Luku 4:6 - Sénoufo Nyarafolo

⁶ nɛ́ fali nɛ̀ Zezi yɛ wè: «Fànʔa gáà ki mìɛni gè nɛ́ ki kpuɔmɔ ní bè m'bé ti kɛn muɔ mɛ́, nɛ̀ taʔa gíi nɛ̄, pe nyɛ́nì ti kɛn m'mɛ́, nɛ̀ pínɛ a siɛn ŋíì 'mi dɛ́ni m'bé ti kɛn ki siɛn mɛ́ wè.

Luku 4:6 Iomraidhean Croise

Luku 4:7

A muɔ 'káguro wáa mi yiʔɛ mɛ́ gè nɛ̀ mi gbùʔɔrɔ wè, ti mìɛni bé kò muɔ wori.»

Zezi Kirisi Kataanna Siɛnrɛ dè Zan juumɔ nɛ̄ bè 12:31

Duniya ŋáà wi kàyuʔu kire ki 'séli nɛ̀ kúɔ ŋɔ̀ wè. Bɛ̀ ki yē ŋɔ̀ wè, pe bé duniya ŋáà wi kàfɔli cìra wè bè yige kpànʔanɛ.

Zezi Kirisi Kataanna Siɛnrɛ dè Zan juumɔ nɛ̄ bè 14:30

Mi sì ń'nɛ̀ je siɛnrɛ juu nìʔɛrɛ nɛ́ yeli níʔ. Ki 'nyaa duniya kàfɔli wiī nɛ báan baa; wi fànʔa sí wè mi nɛ̄ tiɛlɛ láà fáala nīʔ.

Zezi Kirisi Kataanna Siɛnrɛ dè Zan juumɔ nɛ̄ bè 8:44

Gbòdolilo kàfɔli wī yeli tuu wè, nɛ̀ pínɛ wire kanɛdanʔana kpíʔile láa gī yeli nɛ̄. Wire wī siɛnkpuuwo wè, bà ki 'líɛ baa sélimɛ nɛ̄ bè. Nɛ̀ pínɛ wi wè nɛ yèrí kányiʔɛ nɛ̄ʔ, nɛ̀ taʔa gíi nɛ̄, kányiʔɛ wè wi mɛ́ púloʔ. A wi gbɛ́ni nyu níɛ finɛnɛ wè, wi nìɛ ki kpínʔini bɛ̀ wi kaliɛmɛ nɛ̄ bè; kire sí nyɛ́nì taa bɛ̀ ki 'nyaa wiī káfinɛvinɛwɛ wè, nɛ́ ní káfinɛrɛ tuu wè.

Korɛntiyé 2 11:14

Kire sí wè funwuɔrɔwuʔuʔ, nɛ́ ki cɛ́n Setɛni tíimɛ wi nɛ̂ gbɛ̀nɛ wìi yiʔɛ nɛ̀ wìi kpíʔile kpìɛnmɛ nyìʔɛnɛ tundunwɔ.

Efɛziyé 2:2

Bɛ̀ yeli 'puu nɛ yeli sìi tári wè kire kɛnmɛ nɛ̄ bè, duniya ŋáà siɛnnɛ pe tánʔagɛnmɛ nɛ̄ bè. Yeli 'puu nɛ lúru yebilige wuulo fàanya yi kàfɔli nɛ̄ wè, kire pìle náà lire ni nyɛ́ni siɛnsinluʔulo pe sìi kàrigí wè ŋɔ̀ wè.

Piɛri 1 1:24

Nɛ́ ki cɛ́n ki nyɛ́nì sɛbɛ nɛ́ jo: Lewiile pe mìɛni yē bɛ̀ nyàʔa tíɛlɛ, pe cɛ̀nmɛ pi mìɛni yē bɛ̀ nyàʔa fiɛnrɛ tíɛlɛ; nyàʔa ki nɛ̂ waʔa, ki fiɛnrɛ ti nɛ̂ tuu.

Zan 1 5:19

Weli 'ki cɛ́n weli yē Kulocɛliɛ pìile, á duniya wi mìɛni yē Sìpiiwe fànʔa láara gè.

Tìɛlɛ 12:9

A pe 'yapiʔi kpuʔɔ cìra gè. Kire gī wɔ̀biliʔɛ gè, pe ki ye gbòdolilo kàfɔli wè nɛ́ Setɛni wè. Wire wi nyɛ́ni duniya wuulo pe mìɛni fáanni nɛ pe pùunní, a pe 'wi cìra nɛ̀ tìrige dàala nɛ̄ lè nɛ́ wi tundunminɔ ní bèle.

Tìɛlɛ 13:2

Nyàʔayɛgɛ gíì mi cé nyaa gè, ki 'puu bɛ̀ sàndiɛn tíɛlɛ, ki tɔliyɔ yi 'puu bɛ̀ kàdafiige woyo tíɛlɛ, ki nyuɔ ní gè bɛ̀ jàri nyuɔ tíɛlɛ. A yapiʔi ki 'ki ŋɔri kɛn dè nɛ́ ki kùlofɔlilɔ kácunʔɔ ní gè nyàʔayɛgɛ mɛ́ gè, nɛ̀ fànʔa kɛn nyàʔayɛgɛ mɛ́ gè kpuʔɔ.

Tìɛlɛ 13:7

A nyàʔayɛgɛ ki 'larigɛ taa nɛ kapiɛnnɛ kpúɔn Kulocɛliɛ wuulo nɛ̄ bèle nɛ̀ pe jáa. A pe 'fànʔa kɛn gè ki mɛ́ ki de fànʔa kpúɔn siɛnnɛ feliye yi mìɛni nɛ̄, kùlogolo ke mìɛni nɛ̄, siɛnrɛ felide ti mìɛni nɛ̄, nɛ́ duniya siɛnfeliye yi mìɛni nɛ̄ yè.