Luku 5:8 - Sénoufo Nyarafolo

⁸ Bà Siimɔ Piɛri 'kire nyaa gè, a wi 'tìgi nɛ̀ káguro wáa Zezi yiʔɛ mɛ́ gè, nɛ́ fali nɛ̀ jo: «Kàfɔli, sìʔɛrɛ mi táanni, mi yē kapiibuuwo.»

Luku 5:8 Iomraidhean Croise

Yirile 20:19

A pe sí Misa yɛ wè: «Te nyu nɛ́ weli ní muɔ tíimɛ wè; weli béri lúru muɔ mɛ́. Kiì yɛli Kulocɛliɛ wire tíimɛ de nyu nɛ́ weli ní mmɛ gèʔ, kire ga laa weli fǎga kùuʔ.»

Matiye 17:6

Bà pìtɛnmɛnɛ bálì pe 'juumɔ báà lúʔu bè mmɛ gè, a pe 'tìgi nɛ̀ tuu nɛ̀ yiɛyɛ tɔ́n yè; ki 'nyaa fíɛrɛ cé pe cò kpuʔɔ.

Matiye 2:11

A pe 'jíin saʔa nī gè, nɛ̀ pùɔ nyaa wè baa nɛ́ Maari ní wè, wi yàa wè. A pe 'tìgi nɛ̀ káguro wáa, nɛ̀ kpuʔɔrɔ taʔa wi nɛ̄. Nɛ́ fali nɛ̀ pe tugoro sáʔala dè, nɛ̀ yɛrɛ yige nɛ̀ kpuʔɔrɔ kpíʔile pùɔ mɛ́ wè: tiɛ, nɛ́ wusuna, nɛ́ miiri sùnmɔ.

Matiye 8:8

A kapiɛngbuɔnnɔ dabataan kàfɔli wi ní nɛ̀ wi yɛ: «Miì nyuɔ nɛ̀ yɛli muɔ jíin mi saʔa nī gèʔ. Mi sí nyɛ́nì tɛ́ngɛ ki nɛ̄, a muɔ cɛ́nì siɛnrɛ juu yákuɔ wè, mi baakuɔwɔ wi bé puʔɔ.

Luku 5:7

A pe 'pe fúɔconyɛninɛ yeri bèle, bàli pe 'puu baa kɔ́ri gíì nī gè, a pe pɛ́nì pe sáʔa. A pe 'kɔ́riyɔ yi siin le yè a yi 'nyì fúɔlɔ nɛ̄ bèle, fúɔ yi waa bè tìgi nɛ́ pe ní luʔɔ nī gè.

Luku 5:9

Ki 'nyaa fúɔlɔ bálì pe yé cò bèle, pe yé niʔɛ nɛ̀ tóri. A fíɛrɛ 'wi cò kpuʔɔ wire nɛ́ bìli pe 'puu baa kɔ́riyɔ nī yè.

Zezi Kirisi Kataanna Siɛnrɛ dè Zan juumɔ nɛ̄ bè 11:32

Bà Maari wi sɛ́nì nɔ̀ baa tiʔɛ gíì nī Zezi wi 'puu wè, nɛ́ sí wi nyaa wè, a wi 'tìgi nɛ̀ tuu wi táanni, nɛ́ wi yɛ: «ʔé Kàfɔli, a muɔ cé puu náʔa wè, mi siinyɛni wiǐ sî kùuʔ !»

Korɛntiyé 1 13:12

Bɛ̀ ki yē ŋɔ̀ wè, dibale nī weli nɛ wéli, níɛ ki nyaʔa vúɔnɔvuɔnɔ. Cɛngɛ káà sí nɛ báan baa, we bága de wi nyaʔa yiʔɛ nī wī. Bɛ̀ ki yē ŋɔ̀ wè, mi 'tàa paʔa nɛ̀ cɛ́n wī; cɛngɛ káà sí nɛ báan baa, m'bága kele sɔ́migɔ gèle bè ke cɛ́n majo mɛni Kulocɛliɛ wi 'mi cɛ́n wè.

Tìɛlɛ 1:17

Bà mi 'wi nyaa wè, a mi 'tuu wi tɔliyɔ láara yè nɛ̀ kò bɛ̀ kpúu tíɛlɛ. A wi sí wi kàliige taʔa gè mi nɛ̄ nɛ́ jo: «Fàri fìʔɛ́ʔ, mi wī péliwe wè nɛ́ ní sɛnwɛ wè.