Luku 4:2 - Sénoufo Nyarafolo

² A wi sɛ́nì cɛnyɛ togosiin kúɔ baa, gbòdolilo kàfɔli ní wè nɛ wi pun nɛ wéli kele nī gèle. A wi 'kò sìnlii nī ki cɛnyɛ nyáà yi mìɛni nī yè. Bà ki cɛnyɛ yi sí pɛ́nì nyì yè, a fungo 'wi taa.

Luku 4:2 Iomraidhean Croise

Sélimɛ 3:15

M'bé leguuro nyɔ́gɔ muɔ nɛ́ cɛliwɛ sunʔɔmɔ ní bè, nɛ́ muɔ siimɛ nɛ́ cɛliwɛ wi siimɛ nī bè. Cɛliwɛ wi siimɛ pi bé ba muɔ nyùgo muʔɔrɔ gè; muɔ wè, muɔ bé ba wi nɔ̀ yedagbiɛnnɛ nɛ̄ lè.»

Yirile 24:18

Bà Misa 'tánʔa nyagurugo naamɛ gè, a wi 'jíin baa kàsadibagɛ nī gè. Wi yé kò baa nyagurugo naamɛ gè fúɔ nɛ̀ pɛ́nì taa cɛnyɛ togosiin nɛ́ pìliye togosiin.

Yirile 34:28

A Misa 'kò baa nɛ́ Yewe ní fúɔ nɛ̀ taa cɛnyɛ togosiin nɛ́ pìliye togosiin. Wiì lìiʔ; wi míɛni sì luʔɔ gbuɔʔ. A wi 'kajuudiʔɛlɛ kiɛ sɛbɛ gèle kàdɛnitɛnyɛ siin nɛ̄ yè, nyakungɛngɛ siɛnrɛ dè.

Matiye 21:18

Ki kpìɛnduu sínbinimɛ táanni bè, a wi 'yɛ̀ faʔa nɛ̀ koli baa kàʔa mɛ́ gè, fungo cé wi taa.

Matiye 4:2

A wi sɛ́nì sún le nɛ̀ taa cɛnyɛ togosiin, pìliye togosiin. A fungo 'wi taa.

Luku 4:3

A gbòdolilo kàfɔli wi 'Zezi yɛ wè: «A ki yē muɔ yē Kulocɛliɛ Jaa wè, ma juu nɛ́ sìndɛnigɛ gáà ní gè ki- yiʔɛ ki kò búru.»

Zezi Kirisi Kataanna Siɛnrɛ dè Zan juumɔ nɛ̄ bè 4:6

Kɔ̀lɔ ŋáà Yakuba cé túgu wè, baa wi 'puu ki siʔi nī gè. Bà Zezi wi cé tánʔa nɛ̀ fùrɔ wè, a wi sɛ́nì tɛ́ni kɔ̀lɔ wi nyuɔ nɛ̄ gè; cɛngɛ ki cé yéri nyùgo nī.

Fànʔa Kajuʔulo 9:18

«A mi 'fali nɛ̀ tuu nɛ̀ cúbulo Yewe yiʔɛ mɛ́ gè, nɛ̀ kò baa bɛ̀ tabelige tíɛlɛ gè. Miì suro lìiʔ, miì luʔɔ gbuɔʔ fúɔ cɛnyɛ togosiin nɛ́ pìliye togosiin, yeli kapiigbuʔɔ kire kɛnmɛ nɛ̄ gàa yeli 'kpíʔile gè gàa ki 'pii Yewe yiʔɛ mɛ́ gè, kire gáà yeli 'kpíʔile a ki 'wi fungo yɛ̀gɛ gè kpuʔɔ wè.

Fànʔa Kajuʔulo 9:25

«A mi sí tuu nɛ̀ cúbulo Yewe yiʔɛ mɛ́ gè, nɛ̀ kò baa sínɛjubulowo cɛnyɛ togosiin nɛ́ pìliye togosiin, nɛ́ ki cɛ́n Yewe wi yé jo wi bé yeli cúʔɔ wī.

Fànʔa Kajuʔulo 9:9

Bà mi yé tánʔa nyagurugo naamɛ gè bè sa kàdɛnitɛnyɛ suɔ Yewe mɛ́ wè, kàdɛnitɛnyɛ nyáà yī nyakungɛngɛ woyo yè gàa Yewe yé kpíʔile nɛ́ yeli ní wè, a mi 'kò baa nyagurugo naamɛ gè cɛnyɛ togosiin nɛ́ pìliye togosiin. Mi sì suro lìiʔ, mi míɛni sì luʔɔ gbuɔʔ.

Eburulo 2:18

Nɛ́ ki cɛ́n bɛ̀ wire tíimɛ 'wuʔɔ a puuwelige 'tuu wi nɛ̄ wè, wi bé gbɛ̀ pe sáʔa, bàli nɛ̄ puuwelige ki nɔ̀gí gè.

Eburulo 4:15

Nɛ́ ki cɛ́n weli kacuɔnrilɔ kàfɔli wè, kiì nyaa majo wiǐ gbɛ̀ jáa bè nyinimɛ taa weli ŋɔrifun kele nɛ̄ gèleʔ. Kire sì cɛ bɛ̀ʔ; wi yé puuwelige taa kele ke mìɛni nī majo bɛ̀ weli míɛni nɛ puuweliye taʔa yè, nɛ̀ ki yaʔa wiì kapiile kpíʔileʔ.