Luku 4:5 - Sénoufo Nyarafolo

⁵ A gbòdolilo kàfɔli wi 'wi kɔ́ri nɛ̀ yɛ̀gɛ tiɛkpaʔaligɛ káà nī, nɛ̀ sɛ́nì duniya kùlofɔliyɔ yi mìɛni tìɛ yè wi nɛ̄ lɛ̀nunɔ nī sɛni,

Luku 4:5 Iomraidhean Croise

Ŋúnuyɔ 73:19

Cí ! Kiì cɛ́nì mɔgɔʔ a pe 'pùunni, bà kùu fíɛrɛ ti 'pe cɛrigɛ nɛ́ pe cúʔɔ nɛ̀ kúɔ wè.

Matiye 24:14

Nɛ̀ pínɛ Kùlofɔligɔ ki Kataanna Siɛnrɛ dáà ti bé jáari bè tóri duniya tiɛrɛ ti mìɛni nī, ki- puu kacɛ́nnɛ kùlogolo ke mìɛni mɛ́ gèle; píra ŋáà nī wè, dí duniya kúɔ lɛ̀lɛ ni sí nɔ̀.»

Matiye 4:8

A gbòdolilo kàfɔli wi ní nɛ̀ wi kɔ́ri nɛ̀ kɛ́ nɛ́ wi ní nyagurukpaʔaligɛ naamɛ gè, gìi ki 'kpàʔala yi mìɛni nɛ̄ yè; nɛ̀ sɛ́nì duniya kùlofɔliyɔ yi mìɛni tìɛ wi nɛ̄ nɛ́ yi cɛ̀nmɛ ní bè,

Korɛntiyé 1 15:52

nyapikolilo nigbe nɛ̄, a kàkpanʔa wíizɛnnɛ ni kɛ́nì wíi lè. Nɛ́ ki cɛ́n kàkpanʔa káà bága wíi, dí kúbilo pe sí nyɛ́ bè yiri; fúnʔɔrɔ sì je puu pe nīʔ, dí weli sí yiʔɛ kɛnmɛ páà nɛ̄.

Korɛntiyé 1 7:31

Bìli pe 'dànʔami duniya nī wè, ki- puu majo piyè yakaa taaʔ, nɛ́ ki cɛ́n duniya ŋáà wi tòrí wī.

Korɛntiyé 2 4:17

Nɛ́ ki cɛ́n wuʔɔgɔ gáà gī weli nɛ̄ ŋɔ̀ wè, a we je ki tɔ́nminɔ gè, ki 'cɛ́ri nɛ̀ fáala kpuɔmɔ báà nī weli bága pa puu bè, bànguɔ kpuɔmɔ bè, kpuɔmɔ báà wuʔɔgɔ kiī nɛ kpínʔini nɛ yɛri weli mɛ́ bèle.

Efɛziyé 2:2

Bɛ̀ yeli 'puu nɛ yeli sìi tári wè kire kɛnmɛ nɛ̄ bè, duniya ŋáà siɛnnɛ pe tánʔagɛnmɛ nɛ̄ bè. Yeli 'puu nɛ lúru yebilige wuulo fàanya yi kàfɔli nɛ̄ wè, kire pìle náà lire ni nyɛ́ni siɛnsinluʔulo pe sìi kàrigí wè ŋɔ̀ wè.

Efɛziyé 6:12

Ki 'nyaa, cáanra dáà nɛ̄ we yē dè, céri kàsii bɛ̀ʔ. Ki 'nyaa kàfɔligɔ feliye yè nɛ́ fànʔafɔligɔ feliye yè, dàa dī duniya yebilige wuulo wori dè, Setɛni yapiire dè baa nyìʔɛnɛ tiɛyɛ nī yè, tire ní wiyē nɛ túngu.