Luku 6:12 - Sénoufo Nyarafolo

¹² Ki cɛnyɛ nyáà nī yè, a Zezi wi 'kɛ́ nyagurugo naamɛ gè nɛ̀ sɛ́ni Kulocɛliɛ náari. A wi 'kò baa nɛ̀ náari nɛ̀ kpìɛnmɛ tuu.

Luku 6:12 Iomraidhean Croise

Ŋúnuyɔ 22:2

Mi Kulocɛliɛ, mi Kulocɛliɛ, gáa nɛ̄ muɔ 'mi wáa  ? Muɔ 'kò liilige; muɔ sì pɛn nɛ̀ pɛ́nì mi suɔʔ, nɛ̀ ki yaʔa mi nɛ kòkuugbuɔlɔ wáari lè.

Matiye 5:1

Bà Zezi wi 'siɛnniʔɛmɛ nyaa bè pi báan wi kúrugu bè, a wi sɛ́nì tánʔa nɛ̀ tɛ́ni nyagurugo nɛ̄. A wi pìtɛnmɛnɛ pe 'kɛ́ nɛ̀ sɛ́nì kpɔni wi nɛ̄.

Matiye 6:6

Muɔ wè, a muɔ je Kulocɛliɛ náari wè, ma jíin muɔ saʔa laamɛ nī bè, má kɔ̀ri tɔ́n gè mári muɔ Tuu náari wè; wiī baa làrimɛ nī bè. Bɛ̀ muɔ Tuu wè, wi nyɛ́ni wéli nɛ nyaʔa baa làrimɛ nī bè, wi bé ki tɔ̀ni kɛn wè muɔ mɛ́.

Mariki 1:35

Ki kpìɛnduu sínbinimɛ nī bè, ki ní nɛ tíin wuɔmɔ nī dè, a Zezi wi 'yiri nɛ̀ kɛ́ tiʔɛ káà nī, baa siɛnnɛ sì puu bèleʔ, nɛ̀ sɛ́ni Kulocɛliɛ náari.

Mariki 3:13

Kire kàduʔumɛ gè, a Zezi sɛ́nì tánʔa nyagurugo nɛ̄, nɛ̀ siɛnnɛ pálì nyíɛnɛ nɛ̀ kɔ̀n gboli nī lè, bìli wi 'puu nɛ caa pe- kò nɛ́ wire ní bèle. A pe 'kɛ́ wi kúrugu.

Mariki 6:46

Bà wi kɛ́nì siɛnnɛ tórigo bèle nɛ̀ kúɔ wè, a wi 'kɛ́ nɛ̀ sɛ́nì tánʔa nyagurugo naamɛ bè Kulocɛliɛ náari.

Luku 5:16

Nɛ̀ ki yaʔa Zezi wi nàa yigi pe táanni nɛ waa larigɛ nī baa siɛnnɛ wè yē wèʔ, nɛ waa nɛ Kulocɛliɛ náari wè.

Luku 6:11

A ki 'pe biɛn nɛ waa bè kàala yɛ̀gɛ pe nī. A pe 'yɛ̀ nɛ nyu nɛ kúnʔɔri nɛ tìí pìye nɛ̄, nɛ̀ jo gáa pe bé kpíʔile Zezi nɛ̄ wè ?

Luku 6:17

A wi 'tìgi nyagurugo nɛ̄ gè nɛ́ pe ní nɛ̀ sɛ́nì yéri tiʔɛ káà nī, kire 'puu kpàanjali. A wi pìtɛnmɛnɛ pe 'pɛn nìʔɛbɛlɛ nɛ̀ fàri siɛnniʔɛmɛ nɛ̄ bè, kùlo ni wuulo bèle: Zude tɛ́nimɛ siɛnnɛ, Zerizalɛmi kàʔa wuulo, nɛ́ Tiiri nɛ́ Siidɔn kàaya wuulo bèle, baa kuʔɔjii táanni wè.

Luku 9:18

Làa nɛ̄ Zezi wi 'puu nɛ Kulocɛliɛ náari larigɛ káà nī; wi pìtɛnmɛnɛ pe 'puu baa wi ní. A wi kɛ́nì pe yúgo nɛ́ jo: «Siɛnnɛ piyē nɛ wáa dí mi yē ŋáasiɛn ?»

Luku 9:28

Cɛnyɛ kataanri felige 'tóri kire kàduʔumɛ gè, a Zezi wi 'Piɛri kɔ́ri, wire nɛ́ Zan nɛ́ Zaki, a pe sɛ́nì tánʔa nyagurugo naamɛ gè bàa Kulocɛliɛ náari.

Luku 9:29

Bà Zezi wi 'puu nɛ náari wè, a wi yiʔɛ ki kɛnmɛ pi kɛ́nì yiʔɛ, a wi bururo míɛni ti 'yiʔɛ nɛ fíligi pérepere, níɛ nyíʔɛnɛ.

Zezi Kirisi Kataanna Siɛnrɛ dè Zan juumɔ nɛ̄ bè 6:3

A Zezi wi sí sɛ́nì tánʔa nyagurugo nɛ̄ gè nɛ̀ tɛ́ni baa nɛ́ wi pìtɛnmɛnɛ ní bèle.

Kolɔsiyé 4:2

Ye- puu yeri waa náarigɛ nɛ̄ gè, bɛ̀ yeli bé puu gbòboriyaʔala súuri bèri Kulocɛliɛ síɛri wè.

Eburulo 5:7

Bè Zezi yaʔa wè céri nī dè náʔa dàala nɛ̄ lè, a wi 'Kulocɛliɛ náari wè nɛ́ wi fiɛn nɛ́ yékpogbuɔlɔ ní nɛ́ yéturo ní, nɛ́ ki cɛ́n Kulocɛliɛ wire wi cî gbɛ̀ wi suɔ kùu mɛ́ wè. A Kulocɛliɛ wi 'lúʔu wi mɛ́, bɛ̀ wi yé wìi cɛ́rigɛ wire mɛ́ wè.