Luku 4:41 - Sénoufo Nyarafolo

⁴¹ Gbòdolilo feliye sáa cé yiri yaala nī bèle níɛ kòkuʔulo wáari náa wáa: «Muɔ wī Kulocɛliɛ Jaa wè !» Zezi wi 'puu nɛ jɛnmɛ gbòdolilo nɛ̄ bèle, wiì puu nɛ yèrí ki nɛ̄ peri nyuʔ. Ki 'nyaa pe yé ki cɛ́n dí wire wī Kulocɛliɛ Siɛnnyiɛnɛgɔnwɔ wè.

Luku 4:41 Iomraidhean Croise

Matiye 26:63

A Zezi wi 'pìiri. A kacuɔnrilɔ kàfɔli kpuɔwɔ wi 'wi yɛ: «Kàli Kulocɛliɛ wewiiwe nɛ̄ wè, ma ki juu we mɛ́ a ki yē muɔ wī Kulocɛliɛ Siɛnnyiɛnɛgɔnwɔ wè, Kulocɛliɛ Jaa wè !»

Matiye 4:3

A Setɛni wi 'pɛn wi kúrugu bè pa wi puu wéli, nɛ̀ pɛ́nì wi yɛ: «A ki yē muɔ yē Kulocɛliɛ Jaa wè, ma juu nɛ́ sìndɛniyɛ nyáà ní yè, yi- kò búru wêli.»

Matiye 8:16

Cɛnguʔɔ gè a pe 'pɛn nɛ́ gbòdolilofɔlilɔ ní wi kúrugu nìʔɛbɛlɛ; a wi 'gbòdolilo cìra bèle nɛ̀ yige nɛ́ wi nyasiɛnrɛ ní dè, nɛ̀ pínɛ a wi 'yaala pe mìɛni puʔɔ.

Matiye 8:29

A pe 'fali nɛ̀ pɛ́ni nyu nɛ kpɛ̀ní, nɛ́ jo: «Gáa gī muɔ nɛ́ weli sunʔɔmɔ ní bè, Kulocɛliɛ Jaa ? Lɛ̀lɛ niì fìɛ nɔ̀ʔ, á muɔ 'pɛn náʔa gè bè pa weli wuʔɔ lé ?»

Matiye 8:4

A Zezi wi 'ki juu wi mɛ́ nɛ́ wi yɛ: «Lúʔu m'mɛ́, fǎga tí bé ti juu siɛn mɛ́ʔ; te waa ma sa mìɛ tìɛ Kulocɛliɛ Gbùʔɔrɔsaʔa kacuɔnriwɔ wire nɛ̄, má sí yakɔnrɔ kɔ̀n dè, dàa Misa cé tìɛ dè, kire ki bé puu fìɛ wè pe mìɛni mɛ́ bèle, bè ki tìɛ muɔ nyɛ́nì puʔɔ.»

Mariki 1:25

A Zezi wi 'juu nɛ̀ jɛnmɛ wi nɛ̄, nɛ́ wi yɛ: «-Nyuɔ tɔ́n gè, má yiri nàguɔ ŋáà nī wè !»

Mariki 1:32

Ki cɛnguʔɔ gè, bà cɛngɛnyɛni ni kɛ́nì jíin lɛ̀lɛ níì nī lè, a siɛnnɛ pe 'pɛn nɛ́ pe yaala pe mìɛni ní Zezi kúrugu wè, nɛ̀ gbòdolilofɔlilɔ pínɛ bèle.

Mariki 1:34

A Zezi wi 'yaala feliye sáa puʔɔ, nɛ̀ gbòdolilo sáa cìra nɛ̀ yige siɛnnɛ nī bèle. Wiì puu nɛ yèrí ki nɛ̄ gbòdolilo peri nyuʔ. Ki 'nyaa peli yé wi cɛ́n siɛn ŋíì wī wè.

Mariki 3:11

Yaala bílì nī gbòdolilo 'puu bèle, a peli cé gbɛ́nɛ̀ Zezi nyaa wè pe nɛ̂ káguro wáa wi mɛ́, níɛ̀ kòkuulo wáa náà jo: «Muɔ wī Kulocɛliɛ Jaa wè !»

Luku 4:39

A Zezi wi sɛ́nì gbɔbi wi táanni, nɛ́ fali nɛ̀ juu nɛ̀ jɛnmɛ cefuuro nɛ̄ dè. A ti 'fali nɛ̀ wi yaʔa sɛni, a wi 'yɛ̀ nɛ yagbuɔrɔ kpínʔini pe mɛ́.

Zezi Kirisi Kataanna Siɛnrɛ dè Zan juumɔ nɛ̄ bè 20:31

Dàa tire sí nyɛ́nì sɛbɛ gìi ki bé tí ye- tɛ́ngɛ ki nɛ̄ ye ki cɛ́n Zezi wire wī Kulocɛliɛ Siɛnnyiɛnɛgɔnwɔ wè, nɛ ní Kulocɛliɛ Jaa wè. Nɛ̀ pínɛ a yeli 'tɛ́ngɛ wè, yeli bé sìi taa wè wi míʔɛ kire fànʔa nɛ̄ gè.

Zaki 2:19

Muɔ 'tɛ́ngɛ ki nɛ̄ Kulocɛliɛ wiī nigbe, kire yē cɛ̀ngɛ; gbòdolilo míɛni pe 'tɛ́ngɛ kire nɛ̄ nɛ̀ pínɛ, nɛ́ sí nɛ fún nɛ yàʔará fíɛrɛ nɛ̄ dè.