Luku 4:1 - Sénoufo Nyarafolo

¹ Bɛ̀ Kulocɛliɛ Pìle ni 'Zezi nyì wè mmɛ gè, a wi 'yiri baa Zurudɛn cáʔa tiʔɛ nī gè, a Kulocɛliɛ Pìle ni 'wi kɔ́ri nɛ̀ kɛ́ waama kùlo mɛ́ lè.

Luku 4:1 Iomraidhean Croise

Matiye 3:16

Bà sí Zezi wi 'batɛmi kpíʔile wè nɛ̀ kúɔ wè, nɛ́ je yiri luʔɔ nī gè, a nyìʔɛnɛ ni 'múgu wi nyaamɛ nɛ̄ bè, a wi 'Kulocɛliɛ Pìle nyaa lè a ni 'tìgi bɛ̀ gòtolo tíɛlɛ nɛ̀ pɛ́nì tɛ́ni wi nɛ̄.

Luku 2:27

A ki 'nyaa Kulocɛliɛ Pìle ni 'wi kɔ́ri nɛ̀ kɛ́ baa Kulocɛliɛ Gbùʔɔrɔsaʔa mɛ́ gè. Bà pùɔ wi siivɔlilɔ pe kɛ́nì pɛn bè pa wi kele kúɔ gèle bè yɛli nɛ́ Misa Fànʔa Siɛnrɛ kaliɛmɛ ní bè,

Luku 3:3

A Zan wi 'pɛn Zurudɛn cáʔa tɛ́nimɛ nī bè nɛ̀ pɛ́ni batɛmi wuʔu nyu gè siɛnnɛ mɛ́ bèle, batɛmi ŋáà wi bé ki tìɛ dí siɛn nyɛ́nì wi fungo yiʔɛ gè, dí Kulocɛliɛ wí sí pe kapiʔile kàsulugo suɔ gè.

Luku 3:38

Kayinami tuu wè pe 'puu nɛ wi yeri Enɔsi. Enɔsi tuu wè pe 'puu nɛ wi yeri Sɛti. Sɛti tuu wè pe 'puu nɛ wi yeri Adama. Kulocɛliɛ wire sí wī Adama Tuu wè.

Luku 4:14

A Zezi wi 'koli nɛ̀ kɛ́ Galile tɛ́nimɛ nī bè; Kulocɛliɛ Pìle ni fànʔa ki 'puu nɛ́ wi ní. A wi míʔɛ ki 'yiri ki tiʔɛ tɛ́nimɛ pi mìɛni nī.

Luku 4:18

Kàfɔli wi Pìle niī nɛ́ mi ní, nɛ́ ki cɛ́n wi 'mi nyíɛnɛ nɛ̀ kɔ̀n nɛ̀ kɔli tɔ́n mi nɛ̄, mi de Kataanna Siɛnrɛ jáari dè fuunmɔfɔlilɔ mɛ́ bèle. A wi ní nɛ̀ mi tun mi- ki jáari siɛnnɛ bálì mɛ́ pe 'cò bèle, dí pe 'kò pìyemɛ; bé sí fúɔnnɔ múgu bèle peri nyaʔa; bìli pe nyɛ́ni wuʔɔ bèle mi pe suɔ pe wuʔɔvɔlilɔ mɛ́ bèle.

Zezi Kirisi Kataanna Siɛnrɛ dè Zan juumɔ nɛ̄ bè 1:32

A Zan wi ń'nɛ̀ wi cɛ́nmɛ juu bè, wiì ti làrigɛʔ, nɛ́ jo: «Mi cé Kulocɛliɛ Pìle nyaa lè a ni 'kɔ́n baa nyìʔɛnɛ nī lè bɛ̀ gòtolo tíɛlɛ, nɛ̀ pɛ́nì tɛ́ni wi nɛ̄.

Zezi Kirisi Kataanna Siɛnrɛ dè Zan juumɔ nɛ̄ bè 3:34

Ki 'nyaa ŋàa Kulocɛliɛ wi 'tun wè, kire siɛn wiī nɛ Kulocɛliɛ siɛnrɛ nyu dè. Kulocɛliɛ wi 'wi Pìle kɛn lè wi mɛ́ nɛ̀ kɔli láʔa n'nɛ̄.

Kakpiʔiligele 1:2

fúɔ nɛ̀ taa cɛngɛ gíì Kulocɛliɛ wi cé kɛ́nì wi líɛ nɛ̀ yɛ̀gɛ nyìʔɛnɛ nī lè. Náʔanɛ wi- kɛ́ wè, wi tundunminɔ bílì wi cé nyíɛnɛ nɛ̀ kɔ̀n bèle, a wi 'siɛnrɛ juu nɛ̀ yaʔa pe mɛ́ nɛ̀ ki juu nɛ̀ gbɛ̀ngɛ pe mɛ́ Kulocɛliɛ Pìle fànʔa nɛ̄ gè.

Kakpiʔiligele 10:38

«Kire Zezi wire sí wī Nazarɛti kàʔa wuu wè; Kulocɛliɛ cé wi nyíɛnɛ nɛ̀ kɔ̀n nɛ́ wi Pìle tìrige lè nɛ́ fànʔa kɛn gè wi mɛ́ wi tòrí tiɛrɛ ti mìɛni nī nɛ nyuʔɔ siɛnnɛ nɛ̄ bèle, nɛ pe pori níɛ pe suu gbòdolilo kàfɔli wuʔɔgɔ mɛ́ gè. Ki 'nyaa Kulocɛliɛ wi 'puu nɛ́ wi ní.

Kakpiʔiligele 8:39

Bà pe kɛ́nì kúɔ nɛ́ yiri luʔɔ nī gè, a Kàfɔli wi Pìle ni 'Filipi líɛ wè nɛ̀ núgo; nàguɔ wiì ń'nɛ̀ wi nyaaʔ. A wi 'fali wi koligo nī gè níɛ fundaanra kpínʔini nɛ waa.