nɛ kaliʔɛlɛ kpóri gèle, gàli we 'yɛ̀ nɛ̀ nyaa liɛlɛ mɛ́ bèle ? níɛ̀ nɛ búru káa wè kiyɛ ní yè sìnjige nī yè ?»

Mariki 2:24

A Fariziɛnnɛ pe 'Zezi yɛ wè o: «Gáa nɛ̄ muɔ pìtɛnmɛnɛ piyē nɛ kire kpínʔini, kaala náà niì yɛli bè kpíʔile cɛndɛnigɛ nī gè wèʔ ?»

Luku 5:33

A pe 'Zezi yɛ wè: «Zan pìtɛnmɛnɛ pe 'dàli nɛ sún nii níɛ náari. Fariziɛnnɛ wuulo piyē nɛ ki kpínʔini nɛ pínɛ. Muɔ wuulo peli yē nɛ líi wī níɛ gbun.»

Zezi Kirisi Kataanna Siɛnrɛ dè Zan juumɔ nɛ̄ bè 5:16

A kire 'fali nɛ̀ kpíʔile kaala Zuufulo yiɛgininɛ mɛ́ bèle, a pe 'yɛ̀ nɛ Zezi túngu wè, dí gáa nɛ̄ wi kɛ́nì kire kpíʔile cɛndɛnigɛ nī gè.