Luku 4:43 - Sénoufo Nyarafolo

⁴³ A Zezi wi sí pe yɛ: «Ki 'yɛli mi sa Kulocɛliɛ Kùlofɔligɔ ki Kataanna Siɛnrɛ juu dè kàsɛnyɛ nī yè bè pínɛ, nɛ̀ taʔa gíi nɛ̄, kire kɛnmɛ nɛ̄ Kulocɛliɛ wi 'mi tun.»

Luku 4:43 Iomraidhean Croise

Matiye 4:23

A Zezi wi 'líɛ nɛ tòrí Galile tɛ́nimɛ pi mìɛni nī bè nɛ siɛnnɛ tɛnmɛ bèle pe tɛnmɛzaaya nī yè, níɛ Kùlofɔligɔ ki Kataanna Siɛnrɛ jáari dè, nɛ yaama feliye yi mìɛni pori nɛ́ siɛnkpɔlilɔ pe mìɛni ní bèle kùlo nī lè.

Mariki 1:35

Ki kpìɛnduu sínbinimɛ nī bè, ki ní nɛ tíin wuɔmɔ nī dè, a Zezi wi 'yiri nɛ̀ kɛ́ tiʔɛ káà nī, baa siɛnnɛ sì puu bèleʔ, nɛ̀ sɛ́ni Kulocɛliɛ náari.

Zezi Kirisi Kataanna Siɛnrɛ dè Zan juumɔ nɛ̄ bè 20:21

A Zezi wi ń'nɛ̀ pe yɛ: «Yanyige ki- puu yeli nɛ̄ ! Bɛ̀ Tuufɔli wi 'mi tun wè, mi míɛni mi 'yeli tun.»

Zezi Kirisi Kataanna Siɛnrɛ dè Zan juumɔ nɛ̄ bè 9:4

Bà cɛngɛ ki tíin kpìɛnmɛ bè, ki 'yɛli ŋàa wi 'mi tun wè, we- wi baara kúɔ dè. Pìlige ki bága wúɔ, siɛn sǐ ní gbɛ̀ baara kúɔʔ.

Kakpiʔiligele 10:38

«Kire Zezi wire sí wī Nazarɛti kàʔa wuu wè; Kulocɛliɛ cé wi nyíɛnɛ nɛ̀ kɔ̀n nɛ́ wi Pìle tìrige lè nɛ́ fànʔa kɛn gè wi mɛ́ wi tòrí tiɛrɛ ti mìɛni nī nɛ nyuʔɔ siɛnnɛ nɛ̄ bèle, nɛ pe pori níɛ pe suu gbòdolilo kàfɔli wuʔɔgɔ mɛ́ gè. Ki 'nyaa Kulocɛliɛ wi 'puu nɛ́ wi ní.

Timote 2 4:2

mari Kulocɛliɛ siɛnrɛ jáari dè nɛ́ lèbaanna ní. Mari ti nyu de gbɛ̀ngí de tìí pe nɛ̄ làjɛnnɛ nī lè nɛ́ làbiile ní lè. Mari pe kolimɔ nyu bè pe nɛ̄, mari lèbaanna nyɔ́gi pe nī. Mari ki kpínʔini nɛ́ funnyige ní muɔ tɛnmɛnɛ ni mìɛni nī lè.