Luku 5:12 - Sénoufo Nyarafolo

¹² Làa nɛ̄ Zezi wi 'puu kàʔa káà nī. A yaanyiɛmɛfɔli wáà pɛ́nì yiri wi kúrugu, yaama pi cé wi céri ti mìɛni cò. A wi sɛ́nì tuu nɛ̀ cúbulo Zezi yiʔɛ mɛ́ gè nɛ́ jo: «Kàfɔli, a muɔ 'fɔ̀li, muɔ bé gbɛ̀ mi cìile.»

Luku 5:12 Iomraidhean Croise

Sélimɛ 18:14

Yakaa yē baa lé gàa ki 'Yewe jáa wè ? Yiɛlɛ láà bìinɛ ŋáà nī wè, m'bé ní koli bɛn muɔ mɛ́; Sara wi bé jaafɔli taa.»

Ŋúnuyɔ 50:15

Fùrɔgɔ lɛ̀lɛ nī lè, mari mi náari. M'bé muɔ líɛ bè yige ki nī, kire ga buu muɔ de mi kpóri.»

Ŋúnuyɔ 91:15

A wi 'mi yeri wè, m'bé lúʔu wi mɛ́, m'bé puu nɛ́ wi ní fùrɔgɔ lɛ̀lɛ nī lè, m'bé wi suɔ bé kpuʔɔrɔ taʔa wi nɛ̄.

Yirile 4:6

A Yewe ń'nɛ̀ wi yɛ: «Píra ŋáà nī wè, -muɔ kɔli le gè burugbuʔɔ láara gè, sìndinge tiʔɛ nī gè.» A wi 'kɔli le gè burugbuʔɔ láara gè. Bà wi kɛ́nì ki yige gè, cí ! a wi 'ki nyaa a yaanyiɛmɛ 'ki cò a ki 'fílige pérepere.

Leviiyé 13:16

A nɔmirɔ ti 'puʔɔ nɛ̀ nyuɔ nɛ̀ kò césɛngɛ tíɛlɛ gè, siɛn wi bé koli bɛn kacuɔnriwɔ mɛ́ wè.

Leviiyé 9:24

A kàsun káà 'yiri Yewe yiʔɛ mɛ́ gè nɛ̀ ti mìɛni sórigo dàa ti 'puu gbùʔɔrɔdiʔɛ yafanʔa nɛ̄ gè, kakuɔrɔ kaasuʔuro dè nɛ́ sùnmɔ tiɛyɛ ní yè. A siɛnnɛ pe mìɛni pe 'ki nyaa, a pe 'fali nɛ̀ fundaanra kòkuʔulo wáa nɛ́ tuu nɛ̀ yiɛyɛ cúbulo yè dàala nɛ̄ lè Yewe yiʔɛ mɛ́ gè.

Matiye 26:6

A ki 'nyaa Zezi wi cé kɛ́ Betanii vògo mɛ́, nɛ̀ sɛ́nì puu Siimɔ yaanyiɛmɛfɔli saʔa mɛ́.

Matiye 9:28

Bà Zezi wi sɛ́nì jíin saʔa nī gè, a fúɔnnɔ pe 'kɛ́ baa wi kúrugu. A wi 'pe yúgo nɛ́ pe yɛ: «Yeli 'tɛ́ngɛ lé gàa yeli 'juu gè, m'bé gbɛ̀ ki kpíʔile lé ?» A pe 'jo: «ʔaan, Kàfɔli.»

Luku 17:16

A wi 'kɛ́ nɛ̀ sɛ́nì tuu nɛ̀ yiʔɛ cúbulo gè dàala nɛ̄ Zezi tɔliyɔ táanni yè nɛ́ wi síɛri nɛ̀ barigɛ kɛn wi mɛ́. Nɛ̀ sí ki taa Samariiyé wuu wi 'puu.

Luku 5:13

A Zezi wi 'kɔli sáʔa gè nɛ̀ cò nɛ̀ taa nàguɔ nɛ̄ wè, nɛ́ jo: «Mi 'fɔ̀li ki nɛ̄, puʔɔ ma cìile.» A yaanyiɛmɛ pi 'fali nɛ̀ láʔa nàguɔ nɛ̄ wè sɛni.

Fànʔa Kajuʔulo 24:8

«Te mìɛ ciʔige cetinnɛ yaanyiɛmɛ wuʔu nɛ̄ gè, mari ki sɔ́migi mari kpínʔini gàa nɛ̄ Leviiyé kacuɔnrilɔ pe béri yeli tɛnmɛ gè. Yeri ki sɔ́migi yeri kpínʔini bè yɛli nɛ́ gàa ní mi 'juu nɛ̀ gbɛ̀ngɛ pe mɛ́ gè.

Eburulo 7:25

Kire nɛ̄ wi bé gbɛ̀ pe 'suɔ bè forigo bàli pe 'sìʔɛrɛ nɛ̀ kpɔni Kulocɛliɛ nɛ̄ wè wi kɛnmɛ nɛ̄ bè, nɛ́ ki cɛ́n wiī wiiwe súuri bèri kàsulugo kpínʔini pe wuʔu nɛ̄ gè.